പപ്പായ, കൈതച്ചക്ക, പാഷൻ ഫ്രൂട്ട്, വാഴപ്പഴം, മാമ്പഴം , നാരങ്ങ - ഈ ആറു പഴങ്ങളുടെ രുചികൾ ഒത്തുചേരുന്ന ഒരൊറ്റപ്പഴമുണ്ട്- അതാണ് സാക്ഷാൽ മെക്സിക്കൻ ആത്തച്ചക്ക . ലോകത്തെ ഏറ്റവും മികച്ച് സ്വാദുള്ള പഴങ്ങളുടെ പട്ടകയിലാണ് ഇതിനെ ഉൾപ്പെടുത്തിരിക്കുന്നത്.
കേരളത്തിൽ ഇടുക്കി ജില്ലയിലെ കാന്തല്ലൂരിൽ ധാരാളമായി വളരുന്നുണ്ടെങ്കിലും മെക്സിക്കൻ ആത്തച്ചക്കയുടെ വാണിജ്യകൃഷിക്ക് ചില തടസ്സങ്ങളുണ്ട്. ഒന്ന്, അതിന്റെ കുറഞ്ഞ സൂക്ഷിപ്പുകാലം; രണ്ട് കനം കുറഞ്ഞ തൊലി, മൂന്ന് വിളവെടുപ്പിലെ ബുദ്ധിമുട്ട്. എങ്കിലും അനുപമമായ സ്വാദും സുഗന്ധവും കാരണം ഈ പഴം ലോകമെങ്ങും പ്രിയതരമാണ്.
പരിചയം
ബൊളീവിയ, ചിലി,പെറു, ഇക്വഡോർ എന്നീ സ്ഥലങ്ങൾ ഉൾക്കൊള്ളുന്ന ആൻഡീസ് താഴ് വരകളാണ് മെക്സിക്കൻ ആത്തയുടെ ജന്മസ്ഥലം.
ചെറിമോയ എന്നും ഇതിന് പേരുണ്ട്.ചിറിമുയ എന്ന പദത്തിൽ നിന്നാണ് ചെറിമോയ രൂപംകൊണ്ടത്.
സസ്യനാമം അനോന ചെറിമോല. ആത്തച്ചക്കയും മുള്ളാത്തയും ഒക്കെ ഉൾപ്പെടുന്ന അനോനേസി ആണ് സസ്യകുലം. മെക്സിക്കൻ ആത്ത കണ്ട് സാധാരണ ആത്തച്ചക്കയാണെന്ന് തെറ്റിദ്ധരിക്കുന്നവർ ധാരാളം.
ഇലപൊഴിയുന്ന ചെറു വൃക്ഷമാണ് മെക്സിക്കൻ ആത്ത. പരമാവധി ഉയരത്തിൽ വളരും. വ്യത്യസ്ത സ്വഭാവമുള്ള നിരവധി ഇനങ്ങൾ മെക്സിക്കൻ ആത്തയിലുണ്ട്. പഴത്തിന്റെ പുറംതൊലി താരതമ്യേന മൃദുവായ ലിസ ; വിരൽപ്പാടുകൾ പോലെ പുറംതൊലിയിൽ കുഴികളുള്ള ഇംപ്രസ് തൊലിക്ക് കനം കുറഞ്ഞ പിഞ്ചുവ, എത്ര കടുത്ത തണുപ്പും അതിജീവിക്കുന്ന ഡെലീഷ്യോസ; മറ്റു സ്ഥലങ്ങളിലേക്ക് കയറ്റി അയക്കാൻ യോജിച്ച ഓട്ട് - ഇങ്ങനെ ഇനങ്ങൾ നിരവധിയുണ്ട്.
