സൂര്യതാപം വളര്‍ത്തുമൃഗങ്ങളെ ബാധിക്കാതിരിക്കാനുള്ള മുന്‍കരുതലുകള്‍ സൂര്യതാപം വളര്‍ത്തുമൃഗങ്ങളെ ബാധിക്കാതിരിക്കാനുള്ള മുന്‍കരുതലുകള്‍

March 10, 2019, 10:02 am

≫ Next: കണ്ടാല്‍ ഒരു ചെറിയ ചക്കപ്പഴം; പഴങ്ങളുടെ രാജാവാണ് ദുരിയാന്‍ കണ്ടാല്‍ ഒരു ചെറിയ ചക്കപ്പഴം; പഴങ്ങളുടെ രാജാവാണ് ദുരിയാന്‍

≪ Previous: വയനാട്ടില്‍ വിത്ത് സംരക്ഷണത്തിനായി കമ്യൂണിറ്റി ജീന്‍ ബാങ്ക് തുടങ്ങുംവയനാട്ടില്‍ വിത്ത് സംരക്ഷണത്തിനായി കമ്യൂണിറ്റി ജീന്‍ ബാങ്ക് തുടങ്ങും

$

0

0

ഉയർന്ന അന്തരീക്ഷ താപനില മനുഷ്യരെപ്പോലെ കന്നുകാലികളെയും ബാധിക്കാറുണ്ട്. അന്തരീക്ഷ ഊഷ്മാവ് കൂടുന്തോറും കന്നുകാലികൾക്ക് തീറ്റമടുപ്പ്, കുറഞ്ഞ പാൽ ഉൽപാദനം, കുറയുന്ന ഗർഭധാരണനിരക്ക് എന്നീ ലക്ഷണങ്ങൾ കാണിക്കാറുണ്ട്.

തുറസ്സായ പ്രദേശങ്ങളിൽ മേയാൻ വിടുന്ന കാലികൾക്കു സൂര്യാഘാതം ഉണ്ടാകാറുണ്ട്. കിതപ്പ്, കൂടിയ ശ്വസനനിരക്ക്, വായിൽ നിന്നും ഉമിനീരൊഴുക്ക് എന്നിവയിൽ തുടങ്ങി പിന്നീട് വിറയൽ അനുഭവപ്പെടുകയും കൈകാലുകളുടെ ചലനശേഷി ഇല്ലാതാവുകയും പശു വീണുപോവുകയും മരണപ്പെടുകയും ചെയ്യും. നേരിട്ടുള്ളസൂര്യതാപം ഏൽക്കുന്ന ഭാഗങ്ങളിൽ പൊള്ളൽ ഉണ്ടാവാറുണ്ട്.

പ്രതിവിധികൾ

1. രാവിലെ 10 മുതൽ5 വരെ മൃഗങ്ങളെ തുറസ്സായ സ്ഥലത്തു മേയാൻ വിടരുത്. പകൽസമയത്ത് തൊഴുത്തിന് പുറത്ത് മരത്തണലുകളിലും നല്ല കാറ്റ് ലഭ്യമാകുന്നതുമായ സ്ഥലങ്ങളിൽ കാലികളെ കെട്ടാം. തൊഴുത്തുകളിൽ ഫാൻ ഫോഗ്ർ മുതലായവ ഉപയോഗിക്കാം. തൊഴുത്തുകളുടെ മേൽക്കൂരയിൽ ഓല അല്ലെങ്കിൽ 75% ഷെയിഡ് നെറ്റ് എന്നിവ വിരിക്കാം. വശങ്ങളിൽ നനവുള്ള ചണച്ചാക്കോ കട്ടിയുള്ള തുണിയോ തൂക്കിയിടാം. ദിവസവും രണ്ടു നേരം പശുക്കളെ കുളിപ്പിക്കണം. ഇടക്കിടെ വെളളം ദേഹത്തു നനച്ച് കൊടുക്കുകയോ ഒരു നനഞ്ഞ ചണച്ചാക്ക് പശുവിന്റെ ദേഹത്ത് ഇട്ടു കൊടുക്കുകയോ ചെയ്യാം.

2. കന്നുകാലികൾക്കുള്ള തീറ്റ രാവിലെ 7 മണിക്ക് മുൻപും വൈകിട്ട് 6 മണിക്ക് ശേഷവും മാത്രം നൽകുക. വൈക്കോൽ നൽകുന്നത് രാത്രിയിലും അതിരാവിലെയും ആക്കുക. പച്ചപ്പുൽ പരമാവധി നൽകുക.. ഒരു പശുവിനു ഒരു ദിവസം 60 ലിറ്റർ വെള്ളം വേണം. പശുക്കൾക്കും ദാഹിക്കുമ്പോൾ കുടിക്കാൻ വെള്ളം അരികത്തുണ്ടാവണം.

3. എല്ലാ ദിവസവും 25 മുതൽ 30 ഗ്രാം ധാതുലവണ മിശ്രിതം നൽകുക. 25ഗ്രാം അപ്പക്കാരം, 50 ഗ്രാം ഉപ്പ് എന്നിവ തീറ്റയിൽ ചേർത്ത് ദിവസവും നൽകുക. കന്നുകാലികൾക്കു സൂര്യാതപം ഉണ്ടായാൽ എത്രയും പെട്ടെന്ന് വിദഗ്ധ ചികിത്സ ലഭ്യമാക്കണം. നിർജലീകരണം മൂലം ഷോക്ക് ഉണ്ടാവുകയും തന്മൂലം മരണം ഉണ്ടാകുകയും ചെയ്യും.

അമിതമായ ചൂട് നായ്ക്കളെയും ബാധിക്കാറുണ്ട്. കിതപ്പ് ശബ്ദത്തോടെയുള്ള ശ്വാസോച്ഛ്വാസം,ഛർദി, കൊഴുത്ത ഉമിനീരൊഴുകൽ, ഉയർന്ന ഹൃദയമിടിപ്പ് എന്നിവ കാണാറുണ്ട്. നായയുടെ ശരീരം നനഞ്ഞ തുണി അല്ലെങ്കിൽ ഐസ് പാഡ് ഉപയോഗിച്ച് തണുപ്പിക്കുക. നായ വെള്ളം കുടിക്കുന്നില്ലെങ്കിൽ ധാരാളം വെള്ളം നൽകുക. എത്രയും പെട്ടെന്ന് വെറ്ററിനറി സഹായം തേടുകയും വേണം. കോഴികൾക്കു കൂടുകളിൽ നല്ല വായുസഞ്ചാരം ഉണ്ടായിരിക്കണം. പകൽ സമയത്ത് കൂടുകളിൽ കുടിക്കുവാനുള്ള ശുദ്ധജലം എപ്പോഴും ലഭ്യമാക്കണം.

Content highlights:Animal husbandry, Agriculture

---

കണ്ടാല്‍ ഒരു ചെറിയ ചക്കപ്പഴം; പഴങ്ങളുടെ രാജാവാണ് ദുരിയാന്‍ കണ്ടാല്‍ ഒരു ചെറിയ ചക്കപ്പഴം; പഴങ്ങളുടെ രാജാവാണ് ദുരിയാന്‍

March 10, 2019, 11:24 am

≫ Next: നേന്ത്രപ്പഴത്തൊലി കൊണ്ട് ജൈവവളം വീട്ടിലുണ്ടാക്കാം; റോസാച്ചെടി നിറയെ പൂക്കള്‍ നേന്ത്രപ്പഴത്തൊലി കൊണ്ട് ജൈവവളം വീട്ടിലുണ്ടാക്കാം; റോസാച്ചെടി നിറയെ പൂക്കള്‍

≪ Previous: സൂര്യതാപം വളര്‍ത്തുമൃഗങ്ങളെ ബാധിക്കാതിരിക്കാനുള്ള മുന്‍കരുതലുകള്‍ സൂര്യതാപം വളര്‍ത്തുമൃഗങ്ങളെ ബാധിക്കാതിരിക്കാനുള്ള മുന്‍കരുതലുകള്‍

$

0

0

കണ്ടാൽ ഒരു ചെറിയ ചക്കപ്പഴം. അതാണ് ദുരിയാൻ. തെക്കു കിഴക്കൻ ഏഷ്യയിൽ പഴങ്ങളുടെ രാജാവ് എന്ന ഓമനപ്പേരിലാണ് ദുരിയാൻ അറിയപ്പെടുന്നത്. ഫുട്ബാളിന്റെ വലിപ്പവും പുറത്ത് കൂർത്തുമൂർത്ത നീളൻ കട്ടിമുള്ളുകളും - ഇതാണ് ദുരിയാൻ പഴത്തിന്റെ രൂപം.

പരിചയം

മലേഷ്യ, ഇന്തോനേഷ്യ എന്നീ രാജ്യങ്ങളാണ് ദുരിയാന്റെ ജന്മദേശം. ആഞ്ഞിലിച്ചക്കയോടോ പ്ലാവിലെ ചെറിയ ചക്കയോടോ ദുരിയാന് രൂപസാദൃശ്യം കണ്ടെത്തിയാൽ തെറ്റില്ല. ഇതിന്റെ ഉൾഭാഗം ചക്കയിലെ ചുളകൾ പോലെ തന്നെയാണ്. ചുളയ്ക്കുള്ളിൽ ചക്കക്കുരുവിനേക്കാൾ വലിപ്പമുള്ള ഓരോ വിത്തുമുണ്ടാകും. കുരുവിന്റെ മുകളിൽ ആത്തപ്പഴത്തിന്റേതുപോലെ പറ്റിയിരിക്കുന്ന മാംസളഭാഗമാണ് ഭക്ഷ്യയോഗ്യം. ഒരു പഴം പരമാവധി മൂന്ന്് കിലോ വരെ തൂക്കമുണ്ടാകും.

ഏഷ്യയിലെ എല്ലാ വിപണികളിലും ദുരിയാൻ പഴം വിൽപ്പനയ്ക്കെത്താറുണ്ട്. ദുരി എന്ന മലയാളം വാക്കിൽ നിന്നാണ് ഈ പഴത്തിന് ദുരിയാൻ എന്ന പേര് കിട്ടിയത്. ദുരി എന്നാൽ മുള്ള് എന്നർഥം.

ദുരിയാന്റെ വേറിട്ട സവിശേഷത അതിന്റെ പ്രത്യേകതരം ഗന്ധമാണ്. ഇത് അല്പം രൂക്ഷഗന്ധമാണുതാനും. ഈ ഗന്ധം ഒരേ സമയം ഇഷ്ടപ്പെടുന്നവരുമുണ്ട്. ഇഷ്ടപ്പെടാത്തവരുമുണ്ട്.

നന്നായി പരിചരിച്ചു വളർത്തുന്ന പ്രായപൂർത്തിയെത്തിയ ഒരു മരത്തിൽ നിന്ന് കുറഞ്ഞത് 40 മുതൽ നാനൂറിലേറെ ചക്ക കിട്ടും. ഓരോ ചക്കയ്ക്കും നൂറ് രൂപയ്ക്കടുത്ത് വിലയുണ്ട്.

ഓരോ ചക്കയിലും പത്തുമുതൽ നാൽപതു വരെ ചുളകളുണ്ടായിരിക്കും. ചക്കയുടെ ഉൾവശം നാലു ഭാഗങ്ങളായി തിരിഞ്ഞാണ് ക്രമീകരിച്ചിരിക്കുന്നത്. ഇതിനുള്ളിലാണ് ചുളയിരിക്കുന്നത്.

സാധാരണ ഗതിയിൽ മൂപ്പെത്തുമ്പോൾ പഴുത്ത ചക്ക തുല്യഭാഗങ്ങളായി പൊട്ടിവിടരും. അപ്പോൾ ചുളകൾ നിരന്നു കാണാം. ദുരിയാൻ പഴം മരത്തിൽ നിന്നുതന്നെ വിളഞ്ഞു പഴുക്കുന്നതാണ് രുചികരം. പഴങ്ങൾ 5 ദിവസം വരെ കേടാകാതിരിക്കും. ചുളകൾ പനയോലയിൽ പൊതിഞ്ഞ് തണുപ്പിച്ച് സൂക്ഷിച്ചാൽ ഒരു വർഷം വരെ കേടാകാതിരിക്കും.

വിളവെടുപ്പ് നടത്തുന്നതോടൊപ്പം വളപ്രയോഗവും നടത്തണം. ഓരോ മരത്തിനും അഞ്ചു കിലോ വീതം എല്ലുപൊടിയും പത്തുകിലോ വീതം ഉണങ്ങിയ ചാണകപ്പൊടിയും മതിയാകും. ഇത് മൂന്ന് തവണയായി നൽകണം.

ദുരിയാൻ പഴത്തിന് ആരോഗ്യ പരിരക്ഷാ മേൻമകളും നിരവധി ഉണ്ട്.

1. ശരീരത്തിലെ സീറോടോണിൻ നില ഉയർത്തുന്നതു വഴി ശാരീരിക സ്വാസ്ഥ്യം നൽകുന്നു. ക്ഷീണം അകറ്റുന്നു. സ്ന്തോഷം പ്രദാനം ചെയ്യുന്നു.

2. പേശീ നിർമാണത്തിനും വിവിധ അവയവങ്ങളുടെ സുഖകരമായ പ്രവർത്തനത്തിനും സഹായിക്കുന്നു.

