കനത്ത ചൂടിൽ നന്നായൊന്ന് വിയർത്ത് ശരീരം തണുപ്പിച്ചാണ് നമ്മൾ ശരീര താപനില താളം തെറ്റാതെ നിയന്ത്രിച്ച് നിർത്തുന്നത്. എന്നാൽ നമ്മുടെ അരുമകളായ നായ്ക്കളുടെ കാര്യം അങ്ങനെയല്ല. വിയർത്ത് ശരീരമൊന്ന് തണുപ്പിക്കാൻ വേണ്ട സ്വേദഗ്രന്ഥികൾ അവയുടെ ശരീരത്തിലില്ല, ആകെയുള്ളത് കാൽപ്പാദത്തിൽ അൽപ്പം ചില സ്വേദഗ്രന്ഥികൾ മാത്രം. അതും ചിലയിനം നായ്ക്കൾക്കു മാത്രം.
പിന്നെങ്ങെനെയാണ് വേനലിൽ തളരാതെ അവർ ശരീരതാപനില ക്രമീകരിച്ച് നിർത്തുന്നത്? ശരീരതാപനില ഉയരുമ്പോൾ നാവ് പുറത്തേക്ക് നീട്ടി അണച്ചും കിതച്ചും ഉച്ഛ്വാസവായുവിലൂടെയും ഉമിനീരിലൂടെയും അധിക ശരീരതാപത്തെ അവർ പുറന്തളളും. എന്നാൽ അന്തരീക്ഷതാപവും ഈർപ്പവും ഏറുന്നതോടെ ഉൾച്ചൂടിനെ കാര്യക്ഷമമായി പുറത്തുവിടാൻ ഈ മാർഗ്ഗങ്ങൾ മതിയാവാതെ വരും.
നായ്ക്കൾ പകൽ സമയങ്ങളിൽ തണലിടങ്ങളിൽ മാറിയിരുന്ന് പരവേശത്തോടെ വായിൽ നിന്ന് ധാരാളം ഉമിനീരൊലിപ്പിച്ച് ആഞ്ഞ് കിതയ്ക്കുന്നത് കണ്ടിട്ടില്ലേ ? നായ്ക്കളിലെ ഉഷ്ണസമ്മർദ്ദത്തിന്റെ ലക്ഷണമാണിത്. ഇങ്ങനെ ആഞ്ഞു കിതച്ചിട്ടും ശരീരതാപനില ക്രമീകരിക്കാൻ കഴിയാതെ വന്നാൽ സൂര്യതാപം, സൂര്യാഘാതം, ശരീരതാപനിലയുയരുന്ന താപാഘാതം എന്നിവയ്ക്ക്് നായ്ക്കളിലും സാധ്യതയേറെയുണ്ട്. വേനലിൽ നായ്ക്കളെ പരിചരിക്കുമ്പോൾ ഒരല്പം ശ്രദ്ധവേണം.
നായ്ക്കളിലെ ഉഷ്ണസമ്മർദ്ദം എങ്ങനെ തിരിച്ചറിയാം ?
ഉയർന്ന ശരീര താപനില, ഉന്മേഷക്കുറവ,് തളർച്ച, നടക്കാനും ഓടാനും മടി, നാവ് പുറത്തേക്കിട്ട് അമിതമായ അണപ്പ്, കിതക്കൽ, ഉയർന്ന നിരക്കിലുള്ള ഹൃദയമിടിപ്പ്, വായിൽ നിന്ന് കട്ടികൂടിയ ഉമിനീർ ധാരാളമായി ഒലിക്കൽ, കൈകാലുകളിലേയും തലയിലെയും പേശികളിൽ വിറയൽ, വിളറിയ കണ്ണുകൾ, ചുവന്ന മോണയും നാക്കും, വേച്ച് വേച്ചുള്ള നടത്തം, അലക്ഷ്യമായ ചലനങ്ങൾ, ഛർദ്ദി, വയറിളക്കം, തളർന്ന് വീഴൽ എന്നിവ നായ്ക്കളിലെ ഉഷ്ണസമ്മർദ്ദത്തിന്റെ ലക്ഷണങ്ങളാണ്.