പ്രജനനവും കൃഷിയും
വിത്തു വഴിയും ഒട്ടിച്ചും വായുവിൽ പതികെട്ടിയും പുതിയ തൈ തയ്യാറാക്കാം. മെക്സിക്കൻ ആത്തയിലെ ഒരു പ്രശ്നം അതിലെ ആൺ-പെൺ ഭാഗങ്ങൾ വ്യത്യസ്ത സമയങ്ങളിലാണ് പാകമാകുന്നതെന്നതാണ്. അതിനാൽ സ്വാഭാവിക പരാഗണത്തിന് സാധ്യത തീരെ കുറവാണ്.
വളരെ അയഞ്ഞതു മുതൽ ഗുരുത്വമുള്ള മണ്ണു വരെയുള്ള പ്രദേശങ്ങളിൽ മെക്സിക്കൻ ആത്ത വളരും. എന്നാൽ ഇടത്തരം സ്വഭാവസവിശേഷതകളും മിതമായ വളക്കൂറുമുള്ള മണ്ണിൽ മികവ് പ്രകടിപ്പിക്കുന്നതായാണ് കണ്ടിരിക്കുന്നത്.
മെക്സിക്കൻ ആത്തയുടെ വിത്തിന് ഉണക്കി സൂക്ഷിച്ചാൽ വർഷങ്ങളോളം കേടാകാതെയിരിക്കാൻ കഴിയും. എങ്കിലും വിത്തിൽ നിന്ന് മുളച്ചു വരുന്ന തൈകൾ ഗുണമികവിൽ വളരെ പിന്നോക്കം നിൽക്കുന്നതായാണ് അനുഭവം. അതിനാലാണ് ബഡ്ഡിങ്ങ്, ഗ്രാഫ്റ്റിങ് പോലുള്ള പ്രജനനരീതികൾ പ്രാവർത്തികമാക്കുന്നത്.
റൂട്ട് സ്റ്റോക്ക് തയ്യാറാക്കാനുള്ള വിത്തുകൾ ആദ്യം വെള്ളത്തിലിടും. നാല് ദിവസം കഴിയുമ്പോൾ പൊങ്ങിക്കിടക്കുന്ന വിത്തുകൾ ഒഴിവാക്കുന്നു. ബാക്കിയുള്ളവ മണലും മണ്ണും ചേർത്ത തടത്തിൽ പ്രത്യേകം പാകി വളർത്തും.
3 മുതൽ 5 ആഴ്ച കഴിയുമ്പോഴേക്കും വിത്തുകൾ മുളക്കും. തൈക്ക് 10 സെ.മീറ്റർ ഉയരമാകുമ്പോൾ അത് നഴ്സറിയിലേക്കോ പുതിയ ചട്ടികളിലേക്കോ മാറ്റി നടും. 12 മുതൽ 24 മാസത്തെ വളർച്ചയെത്തുമ്പോൾ അവ ഒട്ടിക്കലിന് വിധേയമാക്കുന്നു.
അതിനുശേഷം ഒന്നേകാൽ മീറ്ററോളം വളർന്ന തൈ ആണ് പ്രധാന കൃഷിസ്ഥലത്തേക്ക് നടുന്നത്. മെക്സിക്കൻ ആത്ത സാധാരണ ആത്തച്ചക്കമരമായും ഒട്ടിക്കുക പതിവുണ്ട്. ഇന്ത്യയിൽ ഈ രീതി 90 ശതമാനത്തോളം വിജയം കണ്ടിട്ടുണ്ട്.
വിളവ്
മെക്സിക്കൻ ആത്ത മൂന്നാം വർഷം കായ്ക്കും. അതിൽ നേരിയ വ്യത്യാസം വരാം. അഞ്ച്, പത്ത് വർഷത്തിനുള്ളിൽ വിളവ് ക്രമാനുഗതമായി വഗ്ധിക്കുന്നത് കണ്ടിരിക്കുന്നു.
ഒരു മരത്തിൽ നിന്ന് 150-200 പഴങ്ങൾ വരെ ഒരു വർഷം കിട്ടാറുണ്ട്. മഞ്ഞ കലർന്ന പച്ചരാശിയോടു കൂടിയ നിറഭേദം കാട്ടുമ്പോൾ പഴങ്ങൾ വിളവെടുക്കാം.