3. വാർധക്യസഹജമായ അവസ്ഥകൾ കുറയ്ക്കുകയോ മന്ദീഭവിപ്പിക്കുകയോ ചെയ്യുന്നു

4. ശ്വാസകോശവും ശ്വസനേന്ദ്രിയങ്ങളും ശുദ്ധീകരിച്ച് കഫക്കെട്ട് അകറ്റുന്നു

5. രക്തശുദ്ധീകരണത്തിന് വഴിയൊരുക്കുന്നു

6. മൃദുമാംസം ധാരാളം ഉള്ളതിനാൽ പേശീനിർമാണത്തിന് സഹായിക്കുന്നു

7. ധാരാളം മാംഗനീസ് അടങ്ങിയിരിക്കുന്നതിനാൽ രക്തത്തിലെ പഞ്ചസാരയുടെ അളവ് ക്രമീകരിക്കാൻ സഹായകമാകുന്നു

മധുരപലഹാരങ്ങൾ, കാൻഡി, ബിസ്കറ്റ്, ഐസ്ക്രീം, മിൽക് ഷേക്ക് എന്നിവ തയ്യാറാക്കാൻ ദുരിയാൻ പഴം ഉത്തമമാണ്.

(കടപ്പാട്- സുരേഷ് മുതുകുളം,പഴക്കൂടയിലെ നവാഗതർ)

Content highlights: Durian fruit, Agriculture, Organic farming

നേന്ത്രപ്പഴത്തൊലി കൊണ്ട് ജൈവവളം വീട്ടിലുണ്ടാക്കാം; റോസാച്ചെടി നിറയെ പൂക്കള്‍ നേന്ത്രപ്പഴത്തൊലി കൊണ്ട് ജൈവവളം വീട്ടിലുണ്ടാക്കാം; റോസാച്ചെടി നിറയെ പൂക്കള്‍

March 10, 2019, 1:19 pm

≫ Next: 'അമ്മായിയമ്മയുടെ നാക്ക്' ചട്ടിയില്‍ മുളച്ചാലോ ?'അമ്മായിയമ്മയുടെ നാക്ക്' ചട്ടിയില്‍ മുളച്ചാലോ ?

≪ Previous: കണ്ടാല്‍ ഒരു ചെറിയ ചക്കപ്പഴം; പഴങ്ങളുടെ രാജാവാണ് ദുരിയാന്‍ കണ്ടാല്‍ ഒരു ചെറിയ ചക്കപ്പഴം; പഴങ്ങളുടെ രാജാവാണ് ദുരിയാന്‍

$

0

0

റോസാച്ചെടി തഴച്ചു വളരാനും ധാരാളം പൂക്കളുണ്ടാകാനും ജൈവവളം വീട്ടിലുണ്ടാക്കാം

ഒരു പാത്രത്തിൽ അര ലിറ്റർ വെള്ളമെടുത്ത് നല്ല പോലെ പഴുത്ത മൂന്ന് നേന്ത്രപ്പഴത്തിന്റെ തൊലി മുറിച്ചിടുക. ഇത് നല്ലപോലെ തിളപ്പിക്കുക. പഴത്തൊലിയും വെള്ളവും ആവശ്യത്തിന് ചേർക്കാവുന്നതാണ്. നന്നായി തിളയ്ക്കണം.

തീ കുറച്ച ശേഷം ഒരു സ്പൂൺ കാപ്പിപ്പൊടിയും ഒരു സ്പൂൺ തേയിലയും ചേർക്കണം.നന്നായി യോജിപ്പിക്കുക.

രണ്ട് വലിയ സ്പൂൺ തൈര് ചേർക്കുക. തിളച്ച സമയത്ത് ചേർക്കരുത്. കുറച്ച് സമയം കാത്തിരുന്ന ശേഷമേ ഒഴിക്കാവൂ.

24 മണിക്കൂർ മൂടി വെക്കണം. അതിന് ശേഷം അരിച്ചെടുക്കുക.

ഈ ലായനി രണ്ട് കപ്പ് വെള്ളം ചേർത്ത് നേർപ്പിച്ച ശേഷം എല്ലാ 15 ദിവസം കൂടുമ്പോഴും റോസയ്ക്ക് ഒഴിച്ചു കൊടുക്കുക. ധാരാളം പൂവുണ്ടാകും.

Content highlights: Rose flower, Organic farming, Agriculture

'അമ്മായിയമ്മയുടെ നാക്ക്' ചട്ടിയില്‍ മുളച്ചാലോ ?'അമ്മായിയമ്മയുടെ നാക്ക്' ചട്ടിയില്‍ മുളച്ചാലോ ?

March 11, 2019, 8:22 am

≫ Next: ഇലന്തപ്പഴം- വരും നൂറ്റാണ്ടിന്റെ സൂപ്പര്‍ഫ്രൂട്ട്ഇലന്തപ്പഴം- വരും നൂറ്റാണ്ടിന്റെ സൂപ്പര്‍ഫ്രൂട്ട്

≪ Previous: നേന്ത്രപ്പഴത്തൊലി കൊണ്ട് ജൈവവളം വീട്ടിലുണ്ടാക്കാം; റോസാച്ചെടി നിറയെ പൂക്കള്‍ നേന്ത്രപ്പഴത്തൊലി കൊണ്ട് ജൈവവളം വീട്ടിലുണ്ടാക്കാം; റോസാച്ചെടി നിറയെ പൂക്കള്‍

$

0

0

അമ്മായിഅമ്മ-മരുമകൾ പോര് നാടുനീങ്ങിയിട്ട് കാലം കുറെയായെങ്കിലും അതിന്റെ സ്മരണ പേറി നമ്മുടെ തോട്ടത്തിലും ചട്ടിയിലും വളർത്തുന്ന ഒരു ചെടിയുണ്ട്. ഇൻഡോർ ആയും ഔട്ട്ഡോർ ആയും നന്നായി വളരുന്ന ചെടിക്ക് ഓക്സിജൻ പുറത്തുവിടാനുള്ള കഴിവ് അതുല്യമാണ്.

നാസയുടെ വായു ശുദ്ധീകരിക്കാനുള്ള ചെടിയായി പേരുകേട്ട ഇതിന്റെ ചെറിയ തൈകൾ പുതിയ സംരംഭങ്ങൾ തുടങ്ങുമ്പോൾ സമ്മാനമായി നൽകുന്ന ഒരു പതിവ് പൂർവേഷ്യൻ രാജ്യങ്ങളിലുണ്ട്. ഭാഗ്യദേവതയെ ആനയിക്കുമെന്നതാണ് ആ വിശ്വാസം. വാതിൽപ്പടിയിലും മുറിക്കകത്തും ചട്ടിക്കകത്തുവെച്ചാൽ നല്ല സുഖശീതളമായ വായു ശ്വസിക്കാം.

ചട്ടിയിൽ കുത്തനെ മുളച്ചു പൊന്തുന്ന ഇതിന് സർപ്പത്തിന്റെ പത്തിയുമായും നല്ല സാമ്യമുണ്ട്. അതിനാൽ സർപ്പപ്പോളയെന്നും സ്നേക്ക് പ്ലാന്റ് എന്നും വിളിക്കപ്പെടുന്നു. കൂടാതെ അമ്മായിഅമ്മയുടെ നാക്ക് എന്ന ഒരു അപരനാമവും ഇതിനുണ്ട്. സാൻസിവേറിയ എന്നാണ് ഈ സർപ്പസുന്ദരിയുടെ യഥാർഥപേര്. ഡ്രസീന എന്ന ജനുസിൽപ്പെട്ട അസ്പാരഗേസീ കുടുംബാംഗമാണ് ഈ അലങ്കാരച്ചെടി.



70-ൽപ്പരം ഇനങ്ങൾ

സാൻസിവേറിയയ്ക്ക് ലോകമെമ്പാടുമായി എഴുപതിൽപ്പരം ഇനങ്ങൾ കണ്ടുവരുന്നുണ്ട് ഇന്ത്യയിലെമ്പാടുമായി മുപ്പതിലധികം ഇനങ്ങൾ കാണപ്പെടുന്നു. സാൻസിവേറ ട്രിഫാഷിയേറ്റ എന്ന മഞ്ഞനിറത്തിലും പച്ചനിറത്തിലും വെള്ള പുള്ളിയോടുകൂടിയ ഇനങ്ങളാണ് കൂടുതലും. വട്ടത്തിൽ പടർന്നുവളരുന്ന തരവും ഉരുണ്ട ഇനത്തിലുള്ള സാൻസിവേറിയ സിലിൻഡ്രിക്കയും കണ്ടുവരുന്നു.

കോംപാക്ട, ഗോൾഡാനിയ, ഹാഹ്നൈ, എന്നിവയാണ് മറ്റു പ്രധാനപ്പെട്ട ഇനങ്ങൾ. വീട്ടിനകത്തും പുറത്തും അലങ്കാരച്ചെടിയായി ചട്ടികളിൽ വളർത്തിവരുന്ന ഇനങ്ങൾ ഇപ്പോൾ നല്ല പ്രചാരം നേടിവരുന്നു.

ചട്ടികളിൽ വളർത്താം

ഏതുകാലാവസ്ഥയിലും വളരുമെന്നതും കുറഞ്ഞ പരിചരണം മതിയെന്നതുമാണ് ഇതിനെ വേറിട്ടതാക്കുന്നത.് മറ്റ് ഓക്സിജൻ പ്രദായിനികൾക്ക് നല്ല പരിചരണം ആവശ്യമുള്ളപ്പോൾ സാൻസിവേറിയയുടെ മിക്കയിനങ്ങൾക്കും അധിക പരിചരണം ആവശ്യമില്ല.

പോട്ടിങ് മിശ്രിതം നിറച്ച ചട്ടികളിൽ ഇതിന്റെ ചെറിയ തൈകൾ നട്ടുപിടിപ്പിക്കാം. നല്ല നീർവാർച്ചയുള്ള മാധ്യമത്തിലാണ് വളരെപ്പെട്ടെന്ന് വേരുപിടിക്കുക. നീർവാർച്ച ഉറപ്പാക്കാൻ പോട്ടിങ്ങ് മിശ്രിതത്തിൽ മണലിന്റെ അംശം കൂട്ടിക്കൊടുക്കാം. ഒരു ചട്ടി മണ്ണിന് രണ്ടു ചട്ടി മണൽ എന്നതോതിൽ ചേർക്കണം.

ചെടികൾ അകത്തു വളർത്തുമ്പോൾ

അകത്തും പുറത്തും ഒരു പോലെ വളരുമെന്നതിനാലും നല്ലൊരു വായു ശുദ്ധീകരണ മാധ്യമമായതിനാലും വീട്ടിനകത്തു വളർത്തുന്നതാണ് പലയിനത്തിന്റെയും രീതി. അകത്തുവളർത്തുമ്പോൾ അധികം വലുപ്പമില്ലാത്ത ആകർഷകമായ ചട്ടികൾ ഉപയോഗിക്കണം.

പച്ച, മഞ്ഞ, വെള്ള ചട്ടികളാണ് സാധാരണ തിരഞ്ഞെടുക്കാറ്. എന്നാൽ അകത്തളങ്ങളിൽ വെയിലേൽക്കാതെ വളരുന്ന ചെടികളെ പെട്ടെന്ന് കൊടും വെയിലത്തേക്ക് മാറ്റിയാൽ അവ വാടിപ്പോകും. വളർച്ച പതുക്കെ ആയതിനാൽ ഇതിന് നൈട്രജൻ അധിഷ്ഠിത വളങ്ങൾ നൽകേണ്ടതില്ല. ഒരു ചെടിക്ക് മാസത്തിൽ നൂറുഗ്രാം ഉണക്ക ചാണകപ്പൊടിയും 20 ഗ്രാം വേപ്പിൻ പിണ്ണാക്കും ധാരാളം മതിയാകും.

കടയ്ക്കൽനിന്നു തൈകൾ

മാതൃചെടിയുടെ കടയ്ക്കൽ നിന്നാണ് പുതിയ തൈകൾ ഉണ്ടാകുന്നത്. അവയെ പറിച്ചുമാറ്റി പുതിയ ചെടികൾ വളർത്തിയെടുക്കുന്നു. ഒരു ചെടിയുടെ കടയ്ക്കൽനിന്നു തന്നെ ഒട്ടേറെ ചെടികൾ ഉണ്ടാകും. ചെടിച്ചട്ടികളിൽ വെള്ളം കെട്ടിനിൽക്കുന്ന അവസ്ഥയുണ്ടാകരുത്. നീർവാർച്ചയാണ് ഇതിന്റെ വളർച്ചയിൽ ഏറ്റവും ശ്രദ്ധിക്കേണ്ട ഒരു പ്രശ്നം. വെള്ളം കെട്ടിനിന്നാൽ മുരട് ചീഞ്ഞുപോകും.

Content highlights: Agriculture, Organic farming,Sansevieria trifasciata

ഇലന്തപ്പഴം- വരും നൂറ്റാണ്ടിന്റെ സൂപ്പര്‍ഫ്രൂട്ട്ഇലന്തപ്പഴം- വരും നൂറ്റാണ്ടിന്റെ സൂപ്പര്‍ഫ്രൂട്ട്

March 12, 2019, 12:33 am

≫ Next: ഷെലൂബിന്റെ മുയലിഷ്ടങ്ങള്‍; ഐ.ടി കമ്പനിയില്‍ നിന്ന് റാബിറ്റ് ഫാമിലേക്ക് ഷെലൂബിന്റെ മുയലിഷ്ടങ്ങള്‍; ഐ.ടി കമ്പനിയില്‍ നിന്ന് റാബിറ്റ് ഫാമിലേക്ക്

≪ Previous: 'അമ്മായിയമ്മയുടെ നാക്ക്' ചട്ടിയില്‍ മുളച്ചാലോ ?'അമ്മായിയമ്മയുടെ നാക്ക്' ചട്ടിയില്‍ മുളച്ചാലോ ?