ശരീരഭാരം ഏറിയവയിലും ഹൃദയ-ശ്വാസകോശ സംബന്ധമായ രോഗങ്ങൾ ബാധിച്ചവയിലും ശ്വസനനാളിയ്ക്ക് തകരാറുള്ളവയിലും പ്രായം ചെന്ന നായ്ക്കളിലും പൊതുവെ ഉഷ്ണാഘാതത്തിന് സാധ്യത ഏറെയാണ്. പഗ്ഗുകൾ, ലാസ ആപ്സോ, ബുൾ മാസ്റ്റിഫ്, ബുൾഡോഗ്, ഇംഗ്ലീഷ് ടോയ് സ്പാനിയൽ, ചൗ ചൗ തുടങ്ങിയ ശരീരത്തെ അപേക്ഷിച്ച് തീരെ ചെറിയ തലയും പതിഞ്ഞ മൂക്കുമുള്ള ബ്രാക്കിസെഫാലിക് വിഭാഗത്തിൽപ്പെട്ട നായ്ക്കൾക്ക് വേനലിൽ കരുതൽ ഏറെ വേണം.
ശരീരത്തെ അപേക്ഷിച്ച് ചെറിയ തലയും മൂക്കും വായയുമായതിനാൽ മതിയായ വായുവും ഈർപ്പവും ശരീരത്തിൽ നിന്ന് പുറന്തള്ളി അണപ്പിലൂടെ താപനില ക്രമീകരിക്കാൻ ഈ ഇത്തിരി കുഞ്ഞൻമാർക്ക് കഴിയില്ല. വിറയലും ഛർദ്ദിയും വരണ്ട മോണയും വിളറിയ കണ്ണുകളുമെല്ലാം ഈയിനങ്ങളിലെ താപസമ്മർദ്ദത്തിന്റെ ലക്ഷണങ്ങളാണ്. കട്ടിയായ രോമാവരണമുള്ള പൊമറേനിയൻ, ജർമ്മൻ ഷെപ്പേർഡ് പോലുള്ള ഇനങ്ങളിലും ഉഷ്ണാഘാതസാധ്യത കൂടും. പകൽ ഓടിച്ചാടി വ്യായാമം ഇഷ്ടപ്പെടുന്ന ലാബ്രഡോർ റിട്രീവർ, ജർമ്മൻ ഷെപ്പേർഡ് തുടങ്ങിയ ഊർജ്ജസ്വലരായ നായ ഇനങ്ങളെ പകൽചൂടിൽ ഇറക്കിവിട്ടാൽ താപാഘാതത്തിന് സാധ്യതയുണ്ട്.
ഉയർന്ന ഊഷ്മാവുള്ള ഏത് അന്തരീക്ഷവും നായ്കളിൽ ഉഷ്ണസമ്മർദ്ദമുണ്ടാക്കും. നമ്മുടെ അശ്രദ്ധയും അതിനൊരു കാരണമാണ്. നല്ല ചൂടുള്ള പകലിൽ നായ്ക്കളെ കാറിനുള്ളിലോ, മുറിയ്ക്കുള്ളിലോ അടച്ച് പുറത്ത് പോയാൽ എന്ത് സംഭവിയ്ക്കും ? കാറടക്കമുള്ള വാഹനങ്ങൾ തണലിലാണ് നിർത്തിയിട്ടിരിക്കുന്നത് എങ്കിൽ പോലും അഞ്ചു മിനിറ്റ് കൊണ്ടു തന്നെ പുറത്തെ താപനിലയേക്കാൾ 10% വരെ വാഹനങ്ങൾക്കുള്ളിലെ താപനില ഉയരാൻ ഇടയുണ്ട്. ഈ താപത്തെ താങ്ങാനാവാതെ നിർജ്ജലീകരണവും, സൂര്യാഘാതവും ഏറ്റ് അരുമകൾ അപകടത്തിലാവുന്ന ഈ അവസ്ഥയെ അല്പം ശ്രദ്ധിച്ചാൽ ഒഴിവാക്കാം. വെള്ള കാറുകളെ അപേക്ഷിച്ച് കറുത്ത നിറമുള്ള കാറുകളാണെങ്കിൽ താപാഘാതത്തിന് സാധ്യത കൂടും. നായ്ക്കൾക്ക് പകൽ 9 നും 3 നുമിടയ്ക്ക് പരിശീലനവും വ്യായാമവും നൽകൽ, മതിയായ തണലോ കുടിവെള്ളമോ ഒരുക്കി വെക്കാതെ പുറത്ത് വിടൽ എന്നിവയെല്ലാം ഉഷ്ണാഘാതത്തിന് സാധ്യതകൂട്ടും.