വിളഞ്ഞ പഴങ്ങൾ കുലുക്കി നോക്കി ഉള്ളിൽ ഇളകിയ വിത്തുകളുടെ കിലുക്കം ശ്രദ്ധിച്ചും വിളവെടുപ്പ് സമയം നിർണയിക്കാം.
സാധാരണ അന്തരീക്ഷോഷ്മാവിൽ വിളവെടുത്ത് 3-4 ദിവസമാകുമ്പോൾ പഴങ്ങൾ മൃദുവും ഭക്ഷ്യയോഗ്യവുമാകും. പഴങ്ങൾ ശീതീകരിച്ചും സൂക്ഷിക്കാം.
മേന്മകൾ
പോഷക സമൃദ്ധമാണ് മെക്സിക്കൻ ആത്തപ്പഴം. 15 ശതമാനം പഞ്ചസാരയും 20 മില്ലിഗ്രാം ജീവകം സിയുമുണ്ട്. കൂടാതെ കാൽസ്യം, ഫോസ്ഫറസ്, ഇരുമ്പ്, കരോട്ടിൻ, തയമിൻ റിബോഫ്ലേവിൻ ,നിയാസിൻ, മാംസ്യം, കൊഴുപ്പ്, തുടങ്ങിയവയും അടങ്ങിയിരിക്കുന്നു.
അതേപടി കഴിക്കുക അതീവ സ്വാദിഷ്ടമാണ്. വിളഞ്ഞ മെക്സിക്കൻ ആത്തച്ചക്ക നെടുകെ മുറിച്ച് സ്പൂൺ കൊണ്ട് ഐസ്ക്രീം പോലെ കോരി കഴിക്കാം.
ഐസ്ക്രീം, സർബത്ത്, ലഘുപാനീയങ്ങൾ എന്നിവ തയ്യാറാക്കാനും ഉപയോഗിക്കുന്നു. പഴം പുളിപ്പിച്ച് ഒരിനം മദ്യം ഉൽപ്പാദിപ്പിക്കാറുണ്ട്. പഴത്തിനും വിത്തിനും ഔഷധഗുണവുമുണ്ട്. വിത്ത് പൊടിച്ചെടുത്ത് തയ്യാറാക്കുന്ന ലായനി മികച്ച ജൈവകീടനാശിനിയാണ്.
Content highlights: Agriculture, Cherimoya
കേരളത്തിൽ ഇടുക്കി ജില്ലയിലെ കാന്തല്ലൂരിൽ ധാരാളമായി വളരുന്നുണ്ടെങ്കിലും മെക്സിക്കൻ ആത്തച്ചക്കയുടെ വാണിജ്യകൃഷിക്ക് ചില തടസ്സങ്ങളുണ്ട്. ഒന്ന്, അതിന്റെ കുറഞ്ഞ സൂക്ഷിപ്പുകാലം; രണ്ട് കനം കുറഞ്ഞ തൊലി, മൂന്ന് വിളവെടുപ്പിലെ ബുദ്ധിമുട്ട്. എങ്കിലും അനുപമമായ സ്വാദും സുഗന്ധവും കാരണം ഈ പഴം ലോകമെങ്ങും പ്രിയതരമാണ്.
പരിചയം
ബൊളീവിയ, ചിലി,പെറു, ഇക്വഡോർ എന്നീ സ്ഥലങ്ങൾ ഉൾക്കൊള്ളുന്ന ആൻഡീസ് താഴ് വരകളാണ് മെക്സിക്കൻ ആത്തയുടെ ജന്മസ്ഥലം.
ചെറിമോയ എന്നും ഇതിന് പേരുണ്ട്.ചിറിമുയ എന്ന പദത്തിൽ നിന്നാണ് ചെറിമോയ രൂപംകൊണ്ടത്.