$

0

0

ശരീരത്തിലെ കോശതലത്തിൽപ്പോലും സന്ദേശവാഹകരായി പ്രവർത്തിക്കാൻ കഴിയുന്ന മോണോഫോസ്ഫേറ്റുകൾ സമൃദ്ധമായി അടങ്ങിയിരിക്കുന്ന ഒരു പഴമുണ്ട്- പേര് ഇലന്ത. പ്രധാന ജീവകങ്ങൾ വേണ്ടുവോളം. ആപ്പിളിനേക്കാൾ നൂറിരട്ടി ജീവകം .സി, ധാതുലവണങ്ങളുടെ കലവറ, ജൈവാമ്ലങ്ങളുടെ നീണ്ടനിര- ഇലന്തയ്ക്ക് വേറയും പ്രത്യേകതകളുണ്ട്.

ജീവന്റെ പഴം, അമരത്വത്തിന്റെ പഴം എന്നൊക്കെയാണ് ഇലന്തപ്പഴത്തിന് പണ്ടേയുള്ള വിളിപ്പേരുകൾ. ജുജൂബ്, ജുജൂബ, റെഡ് ഡെയിറ്റ്,ചൈനീസ് ഡെയിറ്റ്, കൊറിയൻ ഡെയിറ്റ്, ഇന്ത്യൻ ഡെയിറ്റ് എന്നിങ്ങനെയും പേരുകൾ വേറം.

പരിചയം

ഇലന്തമരം പരമാവധി 10 മീറ്റർ വരെ ഉയരത്തിൽ വളരും. ദീർഘ വൃത്താകൃതിയുള്ള ചെറിയ ഇലകൾക്ക് തിളങ്ങുന്ന പച്ചനിറം. എത്ര വരണ്ട കാലാവസ്ഥയിലും വളരാൻ കെൽപ്പുണ്ട്. ചെനീസ് ഇലന്തയും ഇന്ത്യൻ ഇലന്തയും വെവ്വേറെയുണ്ട്. ഇന്ത്യയിലാകട്ടെ തൊണ്ണൂറിലേറം ഇലന്ത ഇനങ്ങൾ പ്രചാരത്തിലുണ്ട്. ഇവയ്ക്കെല്ലാം വ്യത്യസ്ഥ സ്വഭാവവുമാണ്.

ഇന്ത്യൻ ഇതിഹാസങ്ങളിലും ഇലന്തമരത്തെക്കുറിച്ച് പരാമർശമുണ്ട്. രാമായണത്തിൽ രാമന്റെ പ്രത്യേക അനുഗ്രഹം വേണ്ടുവോളം ലഭിച്ച വൃക്ഷമാണ് ഇലന്ത. സീതയെ ആപത്ഘട്ടത്തിൽ അഭയം നൽകി രക്ഷിച്ചതിനാൽ ഇലന്തമരത്തിന് ശ്രീരാമൻ മികച്ച ദൃഢതയും ബലവും നൽകിയെന്നാണ് ഐതിഹ്യം.എത്രത്തോളം വെട്ടിമുറിച്ചാലും ഒരിക്കലും ഇലന്തമരം പൂർണമായും നശിക്കുകയില്ല. ഒരു വേരെങ്കിലും അവശേഷിച്ചിട്ടുണ്ടെങ്കിൽ അത് പൂർവാധികം കരുത്തോടെ പുനർജനിക്കും. ഏത് പ്രതികൂല സാഹചര്യങ്ങളിലും വരണ്ട പ്രദേശങ്ങളിലും കരുത്തോടെ വളരാൻ ഇലന്തമരത്തെ സഹായിക്കുന്നത് ശ്രീരാമന്റെ ഈ വരമാണെന്ന് കരുതുന്നു.



പ്രജനനവും കൃഷിയും

പതിവെച്ചും ഒട്ടിച്ചുമെടുത്ത തൈകൾ നട്ടാൽ ഇലന്ത നന്നായി വളരും. സൂര്യപ്രകാശ ലഭ്യത സമൃദ്ധമായ ഉഷ്ണമേഖലാ കാലവസ്ഥയിൽ വളരാൻ ഏറ്റവും അനുയോജ്യം. തുറസ്സായ സ്ഥലങ്ങളാണ് തണലിടങ്ങളേക്കാൾ നന്ന്. നല്ല വെളിച്ചം കിട്ടിയാൽ നന്നായി കായ് പിടിക്കും. മൂക്കാത്ത കായ്ക്കു പച്ചനിറമാണ്. പഴുക്കുമ്പോൾ ഇതു മഞ്ഞ കലർന്ന പച്ചയായി മാറും. നന്നായി പഴുത്താൽ നല്ല ചുവപ്പാകും.

കായ് ചുവന്ന് പഴുത്തു കഴിഞ്ഞാൽ പുറംതൊലി മൃദുവാകുകയും ചുളിയുകയും ചെയ്യും. കാഴ്ചയ്ക്ക് ഈന്തപ്പഴമെന്നേ തോന്നൂ. അങ്ങനെയാണ് ഇലന്തയ്ക്ക് ഇന്ത്യൻ ഈന്തപ്പഴം എന്ന പേര് വിദേശികൾ നൽകിയത്. ഇലന്തപ്പഴത്തിന് മഞ്ഞകലർന്ന പച്ചനിറവും ചുവപ്പുനിറവും മാറുന്നതിനിടയ്ക്ക് ഒരു ദശയുണ്ട്. ഇതാണ് കഴിക്കാൻ ഏറ്റവും മികച്ച സമയം.

മണൽ കലർന്ന നീർവാർച്ചയുള്ള കൃഷിയിടമാണ് ഇലന്തയ്ക്ക് വളരാനിഷ്ടം. മഴയിലും അന്തരീക്ഷോഷ്മാവിലും സംഭവിക്കുന്ന വലിയ വ്യതിയാനങ്ങൾ പോലും ഇലന്ത സഹിക്കും.തോട്ടമടിസ്ഥാനത്തിൽ തൈകൾ നടുമ്പോൾ 11-12 മീറ്റർ ഇടയകലം നൽകാറുണ്ട്. കൊമ്പുകോതി വളർച്ച നിയന്ത്രിച്ചു നിർത്താം എന്നുറപ്പുണ്ടെങ്കിൽ 7-8 മീറ്റർ അകലം അകലം നൽകിയാലും മതി.

വിളവ്

ഒക്ടോബർ മുതൽ ഏപ്രിൽ വരെയാണ് ഇലന്തപ്പഴത്തിന്റെ വിളവെടുപ്പുകാലം. പതിവെച്ചോ ഒട്ടിച്ചെടുത്തതോ ആയ തൈകൾ വിത്തുതൈകളേക്കാൾ നേരത്തെ കായ്പിടിക്കാൻ തുടങ്ങും. മറ്റു ചിലതാകട്ടെ ഫെബ്രുവരി-മാർച്ച് മധ്യത്തോടെയേ ആരംഭിക്കൂ. നന്നായി വിളഞ്ഞ പഴങ്ങൾ മാത്രമേ വിളവെടുക്കേണ്ടതുള്ളു. ഇവ തുറന്ന സഞ്ചികളിൽ തന്നെ സംഭരിക്കുകയും വേണം.

പഴുത്ത പഴം അതേപടി കഴിക്കാം. പൂർണമായും വിളയാത്ത കായകൾ കീറി ഉപ്പിലിട്ട് അച്ചാർ പോലെ ഉപയോഗിക്കാം. പച്ചമാങ്ങ പോലെ ഇത് ഉപ്പുപൊടി കൂട്ടി സ്വാദിഷ്ടമായി കഴിക്കുകയുമാവാം. പഴത്തിന്റെ കാമ്പ് ഉണക്കി പുളിപ്പിച്ച് റൊട്ടിയാക്കുന്ന പതിവ് ആഫ്രിക്കൻ നാടുകളിലുണ്ട്.

Content highlights: Jujube fruit, Chinese dates, Agriculture

ഷെലൂബിന്റെ മുയലിഷ്ടങ്ങള്‍; ഐ.ടി കമ്പനിയില്‍ നിന്ന് റാബിറ്റ് ഫാമിലേക്ക് ഷെലൂബിന്റെ മുയലിഷ്ടങ്ങള്‍; ഐ.ടി കമ്പനിയില്‍ നിന്ന് റാബിറ്റ് ഫാമിലേക്ക്

March 12, 2019, 4:49 am

≫ Next: ചൂടുകാലത്ത് ആടുകള്‍ ഒരു വശം ചരിഞ്ഞ് കിടക്കുന്നതെന്തിന്?ചൂടുകാലത്ത് ആടുകള്‍ ഒരു വശം ചരിഞ്ഞ് കിടക്കുന്നതെന്തിന്?

≪ Previous: ഇലന്തപ്പഴം- വരും നൂറ്റാണ്ടിന്റെ സൂപ്പര്‍ഫ്രൂട്ട്ഇലന്തപ്പഴം- വരും നൂറ്റാണ്ടിന്റെ സൂപ്പര്‍ഫ്രൂട്ട്

$

0

0

കോളേജുകാലത്തെ ഷെലൂബിന്റെ മുയലുകളോടുള്ള ഇഷ്ടത്തെ പരിഹസിച്ചവരാണേറെ. പലരും ചെറുപ്പത്തിന്റെ ചോരത്തിളപ്പെന്ന് കളിയാക്കി. അക്കാലത്ത് വീട്ടുകാരും ഷെലൂബിന്റെ ഇഷ്ടത്തെ ഗൗരവത്തിലെടുത്തില്ല. വർഷങ്ങൾ നീണ്ട പ്രവാസജീവിതത്തിന് ശേഷം പീച്ചിയിൽ തുടങ്ങിയ മുയൽ ഫാമാണ് പണ്ട് പരിഹസിച്ചവർക്കുള്ള മറുപടി.

ചെറുപ്പത്തിലെ പാഷന് ലക്ഷങ്ങൾ വരുമാനം ലഭിച്ചുതുടങ്ങിയപ്പോഴാണ് കളിയല്ലിത് കാര്യമെന്ന് വീട്ടുകാരും നാട്ടുകാരും തിരിച്ചറിഞ്ഞത്. ദുബായ് ജബൽ അലി ഫ്രീ സോൺ എന്ന ഐ.ടി. കമ്പനിയിലെ പി.ആർ.ഒ. ജോലി അവസാനിപ്പിച്ചാണ് പീച്ചി റാബിറ്റ് ഫാം എന്ന പേരിൽ ഫാം തുടങ്ങിയത്. 500 മുയലുകളുണ്ട് ഷെലൂബിന്റെ ഫാമിൽ. പ്രജനനത്തിനും ഇറച്ചിക്കായും മുയലുകളെത്തേടി ഒട്ടേറെ ആളുകളാണ് ഫാമിലെത്തുന്നത്.

ചെറുപ്പത്തിൽ മകന്റെ മുയൽ ഇഷ്ടത്തെ എതിർത്ത അബ്ദുൾറഹീം വികാരാധീനനായത് ഷെലൂബിന്റെ ഫാമിലെത്തിയപ്പോഴാണ്. ഇത്രയേറെ ഇഷ്ടം മനസ്സിൽ കൊണ്ടുനടന്നിരുന്ന മകനെ തിരിച്ചറിയാതെ പോയ നനവ് ആ കണ്ണിലുണ്ടായിരുന്നു.

കോളേജിൽ പഠിക്കുമ്പോൾ ഷെലൂബിന്റെ തുടുത്ത മുയലുകളെ കാണുമ്പോൾ നാട്ടുകാർ കളിയാക്കിച്ചിരിക്കുമായിരുന്നു. തീറ്റ കൂടുതൽ കൊടുത്ത് തടിയന്മാരാക്കി വളർത്തുകയാണെന്നാണ് കളിയാക്കൽ. ബ്രോയിലർ മുയലുകളെയാണ് താനന്ന് വളർത്തുന്നതെന്ന് ആളുകൾക്ക് അറിയില്ലെന്ന് ഷെലൂബ്. അന്ന് ചാവക്കാടുള്ള വീട്ടിൽ 10 മുയലുകളെ വളർത്തിയിരുന്നു. ചാവക്കാട് തന്നെയുള്ള ഒരു കർഷകന്റെ കൈയിൽനിന്ന് വാങ്ങിയതായിരുന്നു ഈ മുയലുകളെ. ഈ ഇഷ്ടം മനസ്സിൽ അടക്കിവെച്ചാണ് വിദേശത്തേയ്ക്ക് വണ്ടി കയറിയത്. പ്രവാസ ജീവിതം അവസാനിപ്പിച്ച് നാട്ടിലെത്തിയപ്പോൾ ഈ മോഹം പൊടി തുടച്ചെടുത്തു.

ഷെലൂബിന്റെ സ്വപ്നം ഡയറിഫാമായിരുന്നു. ഭാര്യ നിഷാനയും പാട്ടുരായ്ക്കൽ ദേവമാത സ്കൂളിലെ വിദ്യാർഥികളായ മക്കൾ ഹന ഹസ്നയും നഹ നസ്റയും ഷെലൂബിന്റെ മുയലിഷ്ടങ്ങൾക്ക് കൂട്ടായുണ്ട്.

ഉടമ തന്നെ തൊഴിലാളി

ഫാമെന്ന മോഹം മനസ്സിൽ ഉരുത്തിരിഞ്ഞപ്പോൾ ആദ്യത്തെ കടമ്പ സ്ഥലം കണ്ടെത്തലായിരുന്നു. പാട്ടത്തിന് സ്ഥലമെടുക്കുന്നതും റിസ്കാണ്. അഞ്ചുമുതൽ പത്തുവർഷം വരെയെടുക്കും കച്ചവടം പുഷ്ടി പിടിക്കാൻ. ഇത്രയും വർഷങ്ങൾ സ്ഥലം പാട്ടത്തിന് ലഭിക്കുകയെന്നത് എളുപ്പമല്ല. വലിയ സംരംഭമായതിനാൽ സ്ഥലം മാറേണ്ടിവന്നാലുള്ള ബുദ്ധിമുട്ടുകൾ വേറെയും. അങ്ങനെയാണ് പീച്ചി ആർച്ച് ഗേറ്റിന് സമീപം 1.55 ഏക്കർ സ്ഥലം ഷെലൂബ് വാങ്ങുന്നത്. രാവിലെ ഫാമിലെത്തുന്ന ഷെലൂബ് വൈകീട്ടാണ് വീട്ടിൽ തിരിച്ചുപോവുക. സഹായത്തിന് രണ്ടു തൊഴിലാളികളുണ്ട്. അവർ ഉച്ചയ്ക്ക് ഒരുമണിക്ക് ജോലി അവസാനിപ്പിക്കും. ബാക്കിയുള്ള സമയം ഉടമ തന്നെയാണ് തൊഴിലാളി. ചേറൂർ പെരിങ്ങാവ് സ്വദേശിയാണ് ഷെലൂബ്.