നായ്ക്കളിൽ താപാഘാതം കണ്ടാൽ എന്ത് ചെയ്യണം ?
ഉഷ്ണസമ്മർദ്ദത്തിന്റെ ലക്ഷണങ്ങൾ ഏതെങ്കിലും ശ്രദ്ധയിൽപ്പെട്ടാൽ നായ്ക്കളെ തണലിടങ്ങളിലേക്ക് മാറ്റി തണുത്ത വെള്ളത്തിൽ മുക്കിയ ടവ്വൽ മേനിയിൽ പുതപ്പിക്കണം. കാറ്റും നൽകണം. ചെറിയ ഇനത്തിൽ പെട്ട നായ്ക്കളെ തണുത്ത വെള്ളം നിറച്ച ഒരു ചെറിയ ടാങ്കിലോ പാത്രത്തിലോ തല മുങ്ങാതെ അൽപ്പസമയം മുക്കണം. ഫാനിനടിയിൽ നല്ല കാറ്റു കിട്ടുന്നിടത്ത് കിടത്തി മേനിയിൽ വെള്ളം സ്പ്രേ ചെയ്ത് നനയ്ക്കുകയും ചെയ്യാം. തലയുടെ പിൻഭാഗത്തും കഴുത്തിലും തണുത്തവെള്ളം കൊണ്ട് നന്നായി നനയ്ക്കണം. തണുത്ത വെള്ളം ധാരാളം കുടിയ്ക്കാൻ നൽകണം. എന്നാൽ വെള്ളം നിർബന്ധിച്ച് കുടിപ്പിക്കരുത്. ശരീരതാപനില സാധാരണ നിലയിൽ (103ീ/39.5ീഇ) ആവുന്നതുവരെ ഈ ക്രമീകരണങ്ങൾ ചെയ്യണം. മലദ്വാരത്തിൽ ഒരു തെർമോ മീറ്ററിന്റെ അറ്റം അമർത്തി പടിച്ച് ശരീരതാപനില പരിശോധിക്കാം.
താപാഘാത ലക്ഷണങ്ങൾ കൂടുതൽ ഗുരുതരമാണെങ്കിൽ ഉടൻ വൈദ്യസഹായം തേടണം. തലക്കുള്ളിലെ നീർക്കെട്ട്, വൃക്കയുടെ പ്രവർത്തനം തകരാറിലാവൽ, കുടലിലെ രക്തസ്രാവം, രക്തം കട്ടപിടിയ്ക്കുന്നതിലെ തടസ്സം തുടങ്ങിയ സങ്കീർണ്ണതകൾക്ക് താപാഘാതം കാരണമായേക്കാം.
ഉഷ്ണസമ്മർദ്ദം തടയുന്നതിനായി
വേനൽച്ചൂടേറുന്തോറും നായ്ക്കൾ തീറ്റയെടുക്കുന്നത് കുറയും. ചൂട് കൂടിയ സമയങ്ങളിൽ തീറ്റ നൽകുന്നത് ഒഴിവാക്കണം. ആകെ തീറ്റ രാവിലെയും വൈകീട്ടും മൂന്നോ നാലോ തവണകളായി നൽകണം. ദഹനശേഷി കൂട്ടാനും വിശപ്പുണ്ടാവാനും ആഹാരത്തിൽ യീസ്റ്റ് അല്ലെങ്കിൽ മറ്റ് പ്രോബയോട്ടിക്കുകൾ ഉൾപ്പെടുത്തണം. ഇതിനായി തൈര് തീറ്റയിൽ ചേർത്താൽ മതി. ജീവകം സി, ഇ അടങ്ങിയ ടാബ്ലെറ്റുകളും, ടോണിക്കുകളും പതിവായി നൽകി ശരീര സമ്മർദ്ദം ഒട്ടൊക്കെ കുറയ്ക്കാം.