സസ്യനാമം അനോന ചെറിമോല. ആത്തച്ചക്കയും മുള്ളാത്തയും ഒക്കെ ഉൾപ്പെടുന്ന അനോനേസി ആണ് സസ്യകുലം. മെക്സിക്കൻ ആത്ത കണ്ട് സാധാരണ ആത്തച്ചക്കയാണെന്ന് തെറ്റിദ്ധരിക്കുന്നവർ ധാരാളം.
ഇലപൊഴിയുന്ന ചെറു വൃക്ഷമാണ് മെക്സിക്കൻ ആത്ത. പരമാവധി ഉയരത്തിൽ വളരും. വ്യത്യസ്ത സ്വഭാവമുള്ള നിരവധി ഇനങ്ങൾ മെക്സിക്കൻ ആത്തയിലുണ്ട്. പഴത്തിന്റെ പുറംതൊലി താരതമ്യേന മൃദുവായ ലിസ ; വിരൽപ്പാടുകൾ പോലെ പുറംതൊലിയിൽ കുഴികളുള്ള ഇംപ്രസ് തൊലിക്ക് കനം കുറഞ്ഞ പിഞ്ചുവ, എത്ര കടുത്ത തണുപ്പും അതിജീവിക്കുന്ന ഡെലീഷ്യോസ; മറ്റു സ്ഥലങ്ങളിലേക്ക് കയറ്റി അയക്കാൻ യോജിച്ച ഓട്ട് - ഇങ്ങനെ ഇനങ്ങൾ നിരവധിയുണ്ട്.
പ്രജനനവും കൃഷിയും
വിത്തു വഴിയും ഒട്ടിച്ചും വായുവിൽ പതികെട്ടിയും പുതിയ തൈ തയ്യാറാക്കാം. മെക്സിക്കൻ ആത്തയിലെ ഒരു പ്രശ്നം അതിലെ ആൺ-പെൺ ഭാഗങ്ങൾ വ്യത്യസ്ത സമയങ്ങളിലാണ് പാകമാകുന്നതെന്നതാണ്. അതിനാൽ സ്വാഭാവിക പരാഗണത്തിന് സാധ്യത തീരെ കുറവാണ്.
വളരെ അയഞ്ഞതു മുതൽ ഗുരുത്വമുള്ള മണ്ണു വരെയുള്ള പ്രദേശങ്ങളിൽ മെക്സിക്കൻ ആത്ത വളരും. എന്നാൽ ഇടത്തരം സ്വഭാവസവിശേഷതകളും മിതമായ വളക്കൂറുമുള്ള മണ്ണിൽ മികവ് പ്രകടിപ്പിക്കുന്നതായാണ് കണ്ടിരിക്കുന്നത്.
മെക്സിക്കൻ ആത്തയുടെ വിത്തിന് ഉണക്കി സൂക്ഷിച്ചാൽ വർഷങ്ങളോളം കേടാകാതെയിരിക്കാൻ കഴിയും. എങ്കിലും വിത്തിൽ നിന്ന് മുളച്ചു വരുന്ന തൈകൾ ഗുണമികവിൽ വളരെ പിന്നോക്കം നിൽക്കുന്നതായാണ് അനുഭവം. അതിനാലാണ് ബഡ്ഡിങ്ങ്, ഗ്രാഫ്റ്റിങ് പോലുള്ള പ്രജനനരീതികൾ പ്രാവർത്തികമാക്കുന്നത്.
റൂട്ട് സ്റ്റോക്ക് തയ്യാറാക്കാനുള്ള വിത്തുകൾ ആദ്യം വെള്ളത്തിലിടും. നാല് ദിവസം കഴിയുമ്പോൾ പൊങ്ങിക്കിടക്കുന്ന വിത്തുകൾ ഒഴിവാക്കുന്നു. ബാക്കിയുള്ളവ മണലും മണ്ണും ചേർത്ത തടത്തിൽ പ്രത്യേകം പാകി വളർത്തും.