യൂണിറ്റായി വിൽപ്പന

ഓരോ യൂണിറ്റായാണ് ആവശ്യക്കാർക്ക് മുയലുകളെ വിൽക്കുക. ഒരു യൂണിറ്റിൽ 10 മുയലുകളുണ്ടാവും. ഏഴുപെൺമുയലുകളും മൂന്ന് ആൺമുയലുകളും. 7000 രൂപ വിലവരും ഒരു യൂണിറ്റിന്.

ഒരു മുയലിൽനിന്ന് 10 വരെ കുഞ്ഞുങ്ങളെ ലഭിക്കുന്നവയെയാണ് ഹൈ ക്വാളിറ്റി മുയലായി കണക്കാക്കുന്നത്. ഒരു മുയലിൽനിന്ന് ഒറ്റ പ്രസവത്തിൽ നാലുമുതൽ 12 വരെ കുഞ്ഞുങ്ങളെ ലഭിക്കും.

100 പാരന്റ് മുയലുകളുണ്ടെങ്കിൽ 600 കുഞ്ഞുങ്ങൾ വരെ ഒരു മാസം കുറഞ്ഞത് ലഭിക്കും. എങ്കിലും അതിൽ 40 ശതമാനം മാത്രമേ ബ്രീഡർമാർക്ക് വിൽക്കൂ. ത്രീ സ്റ്റാർ ഹോട്ടലുകൾക്ക് മുയലിറച്ചി നൽകുന്നുണ്ട് ഷെലൂബ്. വൈറ്റ് മീറ്റെന്നാണ് മുയലിറച്ചി അറിയപ്പെടുന്നത്. കൊളസ്ട്രോൾ ഇല്ലാത്തതിനാൽ ധൈര്യമായി കഴിക്കാമെന്ന് ഇദ്ദേഹം പറയുന്നു.

കുഞ്ഞുങ്ങൾക്ക് രോമക്കിടക്ക

ആറുമാസമാണ് മുയലിന് പ്രായപൂർത്തിയാവാനുള്ള സമയം. ഇണചേർന്ന് 28 മുതൽ 30 ദിവസത്തിനുള്ളിൽ പ്രസവം നടക്കും. കുഞ്ഞുങ്ങൾക്ക് കിടക്കാനാവശ്യമായ മൃദുവായ രോമക്കിടക്ക തള്ളമുയൽ തയ്യാറാക്കുന്ന രീതി രസകരമാണ്. സ്വന്തം ശരീരത്തിലെ രോമങ്ങൾ കടിച്ചുപറിച്ചെടുത്താണ് തള്ളമുയൽ കുഞ്ഞുങ്ങൾക്ക് കിടക്കയൊരുക്കുന്നത്. പ്രസവിച്ച് കുഞ്ഞുങ്ങളെ ഈ കിടക്കയിലാണ് കിടത്തുക.

ആറുമാസമുള്ള മുയലിനെയാണ് ഇണ ചേർക്കുക. പ്രസവസമയത്ത് പ്രത്യേക ശുശ്രൂഷകളൊന്നും ആവശ്യമില്ല. കൂട്ടിൽ ഒരു ബോക്സ് വെച്ചുകൊടുക്കും. 30 ദിവസം വരെ കുഞ്ഞുങ്ങൾ പാലുകുടിക്കണം. അതിന് ശേഷമേ അടുത്ത ഇണചേരൽ പാടുള്ളൂ. ചിലർ ലാഭം ലക്ഷ്യം വെച്ച് വളരെ നേരത്തെത്തന്നെ ക്രോസിങ് നടത്തും. ഇത് തള്ളമുയലിന്റെ ആരോഗ്യത്തിന് ദോഷകരമാണെന്ന് ഷെലൂബ് പറഞ്ഞു. പ്രസവം കഴിഞ്ഞ 40 ദിവസമെങ്കിലും കഴിഞ്ഞുവേണം അടുത്ത ഇണചേരൽ.



മുയലുകൾ സെൻസിറ്റീവാണ്

സാധാരണ മുയൽ ഫാമുകളിലേയ്ക്ക് പരിചയമില്ലാത്തവരെ പ്രവേശിപ്പിക്കാറില്ലെന്ന് ഷെലൂബ്. ഇത് ഉടമയുടെ ജാഡയായി തെറ്റിദ്ധരിക്കുന്നവരുണ്ട്. മുയലുകൾ മണത്തിലൂടെയാണ് ആളുകളെ തിരിച്ചറിയുന്നത്. പരിചയമില്ലാത്ത മണം ഇവ പെട്ടെന്ന് തിരിച്ചറിയും. പുറത്തുനിന്ന് നായ കുരച്ചാൽ മതി, മുയലുകൾ പെട്ടെന്ന് സമ്മർദത്തിലാവും. ഇത് ഇവയുടെ ജീവനുതന്നെ ദോഷകരമാണ്.

ചൂട് നിയന്ത്രിക്കാൻ ഫാമിൽ ഗ്രീൻ നെറ്റ് ഉയർത്തിക്കെട്ടിയിട്ടുണ്ട്. ഇവയ്ക്ക് 33 ഡിഗ്രിയാണ് താങ്ങാവുന്ന ചൂട്. എങ്കിലും നാട്ടിലെ കാലാവസ്ഥയോട് പൊരുത്തപ്പെട്ടുതുടങ്ങിയിട്ടുണ്ട്. മുയലിനെ പിടിക്കേണ്ട രീതികളുമുണ്ട്. കഴുത്തിന് താഴെ പിടിച്ചുവേണം പൊന്തിക്കാൻ. മറ്റേ കൈ കൊണ്ട് അടിയിൽ താങ്ങിപ്പിടിക്കുകയും വേണം. മലർത്തിപ്പിടിക്കുകയുമാവാം.

ഡയറ്റ് കൺട്രോൾ



ചോളപ്പൊടി, സോയാപിണ്ണാക്ക്, സോയാ തവിട്, ഉഴുന്നുതവിട്, എള്ളുംപിണ്ണാക്ക്, കപ്പലണ്ടിപ്പിണ്ണാക്ക് എന്നിവ കൂട്ടിക്കലർത്തിയതാണ് രാവിലത്തെ ഭക്ഷണം. ഒരു മുയലിന് 150 ഗ്രാം പ്രഭാതഭക്ഷണം. വൈകീട്ട് 500 ഗ്രാം വീതം തീറ്റപ്പുല്ല് നൽകും. തീറ്റയ്ക്കാവശ്യമായ പുല്ല് ഇവിടെത്തന്നെ വളർത്തുന്നുണ്ട്. വെള്ളം കുടിക്കുന്നതിന് ഓരോ കൂട്ടിലും നിപ്പിൾ സിസ്റ്റം ഒരുക്കിയിട്ടുണ്ട്. വെള്ളം ഇവ ചപ്പിക്കുടിക്കും.

രാവിലത്തെ ഭക്ഷണം കുടിക്കുന്ന വെള്ളത്തിൽ കലർത്തിയും കൊടുക്കാമെന്ന് ഷെലൂബ് പറഞ്ഞു. പക്ഷേ ചൂടുകാലമായതിനാൽ ടാങ്കിലെ വെള്ളത്തിൽ കലർത്തിക്കൊടുക്കുന്നത് ഗുണത്തേക്കാളേറെ ദോഷം ചെയ്യും.

ന്യൂസീലൻഡ് വൈറ്റ്

1921-ൽ ന്യൂസീലൻഡിൽനിന്ന് അമേരിക്കയിലെത്തിച്ച ന്യൂസീലൻഡ് റെഡ് എന്ന ഇനം മുയലിനെ ഫ്ളെമിഷ് ജയന്റ്, അമേരിക്കൻ വൈറ്റ്, അങ്കോറ എന്നീ ഇനങ്ങളുമായി ക്രോസ് ബ്രീഡ് ചെയ്ത് വികസിപ്പിച്ചതാണിത്. വെളുത്ത രോമങ്ങളും ചുവന്ന കണ്ണുകളുമാണ് ഇവയുടെ പ്രത്യേകത.

വൈറ്റ് ജയന്റ്

സോവിയറ്റ് യൂണിയനിലാണ് ഉത്ഭവം. ന്യൂസീലൻഡ് വൈറ്റിനോട് കാഴ്ചയിൽ സാമ്യമുണ്ടെങ്കിലും ഇവയുടെ ശരീരവലുപ്പം കൂടുതലാണ്. പിൻകാലുകൾക്ക് വലുപ്പക്കൂടുതലുമുണ്ട്. ചാര നിറത്തിലുള്ളതാണ്.

സോവിയറ്റ് ചിഞ്ചില

കറുപ്പും വെളുപ്പും ചേർന്ന നിറമാണ് ഇവയ്ക്ക്. കറുത്ത കണ്ണുകളും. സോവിയറ്റ് ചിഞ്ചിലയ്ക്ക് മൂന്നുമുതൽ നാലരകിലോ വരെ തൂക്കം വരും.

പെറ്റായി അങ്കോറയും

കാഴ്ചയ്ക്ക് ഓമനത്തമുള്ള അങ്കോറയിനം മുയലുകളെ വളർത്തുന്നുണ്ട് ഷെലൂബ്. വ്യാപാരത്തിനല്ല ഇഷ്ടംകൊണ്ട് വാങ്ങി വളർത്തുന്നുവെന്ന് മാത്രം. ഇവയുടെ രോമം ചീകിക്കൊടുക്കണം. പലരും മോഹവില കൊടുത്ത് വാങ്ങിക്കൊണ്ട് പോവും.

ലക്ഷങ്ങൾ മനക്കോട്ട കെട്ടരുത്

ആദ്യമേ ലക്ഷങ്ങൾ കിട്ടുമെന്ന് വിചാരിച്ച് മുയൽ വളർത്തലിലേക്ക് ഇറങ്ങരുതെന്നാണ് ഷെലൂബിന് പറയാനുള്ളത്. വിജയകരമായി തുടങ്ങുന്ന ഫാമുകളുടെ വീഡിയോ പലരും യൂട്യൂബിൽ ഇടാറുണ്ട്. പ്രവാസികൾ പലരും പെട്ടുപോവുന്നത് ഇങ്ങനെയാണ്. എന്നാൽ യാഥാർഥ്യം ഇതൊന്നുമല്ലെന്ന് ഷെലൂബ്. ബ്രീഡുകളെക്കുറിച്ച് പഠിക്കുന്നതിന് മുമ്പ് ബ്രീഡറെക്കുറിച്ച് പഠിക്കണമെന്നാണ് ഷെലൂബിന് നൽകാനുള്ള ഉപദേശം. ഫാം തുടങ്ങുന്നതിന് മുമ്പ് ആലുവയിൽ ആറുദിവസത്തെ സർക്കാർ കോഴ്സിൽ പങ്കെടുത്തിരുന്നു.

ചെറിയതോതിൽ മുയലുകളെ വളർത്തുന്ന സ്ത്രീകൾ ഇവിടേയ്ക്ക് വിൽക്കാനെത്താറുണ്ട്. കാരണം വിപണി കണ്ടെത്താനുള്ള ബുദ്ധിമുട്ട് തന്നെ. കിലോയ്ക്ക് 225 മുതൽ 250 രൂപ വരെ വില ലഭിക്കും. സ്ത്രീകൾക്ക് വരുമാനമാർഗം കൂടിയാണിത്. മൂന്നുമാസം വളർച്ചയെത്തുന്ന മുയൽ രണ്ടുകിലോ വരെ തൂക്കം വരും. മുയൽ വളർത്തലിലെ കബളിപ്പിക്കൽ ഒഴിവാക്കാൻ വ്യാപാരികൾ ചേർന്ന് റാബിറ്റ് ഫാർമേഴ്സ് ഡെവലപ്മെന്റ് അസോസിയേഷൻ രൂപവത്കരിച്ചു. മീറ്റ് പ്രൊഡക്ട്സ് ഓഫ് ഇന്ത്യയുമായി മാംസംവ്യാപാരവുമായി ബന്ധപ്പെട്ടുള്ള ചർച്ചകൾ നടക്കുന്നുണ്ട്. ഇതരസംസ്ഥാനത്തുനിന്നുള്ള വ്യാപാരികൾ കേരളത്തിലെത്തി വലിയ അളവിലാണ് മുയലിറച്ചി കൊണ്ടുപോവുന്നത്.

വിൽപ്പന ഓൺലൈൻ വഴി

ഓൺലൈൻ വഴിയാണ് മുയലുകളുടെ വിൽപ്പന. ജൂലായ് വരെയുള്ള ബുക്കിങ് കഴിഞ്ഞു. ബുക്കിങ്ങുകൾ ഏറ്റെടുക്കാൻ കഴിയാത്ത സ്ഥിതിയാണ്. ഫാം വെറുതെ കാണാനെത്തുന്ന പലരും മടങ്ങുന്നത് മുയലുകളുമായാണ്. ഇത് പലപ്പോഴും ബുക്കിങ്ങിനെ ബാധിക്കും. കൊടൈക്കനാലിൽനിന്നാണ് ഫാമിലേയ്ക്കാവശ്യമായ മുയലുകളെ വാങ്ങിയത്.