കൂടിന്റെ മേൽക്കൂരയ്ക്ക് മുകളിൽ ഓട് , വൈക്കോൽ പാകുന്നതും ചണചാക്കോ, പനയോലയോ തെങ്ങോല മടഞ്ഞോ വിരിക്കുന്നതും നനയ്ക്കുന്നതും കൂടിനുള്ളിലെ ചൂട് കുറയ്ക്കും. താപാഘാതം തടയുന്നതിനായി പകൽ നനച്ച ഒരു തുണികൊണ്ട് നായ്ക്കളുടെ ശരീരം തുടച്ചു നൽകാം. നായ്ക്കളുടെ കൂട്ടിൽ ഒരു ഫാൻ ഒരുക്കി നൽകാവുന്നതാണ് വേനലിൽ ആഴ്ചയിൽ ഒന്നോ രണ്ടോ തവണ കുളിപ്പിക്കണം. ബാഹ്യപരാദങ്ങൾ വേനലിൽ പെരുകുന്നതിനാൽ ബാഹ്യപരാദനാശിനികൾ അടങ്ങിയ സോപ്പോ, ഷാംപുവോ തേച്ച് കുളിപ്പിക്കുന്നതാണ് ഉത്തമം. നല്ല ശരീര രോമമുള്ള ഇനങ്ങൾക്ക് മേനി മിനുങ്ങുന്നതിനായി സ്കിൻ ടോണിക്കുകൾ നൽകണം.
നിർത്തിയിട്ടിരിക്കുന്ന വാഹനങ്ങളിൽ പകൽ വേളകളിൽ അൽപ്പ സമയത്തേക്കാണെങ്കിൽ പോലും അരുമകളെ ഉള്ളിലടച്ച് പുറത്ത് പോവരുത്. അരുമകളുമായുള്ള വാഹനയാത്രകളും, വ്യായാമവും, നടത്തവുമെല്ലാം ചൂട് കുറവുള്ള രാവിലെയും, വൈകുന്നേരവുമായി ക്രമീകരിക്കണം. വീട്ടിൽ പല സ്ഥലങ്ങളിലായി വെള്ളപ്പാത്രങ്ങൾ നിറച്ച് ഒരുക്കി വെക്കണം. പുറത്ത് പാർപ്പിക്കുന്ന നായ്ക്കളെ ചൂട് കൂടിയ നേരങ്ങളിൽ അകത്തോ പുറത്ത് തണൽ ഒരുക്കിയോ പാർപ്പിക്കണം.
വേനലിൽ ബാഹ്യ പരാദങ്ങളുടെ ശല്യം കൂടുതലായതിനാൽ അത് നിയന്ത്രിക്കുന്നതിനായ് ടിക്ക്/ഫ്ളീ കോളറുകളോ, സ്പോട്ട് ഓൺ, പോറോൺ മരുന്നുകളോ കുത്തിവെയ്പുകളോ നൽകാം. ബാഹ്യപരാദനാശിനികൾ അടങ്ങിയ ഷാംപു ഉപയോഗിച്ച് നായ്ക്കളെ കുളിപ്പിക്കുകയോ ചെയ്യാം. കുഞ്ഞുങ്ങളിലെ പരാദ നിയന്ത്രണത്തിന് പൗഡറുകൾ മേനിയിൽ തളിയ്ക്കാൻ ലഭ്യമാണ്. അമിതമായി വളർന്ന രോമകൂപങ്ങൾ വെട്ടിയൊതുക്കി എന്നും ഒരു ബ്രഷ് കൊണ്ട് മേനി ചീവാൻ മറക്കരുത്. രോമവളർച്ച കൂടുതലുള്ള ജർമൻ ഷെപ്പേർഡ് പോലുള്ള ഇനങ്ങളുടെ അധികമായി വളർന്ന രോമങ്ങളും, ജടകളും വെട്ടിയൊരുക്കി ഒരു ബ്രഷ് കൊണ്ട് ഗ്രൂമിങ്ങ് ചെയ്യുന്നത് ശരീരത്തിന്റെ രക്തയോട്ടം കൂട്ടാനും താപസമ്മർദ്ദത്തെ കുറയ്ക്കാനും സഹായിക്കും.