3 മുതൽ 5 ആഴ്ച കഴിയുമ്പോഴേക്കും വിത്തുകൾ മുളക്കും. തൈക്ക് 10 സെ.മീറ്റർ ഉയരമാകുമ്പോൾ അത് നഴ്സറിയിലേക്കോ പുതിയ ചട്ടികളിലേക്കോ മാറ്റി നടും. 12 മുതൽ 24 മാസത്തെ വളർച്ചയെത്തുമ്പോൾ അവ ഒട്ടിക്കലിന് വിധേയമാക്കുന്നു.
അതിനുശേഷം ഒന്നേകാൽ മീറ്ററോളം വളർന്ന തൈ ആണ് പ്രധാന കൃഷിസ്ഥലത്തേക്ക് നടുന്നത്. മെക്സിക്കൻ ആത്ത സാധാരണ ആത്തച്ചക്കമരമായും ഒട്ടിക്കുക പതിവുണ്ട്. ഇന്ത്യയിൽ ഈ രീതി 90 ശതമാനത്തോളം വിജയം കണ്ടിട്ടുണ്ട്.
വിളവ്
മെക്സിക്കൻ ആത്ത മൂന്നാം വർഷം കായ്ക്കും. അതിൽ നേരിയ വ്യത്യാസം വരാം. അഞ്ച്, പത്ത് വർഷത്തിനുള്ളിൽ വിളവ് ക്രമാനുഗതമായി വഗ്ധിക്കുന്നത് കണ്ടിരിക്കുന്നു.
ഒരു മരത്തിൽ നിന്ന് 150-200 പഴങ്ങൾ വരെ ഒരു വർഷം കിട്ടാറുണ്ട്. മഞ്ഞ കലർന്ന പച്ചരാശിയോടു കൂടിയ നിറഭേദം കാട്ടുമ്പോൾ പഴങ്ങൾ വിളവെടുക്കാം.
വിളഞ്ഞ പഴങ്ങൾ കുലുക്കി നോക്കി ഉള്ളിൽ ഇളകിയ വിത്തുകളുടെ കിലുക്കം ശ്രദ്ധിച്ചും വിളവെടുപ്പ് സമയം നിർണയിക്കാം.
സാധാരണ അന്തരീക്ഷോഷ്മാവിൽ വിളവെടുത്ത് 3-4 ദിവസമാകുമ്പോൾ പഴങ്ങൾ മൃദുവും ഭക്ഷ്യയോഗ്യവുമാകും. പഴങ്ങൾ ശീതീകരിച്ചും സൂക്ഷിക്കാം.
മേന്മകൾ
പോഷക സമൃദ്ധമാണ് മെക്സിക്കൻ ആത്തപ്പഴം. 15 ശതമാനം പഞ്ചസാരയും 20 മില്ലിഗ്രാം ജീവകം സിയുമുണ്ട്. കൂടാതെ കാൽസ്യം, ഫോസ്ഫറസ്, ഇരുമ്പ്, കരോട്ടിൻ, തയമിൻ റിബോഫ്ലേവിൻ ,നിയാസിൻ, മാംസ്യം, കൊഴുപ്പ്, തുടങ്ങിയവയും അടങ്ങിയിരിക്കുന്നു.
അതേപടി കഴിക്കുക അതീവ സ്വാദിഷ്ടമാണ്. വിളഞ്ഞ മെക്സിക്കൻ ആത്തച്ചക്ക നെടുകെ മുറിച്ച് സ്പൂൺ കൊണ്ട് ഐസ്ക്രീം പോലെ കോരി കഴിക്കാം.
ഐസ്ക്രീം, സർബത്ത്, ലഘുപാനീയങ്ങൾ എന്നിവ തയ്യാറാക്കാനും ഉപയോഗിക്കുന്നു. പഴം പുളിപ്പിച്ച് ഒരിനം മദ്യം ഉൽപ്പാദിപ്പിക്കാറുണ്ട്. പഴത്തിനും വിത്തിനും ഔഷധഗുണവുമുണ്ട്. വിത്ത് പൊടിച്ചെടുത്ത് തയ്യാറാക്കുന്ന ലായനി മികച്ച ജൈവകീടനാശിനിയാണ്.
Content highlights: Agriculture, Cherimoya