സംശയത്തോടെ തുടക്കം

തുടക്കത്തിൽ നിരവധി സംശയങ്ങളായിരുന്നു ഷെലൂബിന്. മുയലുകൾക്കുണ്ടാവുന്ന രോഗങ്ങൾ എങ്ങനെ മാറ്റാമെന്നായിരുന്നു ഒരു സംശയം. ഡോക്ടർമാർക്ക് 50 ഫോൺ വരെ വിളിച്ച ദിവസങ്ങളുണ്ട്. ഇപ്പോൾ ഷെലൂബിന്റെ ഫോണിലേക്ക് സംശയനിവാരണത്തിന് നിരവധി കോളുകൾ വരുന്നു. സൂക്ഷ്മാണുജീവികളുടെ ആക്രമണം മുയലുകൾക്കേറെ വെല്ലുവിളിയാണ്. തുടക്കത്തിൽ ലോഷൻ തേച്ചാൽ മതിയാവും. അതിൽ മാറ്റം വന്നില്ലെങ്കിൽ സിറപ്പ് നൽകണം. അവസാനഘട്ടമാണ് കുത്തിവെപ്പ് എടുക്കുക.

Content highlights: Agriculture, Organic farming, Rabbit farm

ചൂടുകാലത്ത് ആടുകള്‍ ഒരു വശം ചരിഞ്ഞ് കിടക്കുന്നതെന്തിന്?ചൂടുകാലത്ത് ആടുകള്‍ ഒരു വശം ചരിഞ്ഞ് കിടക്കുന്നതെന്തിന്?

March 15, 2019, 7:05 am

≫ Next: അസോള ഒരു ചെറിയ പന്നല്‍ ചെടിയല്ല, തോരനും സൂപ്പും കട്‌ലറ്റുമുണ്ടാക്കാംഅസോള ഒരു ചെറിയ പന്നല്‍ ചെടിയല്ല, തോരനും സൂപ്പും കട്‌ലറ്റുമുണ്ടാക്കാം

≪ Previous: ഷെലൂബിന്റെ മുയലിഷ്ടങ്ങള്‍; ഐ.ടി കമ്പനിയില്‍ നിന്ന് റാബിറ്റ് ഫാമിലേക്ക് ഷെലൂബിന്റെ മുയലിഷ്ടങ്ങള്‍; ഐ.ടി കമ്പനിയില്‍ നിന്ന് റാബിറ്റ് ഫാമിലേക്ക്

$

0

0

കനത്ത മഴയും മഹാപ്രളയവും അതിജീവിച്ച കേരളത്തെ ഇനി കാത്തിരിക്കുന്ന കൊടുംവേനലിലേക്ക് നാം കാലൂന്നിക്കഴിഞ്ഞിരിക്കുന്നു.താപസമ്മർദം മനുഷ്യനിലുണ്ടാക്കുന്ന ആഘാതങ്ങളെപ്പറ്റി മാധ്യമങ്ങളിലൂടെ കാണുന്ന വാർത്തകളുടെ എണ്ണം വർധിച്ചു കൊണ്ടുമിരിക്കുന്നു. മനുഷ്യരെപ്പോലെ തന്നെ ഒരു പക്ഷേ അതിനേക്കാൾ ഒരുപടി മുകളിൽ ചൂടിന്റെ പ്രത്യാഘാതങ്ങൾ അനുഭവിക്കുന്നവരാണ് മൃഗങ്ങളും പക്ഷികളും. വേനൽക്കാലത്ത് അന്തരീക്ഷ താപനില വർദ്ധിക്കുന്നതോടൊപ്പം ആർദ്രതയും ഉയരുന്നതാണ്സമ്മർദമുണ്ടാകാനുള്ള പ്രധാനകാരണം.

ചൂടുകാലത്ത് ആടുകൾ കൂടുതൽ സമയവും ഒരു വശം ചരിഞ്ഞു കിടക്കുന്നതു ശ്രദ്ധിച്ചിട്ടുണ്ടാവുമല്ലോ? ശരീരഭാഗങ്ങൾ പരമാവധി പ്രദർശിപ്പിക്കുന്നതിലൂടെ ശരീരത്തിൽ ഉദ്പാദിപ്പിക്കപ്പെടുന്ന താപം പുറത്തു കളയാൻ സാധിക്കുകയും അതിലൂടെ ശരീരോഷ്മാവ് ക്രമീകരിക്കാൻ സാധിക്കുമെന്നുള്ളതുകൊണ്ടാണ് അവ ഇപ്രകാരം ചെയ്യുന്നത്.

പശുക്കളെ മാറ്റിനിർത്തിയാൽ എറ്റവും കൂടുതൽ ബാധിക്കുന്നത് ആടുകളെയാണ്. തൂങ്ങിയ ചെവികൾ, അയഞ്ഞ ചർമ്മം എന്നിവയ്ക്ക് ഉഷ്ണത്തെ പ്രതിരോധിക്കാനുള്ള കഴിവ് കൂടുതലാണ്. എന്നാൽ ശരീരത്തിൽ കൊഴുപ്പ് കൂടിയവയ്ക്കും മുട്ടനാടുകൾക്കും കൊമ്പില്ലാത്തവയ്ക്കും ഇരുണ്ട നിറമുള്ളവയ്ക്കും ഉഷ്ണകാലക്ലേശങ്ങൾ കൂടുതലാണ്.

പ്രായമേറിയവയ്ക്കും,കുഞ്ഞുങ്ങൾക്കും,ഗർഭിണികൾക്കും, വിരബാധ, മറ്റ് രോഗങ്ങൾ തുടങ്ങിയവയാൽ പ്രതിരോധശേഷി കുറഞ്ഞവയ്ക്കും കടുത്ത ചൂട് താങ്ങാൻ പ്രയാസമാണ്.

താപസമ്മർദ്ദം മൂലം ആടുകളിൽ കാണപ്പെടുന്നലക്ഷണങ്ങൾ

ചൂടുകാലത്ത് ആടുകൾ ഉൻമേഷരഹിതമായി കാണപ്പെട്ടാൽ ശ്രദ്ധിക്കണം. താപ സമ്മർദ്ധത്തിന്റെ ലക്ഷണമാകാം. ഏതെങ്കിലും തരത്തിൽ ഉഷ്ണം ബാധിച്ചാൽ, തീറ്റയെടുക്കുന്നത് കുറയ്ക്കുക എന്നതാണ് സ്വാഭാവികമായും ആടുകളുടെ പ്രതികരണം. ശരീരത്തിന് വെള്ളം അത്യാവശ്യമാണെന്നിരിക്കിലും വെള്ളം കുടിക്കാനും അവ മടുപ്പു കാണിക്കുന്നു.
അസ്വസ്ഥത, തുടർച്ചയായുള്ള കിതപ്പ്, ഉയർന്ന ശ്വാസോച്ഛാസ നിരക്ക്,ക്ഷീണം, വായിൽ നിന്നും ഉമിനീരൊലിക്കുക, വിശപ്പ് കുറയുക, വേദനയും നീർ വീഴ്ചയും ഉണ്ടാകുക, നിൽക്കാൻ സാധിക്കാത്ത അവസ്ഥ, വേച്ചുപോവുക,ഉയർന്ന ശരീരതാപനില (105°F ) എന്നിവയാണ് മറ്റു ലക്ഷണങ്ങൾ. ശരീരോഷ്മാവ് 107 °F കടന്നാൽ മരണം സുനിച്ഛിതം.

ചികിൽസ

താപസമ്മർദമുള്ളതായിസംശയിച്ചാൽ, ആടിനെ തണുത്തതും വായു സഞ്ചാരമുള്ള സ്ഥലത്തേക്ക് ഉടനടിമാറ്റുകയും, ശരീരതാപം കുറയ്ക്കാനുള്ള നടപടികളെടുക്കുകയും വേണം. ഉടനെ ഫാൻ വച്ചു കൊടുക്കാം.ദേഹത്ത് തണുത്ത വെള്ളം തളിക്കുകയും നനഞ്ഞ തുണികൊണ്ട് കാലുകളും വയർ ഭാഗങ്ങളും തുടയ്ക്കുകയും ചെയ്യാം.

ശരീരഭാഗങ്ങളിൽ ഐസ് കട്ട വച്ചു കൊടുക്കാം, പൊടുന്നനെയുള്ള കഠിനമായ തണുപ്പ് നൽകരുതെന്നു മാത്രം.
വെള്ളം കുടിക്കുന്നെങ്കിൽ തണുത്ത വെള്ളം നൽകാം. അല്ലാത്തപക്ഷം സാവധാനം കുടിക്കാൻ പ്രോൽസാഹിപ്പിക്കാം.
പത്തു പതിനഞ്ചു മിനിറ്റിനുള്ളിൽ,ശരീരതാപനില 104°F ആയി കുറഞ്ഞാൽ ഭയപ്പെടേണ്ടതില്ല. ലക്ഷണങ്ങൾ കുറയുന്നുണ്ടോ എന്ന് ശ്രദ്ധിക്കുക. കുറയുന്നില്ലെങ്കിൽ വിദഗ്ധ സഹായം തേടണം. ലക്ഷണത്തിനനുസരിച്ചുള്ള ചികിൽസയാണ് വേണ്ടത്. നിർജ്ജലീകരണം തടയാൻ സിരകളിലൂടെ മരുന്നും ദ്രാവകങ്ങളും നൽകാം.

താപസമ്മർദംഒഴിവാക്കാനുള്ള മാർഗ്ഗങ്ങൾ

അസുഖം വരാതെ നോക്കുന്നതാണ് അസുഖം ബാധിച്ച് ചികിൽസിക്കുന്നതിനേക്കാൾ നല്ലത്. താഴെ പറയുന്ന മാർഗ്ഗങ്ങൾ താപസമർദ്ധം തടയാൻ പ്രയോജനപ്രദമാണ്.




പൊതുവെ ആടുകൾക്ക് ദിവസേന 4 മുതൽ 8 ലിറ്റർ വരെ ജലം കുടിക്കാൻ ആവശ്യമാണ്.
അതു കൊണ്ടു തന്നെ ശുദ്ധമായ കുടിവെള്ളം ആവശ്യത്തിന് ലഭ്യമാക്കണം. ഒരേ സമയം എല്ലാ ആടുകൾക്കും കുടിക്കുവാനുള്ള സൗകര്യമുണ്ടായിരിക്കണം.
കൂടിനു പുറത്ത് കെട്ടുകയാണെങ്കിൽ ജലം പാത്രങ്ങളിൽ വച്ചു കൊടുക്കണം. കൂടാതെ മേച്ചിൽ സ്ഥലത്ത് വെള്ളത്തൊട്ടികൾ സ്ഥാപിക്കുന്നതും, വെള്ളം സ്പ്രേ ചെയ്യുന്ന സ്പ്രിംഗ്ളറുകൾ വയ്ക്കുന്നതും നല്ലത്.
അസഹനീയമാം വിധം ചൂടുള്ള ദിവസങ്ങളിൽ തണുത്ത വെള്ളം കുടിവെള്ള പാത്രങ്ങളിൽ നിറയ്ക്കുകയോ, കുടിവെള്ളത്തിൽ ഐസ് കട്ടയിട്ടു കൊടുക്കുകയോ ചെയ്യാം. ഒരിക്കലും അമിതമായ തണുപ്പ് ഉണ്ടാകാതെ ശ്രദ്ധിക്കണം.
പാത്രത്തിലെ വെള്ളത്തിൽ ഐസിട്ട്, അതിന്റെ ചുറ്റും ഒരു തുണി ചുറ്റി വച്ചാൽ, ഐസ് ഉരുകുമ്പോൾ, തുണിക്കഷണം തണുക്കുകയും വെള്ളത്തിന്റെ തണുപ്പ് നിലനിർത്താൻ സഹായിക്കുകയും ചെയ്യും.
ഗുണമേൻമയുള്ള തീറ്റയും, കൂടെ പച്ചപ്പുല്ലും ഇലകളും ധാരാളം നൽകണം. ടി.എം.ആർ തീറ്റ (സമ്പൂർണ്ണ സമീകൃത കാലിത്തീറ്റ ) നൽകാം. ദിവസേന 5 -10 g ധാതുലവണ മിശ്രിതം തീറ്റയിൽ ഉൾപ്പെടുത്തേണ്ടതാണ്.
ആട്ടിൻ കൂട്ടിൽ വായുസഞ്ചാരം ഉറപ്പാക്കുക, ഫാൻ സൗകര്യം ഏർപ്പെടുത്തുന്നത് നന്ന്.
അതിരാവിലെയോ വൈകിട്ടോ മാത്രം പുറത്ത് കെട്ടുന്നതാണ് അഭികാമ്യം. കഴിവതും രാവിലെ 10 മണി മുതൽ വൈകിട്ട് 4 മണി വരെ ആടുകളെ തുറസ്സായ സ്ഥലങ്ങളിൽ കെട്ടരുത്. തണൽ വൃക്ഷങ്ങളുള്ളതും കാറ്റ് ലഭിക്കുന്നതുമായ സ്ഥലത്ത് കെട്ടുക. ആടുകൾ മേയുന്ന സ്ഥലത്ത് പ്ലാസ്റ്റിക് ഷീറ്റോ, ഓലയോ വൈക്കോലോ മേഞ്ഞ ഷെഡുകൾ താൽക്കാലികമായി സ്ഥാപിച്ച് തണലൊരുക്കുന്നത് ഉചിതമാണ്.
തീറ്റയെടുത്ത്, 4- 6 മണിക്കൂർ വരെ സമയം ശരീരത്തിൽ താപോൽപ്പാദനം വർധിക്കുമെന്നതിനാൽ,രാവിലെയും വൈകിട്ടുമായി കാലിത്തീറ്റ നൽകുന്നതാണ് നന്ന്.
വേനൽക്കാലത്ത് ആടുകൾ ദീർഘദൂരം സഞ്ചരിക്കുന്നത് ഒഴിവാക്കണം. ആടുകളെ ദൂരെ സ്ഥലങ്ങളിലേക്ക് കഴിവതും മാറ്റരുത്. അഥവാ സ്ഥലം മാറ്റുന്നെങ്കിൽ അതിരാവിലെയും വൈകിട്ടുമായി മാത്രം ചെയ്യുക.
ഉഷ്ണകാലത്ത് കഴിവതും വ്യായാമം ചെയ്യിക്കരുത്. ആടുകളും കുളമ്പു മുറിക്കുന്നതും ഒഴിവാക്കണം.