ബബീസിയോസിസ്, ഹീമോബാർട്ടനെല്ലോസിസ്, എർലീച്ചിയോസിസ് തുടങ്ങിയ രക്താണുരോഗങ്ങൾക്ക് വേനലിൽ സാധ്യത കൂടുതലാണ് വിളർച്ച, പനി, തീറ്റമടുപ്പ്, ക്ഷീണം തുടങ്ങിയ ലക്ഷണങ്ങൾ കണ്ടാൽ വേഗത്തിൽ ചികിത്സ തേടണം.
Content highlights: Animal husbandry, Pet dogs
.
പിന്നെങ്ങെനെയാണ് വേനലിൽ തളരാതെ അവർ ശരീരതാപനില ക്രമീകരിച്ച് നിർത്തുന്നത്? ശരീരതാപനില ഉയരുമ്പോൾ നാവ് പുറത്തേക്ക് നീട്ടി അണച്ചും കിതച്ചും ഉച്ഛ്വാസവായുവിലൂടെയും ഉമിനീരിലൂടെയും അധിക ശരീരതാപത്തെ അവർ പുറന്തളളും. എന്നാൽ അന്തരീക്ഷതാപവും ഈർപ്പവും ഏറുന്നതോടെ ഉൾച്ചൂടിനെ കാര്യക്ഷമമായി പുറത്തുവിടാൻ ഈ മാർഗ്ഗങ്ങൾ മതിയാവാതെ വരും.
നായ്ക്കൾ പകൽ സമയങ്ങളിൽ തണലിടങ്ങളിൽ മാറിയിരുന്ന് പരവേശത്തോടെ വായിൽ നിന്ന് ധാരാളം ഉമിനീരൊലിപ്പിച്ച് ആഞ്ഞ് കിതയ്ക്കുന്നത് കണ്ടിട്ടില്ലേ ? നായ്ക്കളിലെ ഉഷ്ണസമ്മർദ്ദത്തിന്റെ ലക്ഷണമാണിത്. ഇങ്ങനെ ആഞ്ഞു കിതച്ചിട്ടും ശരീരതാപനില ക്രമീകരിക്കാൻ കഴിയാതെ വന്നാൽ സൂര്യതാപം, സൂര്യാഘാതം, ശരീരതാപനിലയുയരുന്ന താപാഘാതം എന്നിവയ്ക്ക്് നായ്ക്കളിലും സാധ്യതയേറെയുണ്ട്. വേനലിൽ നായ്ക്കളെ പരിചരിക്കുമ്പോൾ ഒരല്പം ശ്രദ്ധവേണം.
നായ്ക്കളിലെ ഉഷ്ണസമ്മർദ്ദം എങ്ങനെ തിരിച്ചറിയാം ?
ഉയർന്ന ശരീര താപനില, ഉന്മേഷക്കുറവ,് തളർച്ച, നടക്കാനും ഓടാനും മടി, നാവ് പുറത്തേക്കിട്ട് അമിതമായ അണപ്പ്, കിതക്കൽ, ഉയർന്ന നിരക്കിലുള്ള ഹൃദയമിടിപ്പ്, വായിൽ നിന്ന് കട്ടികൂടിയ ഉമിനീർ ധാരാളമായി ഒലിക്കൽ, കൈകാലുകളിലേയും തലയിലെയും പേശികളിൽ വിറയൽ, വിളറിയ കണ്ണുകൾ, ചുവന്ന മോണയും നാക്കും, വേച്ച് വേച്ചുള്ള നടത്തം, അലക്ഷ്യമായ ചലനങ്ങൾ, ഛർദ്ദി, വയറിളക്കം, തളർന്ന് വീഴൽ എന്നിവ നായ്ക്കളിലെ ഉഷ്ണസമ്മർദ്ദത്തിന്റെ ലക്ഷണങ്ങളാണ്.