Content highlights: Agriculture, Animal husbandry

അസോള ഒരു ചെറിയ പന്നല്‍ ചെടിയല്ല, തോരനും സൂപ്പും കട്‌ലറ്റുമുണ്ടാക്കാംഅസോള ഒരു ചെറിയ പന്നല്‍ ചെടിയല്ല, തോരനും സൂപ്പും കട്‌ലറ്റുമുണ്ടാക്കാം

March 15, 2019, 8:24 am

≫ Next: കുരുമുളക് തൈകളില്‍ നിന്നും കൂടുതല്‍ തൈകളുണ്ടാക്കാന്‍ നാഗപതി സമ്പ്രദായം കുരുമുളക് തൈകളില്‍ നിന്നും കൂടുതല്‍ തൈകളുണ്ടാക്കാന്‍ നാഗപതി സമ്പ്രദായം

≪ Previous: ചൂടുകാലത്ത് ആടുകള്‍ ഒരു വശം ചരിഞ്ഞ് കിടക്കുന്നതെന്തിന്?ചൂടുകാലത്ത് ആടുകള്‍ ഒരു വശം ചരിഞ്ഞ് കിടക്കുന്നതെന്തിന്?

$

0

0

അന്തരീക്ഷത്തിൽ നിന്നും നൈട്രജൻ വാതകത്തെ സ്വാംശീകരിച്ച് ഗുണമേന്മയേറെയുള്ള പ്രോട്ടീൻ തന്മാത്രകളാക്കി മാറ്റാൻ സഹായിക്കുന്ന വിശേഷ പായലുകളെ ഇലകളിൽ ഒളിപ്പിച്ചു വെച്ച പ്രകൃതിയുടെ പ്രോട്ടീൻ മാന്ത്രികനാണ് അസോളയെന്ന ചെറു ശുദ്ധജല സസ്യം. അവിലു പായൽ എന്ന് പൊതുവെ അറിയപ്പെടുന്ന ഈ സസ്യം അന്തരീക്ഷ നൈട്രജൻ സ്ഥിരീകരണത്തിന് സഹായിക്കുന്ന അനാബിനയെന്ന നീലഹരിതപായലുമായി കൂട്ടുചേർന്നാണ് വളരുന്നത്.

പ്രകൃതിയുടെ പ്രോട്ടീൻ ടാബ്ലെറ്റ് എന്ന് ഓമനപ്പേരുള്ള അസോളയിൽ 25 - 30 % ജൈവലഭ്യത ഉയർന്ന പ്രോട്ടീൻ അടങ്ങിയിട്ടുണ്ട്. കോപ്പർ, സെലിനീയം അടക്കമുള്ള സവിശേഷ മൂലകങ്ങളുടെ കൂടി കലവറയായതിനാൽ പ്രകൃതിയുടെ ധാതുമൂലക കാപ്സ്യൂൾ എന്ന വിശേഷണവും അസോളയ്ക്ക് സ്വന്തമാണ്.

വേനലിൽ കാലികൾക്ക് അസോളയുടെ തണൽ

പശുക്കളടക്കമുള്ള വളർത്തുമൃഗങ്ങളുടെ ദൈനംദിന തീറ്റകൾക്ക് ദൗർലഭ്യം നേരിടുന്ന വേനലാണ് വരാനിരിക്കുന്നത്.

പോഷകന്യൂനത നേരിടാനിടയുള്ള പ്രതികൂല സാഹചര്യങ്ങളിൽ അസോളയെ ഫലപ്രദമായ ഒരു കാലിത്തീറ്റ വിളയായി പ്രയോജപ്പെടുത്താൻ സാധിക്കും.

തൊഴുത്തിന് ചുറ്റും പച്ചയുടെ കുളിർകാഴ്ചയൊരുക്കി നിരന്നിരിക്കുന്ന അസോള തടങ്ങൾ ക്ഷീരസംരഭത്തിനൊരു മികച്ച മുതൽ കൂട്ടാകുമെന്നതിൽ സംശയമില്ല.

സാന്ദ്രീകൃതാഹാരത്തിന്റെ അളവ് കുറയ്ക്കാനും, പച്ചപ്പുല്ലിന്റെ ലഭ്യത കുറവ് മൂലമുണ്ടാകാനിടയുള്ള പോഷകപര്യാപ്തത പരിഹരിക്കാനും അസോള കൊടുക്കുന്നത് വഴി സാധിക്കും.

അസോള സ്ഥിരമായി നൽകിയാൽ തീറ്റചിലവ് കുറയ്ക്കാം എന്നു മാത്രമല്ല 10-15% പാലുത്പാദനം വർദ്ധിക്കുമെന്നും കൊഴുപ്പ് കൊഴുപ്പിതര പദാർത്ഥങ്ങളുടെ കാര്യത്തിലും ഗണ്യമായ ഉയർച്ചയുണ്ടാവുമെന്നും വിവിധ പഠനങ്ങൾ നിരീക്ഷിച്ചിട്ടുണ്ട്.

അസോളയുടെ പോഷക നിറവ്

അസോളയിൽ മൊത്തം ശുഷ്കാഹാരത്തിന്റെ (ഡ്രൈ മാറ്റർ) 25 മുതൽ 35% അളവിൽ മാംസ്യം ഉണ്ട്. ദഹനശേഷിയെ തളർത്തുന്ന ലിഗ്നിൻ ഘടകം അസോളയിൽ തെല്ലും അടങ്ങിയിട്ടില്ലാത്തതിനാൽ മാംസ്യമടക്കമുള്ള ഘടകങ്ങളുടെ ദഹനവും ആഗിരണവും കാര്യക്ഷമമായി നടക്കും. മികച്ച സങ്കരയിനം പുല്ലിനമായ ഹൈബ്രിഡ് നേപ്പിയറിൽ ഉള്ളതിനേക്കാൾ 6 ഇരട്ടി ദഹനമാംസ്യം അസോളയിൽ ഉണ്ട്. ഇരുമ്പ്, കാത്സ്യം, മഗ്നീഷ്യം, ഫോസ്ഫറസ്, കൊബാൾട്ട്, കോപ്പർ, മാംഗനീസ്, സൾഫർ, സെലീനിയം തുടങ്ങിയ സൂക്ഷ്മവും സ്ഥൂലവുമായ സവിശേഷ ധാതുക്കൾ, ജീവകം എ, ബി 12 അടങ്ങിയ ജീവകങ്ങൾ എന്നിവയെല്ലാം അടങ്ങിയ ഒരു സമീകൃത പോഷകം കൂടിയാണ് അസോള.

അപൂർവ്വ അമിനോ ആസിഡുകൾ, പ്രൊബയോട്ടിക് മിത്രാണുഗുണമുള്ള ഘടകങ്ങൾ, വിവിധ ബയോപോളിമെറുകൾ ബയോ കരോട്ടിനുകൾ, ശരീരത്തിന്റെ പ്രതിരോധബലം വർദ്ധിപ്പിക്കാൻ സഹായിക്കുന്ന ആന്റിഓക്സിഡന്റുകൾ (നിരോക്സീകാരികൾ) എന്നിവയെല്ലാം അസോളയിൽ ഒളിഞ്ഞിരിക്കുന്നുണ്ടെന്ന് വിവിധ പഠനങ്ങളിൽ കണ്ടെത്തിയിട്ടുണ്ട്.

ഈ കാര്യങ്ങൾ ശ്രദ്ധിക്കാം


അസോളയുടെ മികച്ച വളർച്ചയ്ക്ക് സൂര്യപ്രകാശം അത്യാവശ്യമാണ്. എന്നാൽ തീവ്രമായ സൂര്യതാപം വളർച്ചയെ പ്രതികൂലമായി ബാധിക്കും. മിതമായ തോതിൽ മാത്രം ചൂടേൽക്കുന്ന സ്ഥലങ്ങളിലാണ് അസോളയുടെ തടം ഒരുക്കേണ്ടത്. അസോളയ്ക്ക് ഏറ്റവും അനുകൂലമായ താപനില 20-25 ഡിഗ്രി സെൽഷ്യസ് ആണ്.
അസോള കൃഷിയ്ക്ക് എപ്പോഴും വെള്ളം ആവശ്യമായതിനാൽ ജലസ്രോതസ്സുകളുടെ അടുത്ത് ടാങ്ക് നിർമ്മിക്കുന്നതാണ് ഉത്തമം. ജലനിരപ്പ് താഴുന്നതിനനുസരിച്ച് ജലം ടാങ്കിൽ നിറയ്ക്കാൻ മറക്കരുത്. ടാങ്കിലെ ജലവിതാനം 10 സെ.മീറ്ററിൽ കുറയാതിരിക്കാൻ എപ്പോഴും ശ്രദ്ധിക്കണം. മൂന്ന് മാസം പിന്നിടുമ്പോൾ വെള്ളം പൂർണ്ണമായും മാറ്റണം, ആറ് മാസത്തിൽ മണ്ണും പൂർണ്ണമായി മാറ്റണം.ഈ മണ്ണ് ച.ജ.ഗ. വളങ്ങളോട് കിടപിടിക്കുന്ന മികച്ച വളമാണെന്ന കാര്യം വിസ്മരിക്കരുത്.
ചതുരശ്രമീറ്ററിന് 15 ഗ്രാം രാജ്ഫോസ്, ഒരു കിലോഗ്രാം ചാണകം എന്ന കണക്കിൽ ഓരോ പത്തു ദിവസം കൂടുംതോറും വെള്ളത്തിൽ കലക്കി അസോള തടത്തിൽ ഒഴിക്കാൻ മറക്കരുത്. അസോളയുടെ ദ്രുതഗതിയിലുള്ള വളർച്ചാതോത് നിലനിർത്താൻ ഈ വളപ്രയോഗം അനിവാര്യമാണ്. ഒപ്പം ദിനംപ്രതി ഒരു ചതുരശ്രമീറ്ററിൽ നിന്നും 500-750 ഗ്രാം അസോള ഒരു അരിപ്പ ഉപയോഗിച്ച് കോരിമാറ്റണം.
അമിത ചൂട് തടയാൻ തെങ്ങോലകൊണ്ടോ, പനയോലകൊണ്ടോ താത്കാലിക മേലാപ്പുകൾ അസോള തടത്തിന് മുകളിൽ പണികഴിപ്പിക്കാം.
അസോള തടത്തിൽ ഒച്ചുശല്യം നിയന്ത്രിക്കാൻ ഒരു ചതുരശ്രമീറ്ററിൽ 500 ഗ്രാം വീതം ഉപ്പ് വിതറിയാൽ മതിയാവും.


അസോള പശുക്കൾക്ക് മാത്രമല്ല, സാലഡുകളിലും

സ്പൈറുലീനയെന്ന വിശേഷപ്പെട്ട വിപണിയിലെ വിലപിടിപ്പുള്ള കടൽപായലിനോട് പോഷകഗുണത്തിൽ സാമ്യമുള്ളതിനാൽ പാവപ്പെട്ടവന്റെ സ്പൈറുലീനയെന്ന വിശേഷണവും അസോളയ്ക്ക് സ്വന്തമാണ്.

അസോള പശുക്കൾക്കും മറ്റു മൃഗങ്ങൾക്കും പക്ഷികൾക്കും മാത്രമായുള്ള ഒരാഹാരമാണെന്ന് കരുതിയെങ്കിൽ നിങ്ങൾക്ക് തെറ്റി.

അസോള ഉപയോഗിച്ചുള്ള ഉപ്പേരിയും തോരനും സൂപ്പും കട്ലെറ്റും അടക്കമുള്ള മൂല്യവർദ്ധിത ഉല്പന്നങ്ങൾ ഇന്ന് പ്രചാരത്തിലായിട്ടുണ്ട്. നിങ്ങൾക്കും വേണമെങ്കിൽ അടുക്കളയിൽ ചില അസോള പരീക്ഷണങ്ങൾ നടത്തിനോക്കാവുന്നതാണ്.

Content highlights: Azolla cultivation, Organic farming, Agriculture

---

കുരുമുളക് തൈകളില്‍ നിന്നും കൂടുതല്‍ തൈകളുണ്ടാക്കാന്‍ നാഗപതി സമ്പ്രദായം കുരുമുളക് തൈകളില്‍ നിന്നും കൂടുതല്‍ തൈകളുണ്ടാക്കാന്‍ നാഗപതി സമ്പ്രദായം

March 15, 2019, 9:43 am

≫ Next: പപ്പായയില്‍ കൂടുതല്‍ കായകള്‍ ഉണ്ടാകാന്‍ പപ്പായയില്‍ കൂടുതല്‍ കായകള്‍ ഉണ്ടാകാന്‍

≪ Previous: അസോള ഒരു ചെറിയ പന്നല്‍ ചെടിയല്ല, തോരനും സൂപ്പും കട്‌ലറ്റുമുണ്ടാക്കാംഅസോള ഒരു ചെറിയ പന്നല്‍ ചെടിയല്ല, തോരനും സൂപ്പും കട്‌ലറ്റുമുണ്ടാക്കാം

$

0

0

വേരുപിടിച്ച കുരുമുളക് തൈകളിൽ നിന്നും കൂടുതൽ തൈകൾ ഉത്പാദിപ്പിച്ചെടുക്കാനുള്ള ലളിതമായ മാർഗമാണ് നാഗപതി സമ്പ്രദായം. നഴ്സറി ഷെഡ്ഡിന്റെ ഒരറ്റത്തായി പോളിത്തീൻ ബാഗിൽ, വേരുപിടിച്ച നല്ലയിനം കുരുമുളക് തൈകൾ നിരനിരയായി വയ്ക്കുക.