ശരീരഭാരം ഏറിയവയിലും ഹൃദയ-ശ്വാസകോശ സംബന്ധമായ രോഗങ്ങൾ ബാധിച്ചവയിലും ശ്വസനനാളിയ്ക്ക് തകരാറുള്ളവയിലും പ്രായം ചെന്ന നായ്ക്കളിലും പൊതുവെ ഉഷ്ണാഘാതത്തിന് സാധ്യത ഏറെയാണ്. പഗ്ഗുകൾ, ലാസ ആപ്സോ, ബുൾ മാസ്റ്റിഫ്, ബുൾഡോഗ്, ഇംഗ്ലീഷ് ടോയ് സ്പാനിയൽ, ചൗ ചൗ തുടങ്ങിയ ശരീരത്തെ അപേക്ഷിച്ച് തീരെ ചെറിയ തലയും പതിഞ്ഞ മൂക്കുമുള്ള ബ്രാക്കിസെഫാലിക് വിഭാഗത്തിൽപ്പെട്ട നായ്ക്കൾക്ക് വേനലിൽ കരുതൽ ഏറെ വേണം.
ശരീരത്തെ അപേക്ഷിച്ച് ചെറിയ തലയും മൂക്കും വായയുമായതിനാൽ മതിയായ വായുവും ഈർപ്പവും ശരീരത്തിൽ നിന്ന് പുറന്തള്ളി അണപ്പിലൂടെ താപനില ക്രമീകരിക്കാൻ ഈ ഇത്തിരി കുഞ്ഞൻമാർക്ക് കഴിയില്ല. വിറയലും ഛർദ്ദിയും വരണ്ട മോണയും വിളറിയ കണ്ണുകളുമെല്ലാം ഈയിനങ്ങളിലെ താപസമ്മർദ്ദത്തിന്റെ ലക്ഷണങ്ങളാണ്. കട്ടിയായ രോമാവരണമുള്ള പൊമറേനിയൻ, ജർമ്മൻ ഷെപ്പേർഡ് പോലുള്ള ഇനങ്ങളിലും ഉഷ്ണാഘാതസാധ്യത കൂടും. പകൽ ഓടിച്ചാടി വ്യായാമം ഇഷ്ടപ്പെടുന്ന ലാബ്രഡോർ റിട്രീവർ, ജർമ്മൻ ഷെപ്പേർഡ് തുടങ്ങിയ ഊർജ്ജസ്വലരായ നായ ഇനങ്ങളെ പകൽചൂടിൽ ഇറക്കിവിട്ടാൽ താപാഘാതത്തിന് സാധ്യതയുണ്ട്.
ഉയർന്ന ഊഷ്മാവുള്ള ഏത് അന്തരീക്ഷവും നായ്കളിൽ ഉഷ്ണസമ്മർദ്ദമുണ്ടാക്കും. നമ്മുടെ അശ്രദ്ധയും അതിനൊരു കാരണമാണ്. നല്ല ചൂടുള്ള പകലിൽ നായ്ക്കളെ കാറിനുള്ളിലോ, മുറിയ്ക്കുള്ളിലോ അടച്ച് പുറത്ത് പോയാൽ എന്ത് സംഭവിയ്ക്കും ? കാറടക്കമുള്ള വാഹനങ്ങൾ തണലിലാണ് നിർത്തിയിട്ടിരിക്കുന്നത് എങ്കിൽ പോലും അഞ്ചു മിനിറ്റ് കൊണ്ടു തന്നെ പുറത്തെ താപനിലയേക്കാൾ 10% വരെ വാഹനങ്ങൾക്കുള്ളിലെ താപനില ഉയരാൻ ഇടയുണ്ട്. ഈ താപത്തെ താങ്ങാനാവാതെ നിർജ്ജലീകരണവും, സൂര്യാഘാതവും ഏറ്റ് അരുമകൾ അപകടത്തിലാവുന്ന ഈ അവസ്ഥയെ അല്പം ശ്രദ്ധിച്ചാൽ ഒഴിവാക്കാം. വെള്ള കാറുകളെ അപേക്ഷിച്ച് കറുത്ത നിറമുള്ള കാറുകളാണെങ്കിൽ താപാഘാതത്തിന് സാധ്യത കൂടും. നായ്ക്കൾക്ക് പകൽ 9 നും 3 നുമിടയ്ക്ക് പരിശീലനവും വ്യായാമവും നൽകൽ, മതിയായ തണലോ കുടിവെള്ളമോ ഒരുക്കി വെക്കാതെ പുറത്ത് വിടൽ എന്നിവയെല്ലാം ഉഷ്ണാഘാതത്തിന് സാധ്യതകൂട്ടും.
നായ്ക്കളിൽ താപാഘാതം കണ്ടാൽ എന്ത് ചെയ്യണം ?