ഈ തൈകളിൽ പുതിയ നാമ്പുകൾ ഉണ്ടാകുമ്പോൾ നടീൽ മിശ്രിതം നിറച്ചിട്ടുള്ള ചെറിയ പേളിത്തീൻ ബാഗുകൾ തിരശ്ചീനമായി നിരത്തിവെച്ച് വളർന്നുവരുന്ന മുട്ടുകൾ മിശ്രിതത്തിൽ അമർത്തി പുതുവേരുകൾ വളർന്നിറങ്ങുവാൻ സഹായിക്കണം. വളർന്നു വരുന്ന ചെടിയുടെ തണ്ട് മിശ്രിതത്തിൽ മുട്ടിയിരിക്കുവാൻ V ആകൃതിയിലുള്ള ഈർക്കിൽ കഷണങ്ങൾ പുതുതായി വരുന്ന ഓരോ ബാഗിലും കുത്തിക്കൊടുക്കാം.

മുട്ടുകൾ ഉണ്ടാകുന്നതിനനുസരിച്ച് ഓരോ മുട്ടിലും നടീൽ മിശ്രിതം നിറച്ച പോളിത്തീൻ ബാഗുകൾ വച്ചുകൊടുക്കാൻ പ്രത്യേകം ശ്രദ്ധിക്കണം. ഏകദേശം മൂന്ന് മാസങ്ങൾ കൊണ്ട് ആദ്യം വളർന്ന കട ഭാഗത്തുള്ള മുട്ടുകളിൽ ദൃഢമായ വേരുപടലം ഉണ്ടാകുകയും ഇവ മുട്ടോടുകൂടി മുറിച്ചെടുത്ത് പോളിത്തീൻ ബാഗോടെ തണലിൽ മാറ്റിവെക്കുകയും ചെയ്യുന്നു. ഇത്തരം ചെടികളിൽ ഒരാഴ്ചക്കകം പുതിയ നാമ്പുകൾ ഉണ്ടായിരിക്കുന്നതായി കാണാം. വീണ്ടും രണ്ടു മാസങ്ങൾ പിന്നിടുമ്പോൾ ഈ തൈകൾ തോട്ടത്തിൽ നടാനായി ഉപയോഗിക്കാം.

ദൃഢമായ വേരുപടലങ്ങളുള്ള അടിഭാഗത്തെ മുട്ടുകൾ മുറിച്ചെടുത്ത ശേഷം ശേഷിക്കുന്ന തലഭാഗം വീണ്ടും വളരുവാൻ അനുവദിക്കുകയും അതിനനുസരിച്ച് മേൽ പ്രക്രിയകൾ ആവർത്തിക്കുകയും ചെയ്യാം.

റോസ് കാൻ ഉപയോഗിച്ചുള്ള നന ഈ തൈകൾക്ക് അത്യന്താപേക്ഷിതമാണ്. ഒരു ചെടിയിൽ നിന്ന് ഏകദേശം 60-ഓളം വേരുപിടിച്ച തൈകൾ ഈ രീതി വഴി ഉത്പാദിപ്പിച്ചെടുക്കാം. രണ്ട് ശതമാനം വീര്യമുള്ള വെർമിവാഷ് അല്ലെങ്കിൽ സ്യൂഡോമോണാസ് 15 ദിവസം ഇടവിട്ട് ചെടികളിൽ തളിക്കുന്നത് കൊടിയുടെ വളർച്ച ത്വരിതഗതിയിലാക്കുവാൻ സഹായിക്കുന്നു.

നടീൽ മിശ്രിതത്തിന്റെ സൂര്യതാപീകരണം

മണ്ണിലെ രോഗങ്ങളുണ്ടാക്കുന്ന സൂക്ഷ്മകീടങ്ങളേയും അണുക്കളേയും നശിപ്പിക്കുന്നതിന് വേണ്ടിയാണ് സൂര്യതാപീകരണം ചെയ്യുന്നത്.

മണ്ണ്, മണൽ, ചാണകം എന്നിവ 2:1:1 എന്ന അനുപാതത്തിൽ കൂട്ടിച്ചേർത്ത് സൂര്യതാപീകരണത്തിന് വിധേയമാക്കാം. ഇതിനുവേണ്ടി ഇവ സെ.മീ ഉയരമുള്ള വാരങ്ങളാക്കി , വാരങ്ങൾ 30 മൈക്രോൺ കട്ടിയുല്ല പോളിത്തീൻ ഷീറ്റ് ഉപയോഗിച്ച് മൂടിയിട്ട ശേഷം പോളിത്തീൻഷീറ്റിന്റെ വശങ്ങളിൽ മണ്ണ് ഉപയോഗിച്ച് സീൽ ചെയ്യണം.

ഇങ്ങനെ ചെയ്യുന്നത് വഴി ഷീറ്റ് നീങ്ങിപോകാതിരിക്കുകയും വേണ്ടവിധത്തിൽ ചൂട് മണ്ണിൽ പതിക്കുകയും ചെയ്യുന്നു. മൺമിശ്രിതം 40-50 ദിവസം വരെ സൂര്യതാപീകരണം ചെയ്യണം.

വർഷത്തിൽ ഒരു പ്രാവശ്യം മാത്രം നഴ്സറി തയ്യാറാക്കേണ്ടുന്ന സ്ഥലങ്ങളിൽ ഡിസംബർ-ജനുവരി മാസങ്ങളിൽ സൂര്യതാപീകരണം ചെയ്ത്,മിത്രകുമിളുകൾ ചേർത്ത് മൺമിശ്രിതം സമ്പുഷ്ടമാക്കിയതിനുശേഷം മാർച്ച് മാസത്തിൽ പോളിത്തീൻ ബാഗിൽ നിറയ്ക്കാനായി ഉപയോഗിക്കാം.

(കടപ്പാട്: ഭാരതീയ സുഗന്ധവിള ഗവേഷണ കേന്ദ്രം)

Content highlights : Pepper, Nagapathi method in pepper cultivation

പപ്പായയില്‍ കൂടുതല്‍ കായകള്‍ ഉണ്ടാകാന്‍ പപ്പായയില്‍ കൂടുതല്‍ കായകള്‍ ഉണ്ടാകാന്‍

March 15, 2019, 10:49 am

≫ Next: കോവല്‍ എളുപ്പത്തില്‍ കൃഷി ചെയ്യാംകോവല്‍ എളുപ്പത്തില്‍ കൃഷി ചെയ്യാം

≪ Previous: കുരുമുളക് തൈകളില്‍ നിന്നും കൂടുതല്‍ തൈകളുണ്ടാക്കാന്‍ നാഗപതി സമ്പ്രദായം കുരുമുളക് തൈകളില്‍ നിന്നും കൂടുതല്‍ തൈകളുണ്ടാക്കാന്‍ നാഗപതി സമ്പ്രദായം

$

0

0

പലവിധ ആരോഗ്യ-സൗന്ദര്യ പ്രശ്നങ്ങളുള്ളവർക്ക് ഉപകാരപ്പെടുന്ന പപ്പായ കടയിൽ നിന്ന് വാങ്ങിക്കഴിക്കേണ്ട കാര്യമുണ്ടോ? കാര്യമായ പരിചരണമൊന്നുമില്ലാതെ തന്നെ പപ്പായയിൽ കായ്കളുണ്ടാകും . കറിയിൽ ചേർക്കാനും ജ്യൂസായി കഴിക്കാനും പപ്പായ നല്ലതാണ്.

പപ്പായ കൃഷി ചെയ്യുമ്പോൾശ്രദ്ധിക്കേണ്ട കാര്യങ്ങൾ

1. നല്ല പാകമായി പഴുത്ത പപ്പായയിൽ നിന്നും വിത്തെടുത്ത് കഴുകി ചാരത്തിൽ കലർത്തി ഉണക്കിയെടുക്കുക.

2. ഈ വിത്ത് പോളിത്തീൻ കവറിൽ പാകി മൂന്ന് മാസം പാകമാകുമ്പോൾ തടത്തിൽ പറിച്ചു നടാം

3. പപ്പായ കൂടുതലായി കൃഷി ചെയ്യുമ്പോൾ രണ്ട് മീറ്റർ അകലത്തിലാണ് നടേണ്ടത്

4. അടിവളമായി കുമ്മായം, ചാണകം ഉണക്കിപ്പൊടിച്ചത്, ജൈവവളം എന്നിവ ചേർക്കാം

5. ഓരോ മാസം കഴിയുമ്പോഴും വേപ്പിൻ പിണ്ണാക്ക്, എല്ലുപൊടി, ചാണകം എന്നിവയിൽ ഏതെങ്കിലും ചേർത്ത് കൊടുത്താൽ ധാരാളം കായ്കൾ ഉണ്ടാകാം

Content highlights: Pappaya cultivation, Agriculture

കോവല്‍ എളുപ്പത്തില്‍ കൃഷി ചെയ്യാംകോവല്‍ എളുപ്പത്തില്‍ കൃഷി ചെയ്യാം

March 15, 2019, 12:10 pm

≫ Next: വെയിലില്‍ വളരുന്ന ഡയാന്തസിനെ പരിചരിക്കാനുള്ള മാര്‍ഗങ്ങള്‍വെയിലില്‍ വളരുന്ന ഡയാന്തസിനെ പരിചരിക്കാനുള്ള മാര്‍ഗങ്ങള്‍

≪ Previous: പപ്പായയില്‍ കൂടുതല്‍ കായകള്‍ ഉണ്ടാകാന്‍ പപ്പായയില്‍ കൂടുതല്‍ കായകള്‍ ഉണ്ടാകാന്‍

$

0

0

ഏറ്റവും എളുപ്പത്തിൽ വളർത്തിയെടുക്കാവുന്ന പച്ചക്കറിയാണ് കോവൽ. കോവൽ കൃഷിയിൽ തണ്ടാണ് ഉപയോഗിക്കുന്നത്. ഒരുപാട് മൂത്തതും ഇളയതും തടിച്ചതുമായ തണ്ടുകൾ ഉപയോഗിക്കരുത്. ഗ്രോബാഗിലും കോവൽ കൃഷി ചെയ്യാം.

1. രണ്ടടി നീളവും വീതിയും താഴ്ചയുമുള്ള കുഴി എടുത്ത് അടിവളമായി കരിയിലയോ ആടുകൾ തിന്നുന്ന പുല്ലിന്റെ അവശിഷ്ടങ്ങളോ ഇട്ടു കൊടുക്കാം

2. അടിവളം മൂടുന്ന രീതിയിൽ മണ്ണ് വെട്ടിക്കൊടുക്കണം

4. കോവലിന്റെ തണ്ടിന്റെ ഒരു ഭാഗം മുകളിലേക്ക് വരത്തക്ക വിധം ബാക്കി ഭാഗം മണ്ണിൽ ചരിച്ച് വെച്ച് മണ്ണിട്ട് മൂടണം

4. ഇത്രയും താഴ്ചയിൽ കുഴിയെടുത്താൽ വേരുകൾ ആഴത്തിലിറങ്ങും. വേനൽക്കാലത്ത് കുറച്ച് വെള്ളം ഉപയോഗിച്ചാൽ മതി

5. രണ്ടടി നീളവും വീതിയുമുള്ള കുഴിയിൽ നാല് തണ്ടുകൾ നടാം

6 . ചൂടുകാലത്ത് ഉണങ്ങിപ്പോകാതിരിക്കാൻ മുകളിൽ ഓല വെട്ടിയിട്ടുകൊടുക്കാം

Content highlights: Ivy gourd, Scarlet gourd, Agriculture

വെയിലില്‍ വളരുന്ന ഡയാന്തസിനെ പരിചരിക്കാനുള്ള മാര്‍ഗങ്ങള്‍വെയിലില്‍ വളരുന്ന ഡയാന്തസിനെ പരിചരിക്കാനുള്ള മാര്‍ഗങ്ങള്‍

March 15, 2019, 1:29 pm

≫ Next: തെങ്ങിന്‍ തോപ്പ് വെറുതേയിടേണ്ടതെങ്ങിന്‍ തോപ്പ് വെറുതേയിടേണ്ട

≪ Previous: കോവല്‍ എളുപ്പത്തില്‍ കൃഷി ചെയ്യാംകോവല്‍ എളുപ്പത്തില്‍ കൃഷി ചെയ്യാം

$

0

0

വ്യത്യസ്തമായ വർണങ്ങളിലുള്ള പൂക്കളുണ്ടാകുന്ന ചെടിയാണ് ഡയാന്തസ്. ചിലപ്പോൾ മൂന്നോ നാലോ വർഷം ആയുസ്സുള്ള ചെടികളും ഉണ്ടാകാം. ഡയാന്തസ് ചെടി വളർത്തുമ്പോൾ ശ്രദ്ധിക്കേണ്ട കാര്യങ്ങൾ