ഉഷ്ണസമ്മർദ്ദത്തിന്റെ ലക്ഷണങ്ങൾ ഏതെങ്കിലും ശ്രദ്ധയിൽപ്പെട്ടാൽ നായ്ക്കളെ തണലിടങ്ങളിലേക്ക് മാറ്റി തണുത്ത വെള്ളത്തിൽ മുക്കിയ ടവ്വൽ മേനിയിൽ പുതപ്പിക്കണം. കാറ്റും നൽകണം. ചെറിയ ഇനത്തിൽ പെട്ട നായ്ക്കളെ തണുത്ത വെള്ളം നിറച്ച ഒരു ചെറിയ ടാങ്കിലോ പാത്രത്തിലോ തല മുങ്ങാതെ അൽപ്പസമയം മുക്കണം. ഫാനിനടിയിൽ നല്ല കാറ്റു കിട്ടുന്നിടത്ത് കിടത്തി മേനിയിൽ വെള്ളം സ്പ്രേ ചെയ്ത് നനയ്ക്കുകയും ചെയ്യാം. തലയുടെ പിൻഭാഗത്തും കഴുത്തിലും തണുത്തവെള്ളം കൊണ്ട് നന്നായി നനയ്ക്കണം. തണുത്ത വെള്ളം ധാരാളം കുടിയ്ക്കാൻ നൽകണം. എന്നാൽ വെള്ളം നിർബന്ധിച്ച് കുടിപ്പിക്കരുത്. ശരീരതാപനില സാധാരണ നിലയിൽ (103ീ/39.5ീഇ) ആവുന്നതുവരെ ഈ ക്രമീകരണങ്ങൾ ചെയ്യണം. മലദ്വാരത്തിൽ ഒരു തെർമോ മീറ്ററിന്റെ അറ്റം അമർത്തി പടിച്ച് ശരീരതാപനില പരിശോധിക്കാം.
താപാഘാത ലക്ഷണങ്ങൾ കൂടുതൽ ഗുരുതരമാണെങ്കിൽ ഉടൻ വൈദ്യസഹായം തേടണം. തലക്കുള്ളിലെ നീർക്കെട്ട്, വൃക്കയുടെ പ്രവർത്തനം തകരാറിലാവൽ, കുടലിലെ രക്തസ്രാവം, രക്തം കട്ടപിടിയ്ക്കുന്നതിലെ തടസ്സം തുടങ്ങിയ സങ്കീർണ്ണതകൾക്ക് താപാഘാതം കാരണമായേക്കാം.
ഉഷ്ണസമ്മർദ്ദം തടയുന്നതിനായി
വേനൽച്ചൂടേറുന്തോറും നായ്ക്കൾ തീറ്റയെടുക്കുന്നത് കുറയും. ചൂട് കൂടിയ സമയങ്ങളിൽ തീറ്റ നൽകുന്നത് ഒഴിവാക്കണം. ആകെ തീറ്റ രാവിലെയും വൈകീട്ടും മൂന്നോ നാലോ തവണകളായി നൽകണം. ദഹനശേഷി കൂട്ടാനും വിശപ്പുണ്ടാവാനും ആഹാരത്തിൽ യീസ്റ്റ് അല്ലെങ്കിൽ മറ്റ് പ്രോബയോട്ടിക്കുകൾ ഉൾപ്പെടുത്തണം. ഇതിനായി തൈര് തീറ്റയിൽ ചേർത്താൽ മതി. ജീവകം സി, ഇ അടങ്ങിയ ടാബ്ലെറ്റുകളും, ടോണിക്കുകളും പതിവായി നൽകി ശരീര സമ്മർദ്ദം ഒട്ടൊക്കെ കുറയ്ക്കാം.
കൂടിന്റെ മേൽക്കൂരയ്ക്ക് മുകളിൽ ഓട് , വൈക്കോൽ പാകുന്നതും ചണചാക്കോ, പനയോലയോ തെങ്ങോല മടഞ്ഞോ വിരിക്കുന്നതും നനയ്ക്കുന്നതും കൂടിനുള്ളിലെ ചൂട് കുറയ്ക്കും. താപാഘാതം തടയുന്നതിനായി പകൽ നനച്ച ഒരു തുണികൊണ്ട് നായ്ക്കളുടെ ശരീരം തുടച്ചു നൽകാം. നായ്ക്കളുടെ കൂട്ടിൽ ഒരു ഫാൻ ഒരുക്കി നൽകാവുന്നതാണ് വേനലിൽ ആഴ്ചയിൽ ഒന്നോ രണ്ടോ തവണ കുളിപ്പിക്കണം. ബാഹ്യപരാദങ്ങൾ വേനലിൽ പെരുകുന്നതിനാൽ ബാഹ്യപരാദനാശിനികൾ അടങ്ങിയ സോപ്പോ, ഷാംപുവോ തേച്ച് കുളിപ്പിക്കുന്നതാണ് ഉത്തമം. നല്ല ശരീര രോമമുള്ള ഇനങ്ങൾക്ക് മേനി മിനുങ്ങുന്നതിനായി സ്കിൻ ടോണിക്കുകൾ നൽകണം.
നിർത്തിയിട്ടിരിക്കുന്ന വാഹനങ്ങളിൽ പകൽ വേളകളിൽ അൽപ്പ സമയത്തേക്കാണെങ്കിൽ പോലും അരുമകളെ ഉള്ളിലടച്ച് പുറത്ത് പോവരുത്. അരുമകളുമായുള്ള വാഹനയാത്രകളും, വ്യായാമവും, നടത്തവുമെല്ലാം ചൂട് കുറവുള്ള രാവിലെയും, വൈകുന്നേരവുമായി ക്രമീകരിക്കണം. വീട്ടിൽ പല സ്ഥലങ്ങളിലായി വെള്ളപ്പാത്രങ്ങൾ നിറച്ച് ഒരുക്കി വെക്കണം. പുറത്ത് പാർപ്പിക്കുന്ന നായ്ക്കളെ ചൂട് കൂടിയ നേരങ്ങളിൽ അകത്തോ പുറത്ത് തണൽ ഒരുക്കിയോ പാർപ്പിക്കണം.
വേനലിൽ ബാഹ്യ പരാദങ്ങളുടെ ശല്യം കൂടുതലായതിനാൽ അത് നിയന്ത്രിക്കുന്നതിനായ് ടിക്ക്/ഫ്ളീ കോളറുകളോ, സ്പോട്ട് ഓൺ, പോറോൺ മരുന്നുകളോ കുത്തിവെയ്പുകളോ നൽകാം. ബാഹ്യപരാദനാശിനികൾ അടങ്ങിയ ഷാംപു ഉപയോഗിച്ച് നായ്ക്കളെ കുളിപ്പിക്കുകയോ ചെയ്യാം. കുഞ്ഞുങ്ങളിലെ പരാദ നിയന്ത്രണത്തിന് പൗഡറുകൾ മേനിയിൽ തളിയ്ക്കാൻ ലഭ്യമാണ്. അമിതമായി വളർന്ന രോമകൂപങ്ങൾ വെട്ടിയൊതുക്കി എന്നും ഒരു ബ്രഷ് കൊണ്ട് മേനി ചീവാൻ മറക്കരുത്. രോമവളർച്ച കൂടുതലുള്ള ജർമൻ ഷെപ്പേർഡ് പോലുള്ള ഇനങ്ങളുടെ അധികമായി വളർന്ന രോമങ്ങളും, ജടകളും വെട്ടിയൊരുക്കി ഒരു ബ്രഷ് കൊണ്ട് ഗ്രൂമിങ്ങ് ചെയ്യുന്നത് ശരീരത്തിന്റെ രക്തയോട്ടം കൂട്ടാനും താപസമ്മർദ്ദത്തെ കുറയ്ക്കാനും സഹായിക്കും.
ബബീസിയോസിസ്, ഹീമോബാർട്ടനെല്ലോസിസ്, എർലീച്ചിയോസിസ് തുടങ്ങിയ രക്താണുരോഗങ്ങൾക്ക് വേനലിൽ സാധ്യത കൂടുതലാണ് വിളർച്ച, പനി, തീറ്റമടുപ്പ്, ക്ഷീണം തുടങ്ങിയ ലക്ഷണങ്ങൾ കണ്ടാൽ വേഗത്തിൽ ചികിത്സ തേടണം.
Content highlights: Animal husbandry, Pet dogs
.