1. മണൽ കൂടുതലുള്ള മണ്ണിൽ നടുന്നതാണ് നല്ലത്

2. നന്നായി പൊടിച്ച ചാണകപ്പൊടി മണ്ണിൽ ചേർക്കാം

3. ചട്ടിയിലേക്ക്മാറ്റുമ്പോൾ ചെടിയുടെ കട ഭാഗത്തു നിന്നും കുറച്ച് താഴ്ത്തി വേണം മണ്ണിടാൻ. ഇല്ലെങ്കിൽ കടഭാഗത്ത് വെള്ളം കെട്ടിനിന്ന് ചീഞ്ഞു പോകും

4. തണലത്ത് വെച്ച് വളർത്തുന്നതാണ് നല്ലത്. പുതിയ വളർച്ച ചെടിയിൽ വന്ന ശേഷം വെയിലത്ത് വെക്കുക

5. നല്ല വെയിലത്ത് വളരുന്ന ചെടിയാണ് ഡയാന്തസ്

6. ചെടിയുടെ ചുവട്ടിൽ വെള്ളം കെട്ടി നിൽക്കുന്ന രീതിയിൽ ഒഴിക്കാതെ മണ്ണിൽ മാത്രം വെള്ളം ഒഴിക്കുക

7. കമ്പോസ്റ്റും ചാണകപ്പൊടിയും വേപ്പിൻ പിണ്ണാക്കും മണ്ണിൽ ചേർക്കാം

8. വേനൽക്കാലത്ത് എല്ലാ ദിവസവും നനയ്ക്കണം

9. മഴക്കാലത്ത് ഈർപ്പമില്ലാത്ത സ്ഥലത്തേക്ക് എടുത്തു വെക്കണം

10. എല്ലാ മാസവും ചാണകപ്പൊടിയോ കമ്പോസ്റ്റോ വേപ്പിൻ പിണ്ണാക്കിന്റെ തെളിയോ ഒഴിച്ചുകൊടുക്കാം

11. മൂപ്പെത്തിയ ചിനപ്പുകൾ പുതിയ ചെടിയുണ്ടാക്കാൻ ഉപയോഗിക്കാം

12. ചെടിയിൽ പൂ വിരിഞ്ഞാൽ വാടിയ പൂവിന്റെ ഭാഗം ചെടിയിൽ നിർത്താൻ പാടില്ല. ഈ ഭാഗം വിത്തായി മാറുന്നതിനു മുമ്പേ മുറിച്ചു മാറ്റണം.

Content highlights: Dianthus, Agriculture, Organic farming Gardening

തെങ്ങിന്‍ തോപ്പ് വെറുതേയിടേണ്ടതെങ്ങിന്‍ തോപ്പ് വെറുതേയിടേണ്ട

March 16, 2019, 6:40 am

≫ Next: ചീര എളുപ്പത്തില്‍ കൃഷി ചെയ്യാനുള്ള മാര്‍ഗങ്ങള്‍ ചീര എളുപ്പത്തില്‍ കൃഷി ചെയ്യാനുള്ള മാര്‍ഗങ്ങള്‍

≪ Previous: വെയിലില്‍ വളരുന്ന ഡയാന്തസിനെ പരിചരിക്കാനുള്ള മാര്‍ഗങ്ങള്‍വെയിലില്‍ വളരുന്ന ഡയാന്തസിനെ പരിചരിക്കാനുള്ള മാര്‍ഗങ്ങള്‍

$

0

0

തെങ്ങിൻ തോട്ടത്തിലൊഴിഞ്ഞുകിടക്കുന്ന സ്ഥലം ശരിയായ വിധത്തിലുപയോഗിക്കാൻ മറക്കണ്ട . ഇടവിളകൾ കൃഷി ചെയ്യുകയാണൊരു പോംവഴി .

തെങ്ങിൻ തോട്ടത്തിൽ കൃഷി ചെയ്യാൻ യോജിച്ച ഇടവിളകൾ താഴെപ്പറയുന്നവയാണ് : ധാന്യവർഗങ്ങളായ നെല്ല് , മക്കച്ചോളം ,പയർ വർഗ വിളകളായ നിലക്കടല, മുതിര ,പയർ കിഴങ്ങുവർഗങ്ങളായ മരച്ചീനി, മധുരക്കിഴങ്ങ് , കൂർക്ക ,ചേന ,ചേമ്പ് ,കാച്ചിൽ ,സുഗന്ധ മസാല വിളകളായ ഇഞ്ചി മഞ്ഞൾ ,കുരുമുളക്, ജാതി ,ഗ്രാമ്പു , ഔഷധസസ്യങ്ങളായ കച്ചോ ലം ,ചെങ്ങനീർക്കിഴങ്ങ് ,തിപ്പലി ,ആടലോടകം, നാഗദന്തി ,നീലയമരി , കൊടുവേലി ,ചിറ്റരത്ത ; ഫലവർഗ വിളകളായ പപ്പായ ,വാഴ ,കൈതച്ചക്ക ,സപ്പോർട്ട പാനീയ വിളകളായ കൊക്കോ ,കാപ്പി ,കാലിത്തീറ്റ വിളകളായ ഗിനിപ്പുല്ല് ,നേപ്പിയർ.

തെങ്ങിൽ കുരുമുളകു പടർത്തിയാൽ കുഴപ്പമില്ല .തെങ്ങു വളർന്ന് 30 അടിയോളം ഉയർന്നതിനു ശേഷം കുരുമുളകു നടുന്നതാണു നല്ലത് .ഇതു കുരുമുളകിനു വേണ്ടത്രസൂര്യപ്രകാശവും തിരിയിടുന്ന സമയത്തു പുഷ്പങ്ങളുടെ പരാഗണത്തിനു വേണ്ടുവോളം മഴവെള്ളവും കിട്ടുന്നതിനും സഹായിക്കും. തെങ്ങിനു വളം ചേർക്കുന്നതിനായി കുരുമുളകു വള്ളികൾ തെങ്ങിൻ ചുവട്ടിൽ നിന്ന് 1: 25 മീറ്റർ അകലത്തിൽ , കുഴി തീർത്ത് വള്ളി നടുകയാണു വേണ്ടത് .

തെങ്ങിനും കുരുമുളകിനും ആവശ്യമായ തോതിൽ വളം ചേർക്കുവാൻ ശ്രദ്ധിക്കണം . തെങ്ങിൻമേൽ പടർന്ന കുരുമുളകു ചെടിയുടെ ഉയരം 15-20 അടിയിൽ കൂടാതിരിക്കുന്നതാണു നല്ലത്. ഇങ്ങനെയായാൽ മുളകു പറിച്ചെടുക്കാൻ സാധിക്കും . തെങ്ങിൻ തോട്ടത്തിൽ ഇഞ്ചി, മഞ്ഞൾ, കച്ചോലം എന്നിവ നടാൻ മറക്കരുത്. തടങ്ങൾ കോരിയതിലാണു വിത്തു നടുന്നത് .

ജ്യോതി, അന്നപൂർണ, ത്രിവേണി ,രോഹിണി എന്നി നെല്ലിനങ്ങൾ തെങ്ങിൻ തോട്ടത്തിൽ കൃഷി ചെയ്യാൻ യോജിച്ചതാണ്. തെങ്ങിൻ തോപ്പിലെ മറ്റൊരു സാധ്യതയാണു തീറ്റപ്പുൽകൃഷി.ഗിനിപ്പുല്ല് , ഗ്വാട്ടിമല, സങ്കരനേപ്പിയർ എന്നിവയാണുത്തമം .വർഷം തോറും 50 - 60 ടൺ വരെ പച്ചപ്പുല്ല് കിട്ടും .

പയർ വർഗ വിളകളിൽ നിന്നും ഏകദേശം 30 ടൺ പച്ചക്കാലിത്തീറ്റ കിട്ടും .30-35 കിലോഗ്രാം പച്ചപ്പുല്ല് എന്ന കണക്കിൽ നാലു കറവപ്പശുക്കളെ ഒരു ഹെക്ടർ തെങ്ങിൻ തോപ്പിൽ സംരക്ഷിക്കാം പറ്റും.

വരികൾ തമ്മിൽ 50 സെന്റിമീറ്ററും ചെടികൾ തമ്മിൽ 30 സെ.മീറ്ററും അകലം നല്കിയാണു പുല്ലു നടേണ്ടത്. തെങ്ങിൻ തോപ്പുകളിൽ ഇവയ്ക്കു പുറമേ മരച്ചീനി ,ചേമ്പ് , കാച്ചിൽ, മധുരക്കിഴങ്ങ് , മധുരച്ചേമ്പ് ,കൂർക്ക എന്നിവയും ആദായകരമായി കൃഷി ചെയ്യാം .ഇതിനു പുറമേ പുഷ്പ വിളകളായ കനകാംബരം , വാടാർമല്ലി ,ജണ്ടുമല്ലി ,മുല്ല ,ഹെലികോണിയ എന്നിവയും കൃഷി ചെയ്യാം. ഓരോ ഇഞ്ച് മണ്ണും തരിശിടാതെ കൃഷി ചെയ്യുവാൻ പ്രത്യേകം ശ്രദ്ധിക്കണം.

Content highlights: Coconut, Organic farming

ചീര എളുപ്പത്തില്‍ കൃഷി ചെയ്യാനുള്ള മാര്‍ഗങ്ങള്‍ ചീര എളുപ്പത്തില്‍ കൃഷി ചെയ്യാനുള്ള മാര്‍ഗങ്ങള്‍

March 16, 2019, 9:13 am

≫ Next: ഇറച്ചിക്കോഴികളിലെ സഡന്‍ ഡെത്ത് സിന്‍ഡ്രോംഇറച്ചിക്കോഴികളിലെ സഡന്‍ ഡെത്ത് സിന്‍ഡ്രോം

≪ Previous: തെങ്ങിന്‍ തോപ്പ് വെറുതേയിടേണ്ടതെങ്ങിന്‍ തോപ്പ് വെറുതേയിടേണ്ട

$

0

0

ചീര വീട്ടിൽ കൃഷി ചെയ്യുമ്പോൾ ചില കാര്യങ്ങൾ ശ്രദ്ധിച്ചാൽ നല്ല വിളവെടുക്കാം

1. കോട്ടൺ തുണിയിൽ ചീര വിത്ത് കെട്ടിവെച്ച ശേഷം സ്യൂഡോമോണാസ് കലക്കിയ വെള്ളത്തിൽ അഞ്ചോ ആറോ മണിക്കൂർ വെക്കണം. രണ്ടുദിവസത്തിനുള്ളിൽ നല്ല രീതിയിൽ മുള വരും. ഇങ്ങനെ ചെയ്യുമ്പോൾ വിത്തുകൾ ഉറുമ്പു കൊണ്ടുപോകുകയില്ല. ഈ വിത്തുകൾ മണ്ണിലേക്ക് നടണം.

2. പോട്ടിങ്ങ് മിശ്രിതം തയ്യാറാക്കുമ്പോൾ ചാണകപ്പൊടിയും മണ്ണിരക്കമ്പോസ്റ്റും ചേർത്ത് ചട്ടി നിറച്ച ശേഷം അതിലേക്ക് വിത്തുകൾ പാകാം. ഈ ചട്ടിയുടെ അടിയിൽ ട്രേ വെച്ചുകൊടുത്ത് വെള്ളം ഒഴിച്ചാൽ വിത്തുകൾ ഉറുമ്പ് കൊണ്ടുപോകുകയില്ല.

3. ചീര പാകുമ്പോൾ ഒരിക്കലും മുകളിൽ കനത്തിൽ മണ്ണ് നിറയ്ക്കരുത്. വളരെ നേരിയ രീതിയിൽ ചാണകപ്പൊടി വേണമെങ്കിൽ ഇടാം.

4. ചൂടിനെ അതിജീവിക്കാനുള്ള കരുത്ത് ചീരയ്ക്കുണ്ട്. നല്ല വളക്കൂറുള്ള മണ്ണിൽ പത്ത് ദിവസം കഴിയുമ്പോൾ വിളവെടുപ്പ് നടത്താം.

5. ഫെബ്രുവരി-മുതൽ മെയ് വരെയുള്ള സമയത്ത് ചീര പൂക്കും. ചീരക്കൃഷിയിൽ ഒരിക്കലും ചാരം ഉപയോഗിക്കരുത്. ചാരം ഉപയോഗിച്ചാൽ പെട്ടെന്ന് പൂവിടും

6.മൂന്നാഴ്ച കഴിയുമ്പോൾ ചീര പറിച്ചു നടാം. ഒരു സെന്റിന് 200 ഗ്രാം ചാണകമോ മണ്ണിരക്കമ്പോസ്റ്റോ അടിവളമായി ഉപയോഗിക്കാം. അഞ്ച് ഗ്രാം വിത്തുകൊണ്ട് ഒരു സെന്റ് സ്ഥലത്ത് ചീരവിത്ത് നടാം.

ജൈവസ്ളറി നിർമിക്കുന്ന വിധം

100 ഗ്രാം കപ്പലണ്ടി പിണ്ണാക്കും 100 ഗ്രാം ചാണകപ്പൊടിയും എടുത്ത ശേഷം ഒരു ലിറ്റർ വെള്ളത്തിൽ നാലോ അഞ്ചോ ദിവസം വെച്ച് പുളിപ്പിക്കുക. ഇതിന്റെ തെളി ഇരട്ടി വെള്ളവും ചേർത്ത് ആഴ്ചതോറും തളിച്ചുകൊടുത്താൽ ചീര പെട്ടെന്ന് വളർന്നുവരും.

ഒരു ഗ്രോബാഗിലോ ചട്ടിയിലോ ഒരേ സമയം ഏഴോ എട്ടോ ചീര വളർത്താം. വഴുതന നടുമ്പോൾ ചുറ്റിലും ചീര വെച്ചാൽ വഴുതന പൂക്കാറാകുമ്പോൾ ചീര വിളവെടുക്കാൻ പറ്റും.

Content highlights: Spinach cultivation, Agriculture, Organic farming

ഇറച്ചിക്കോഴികളിലെ സഡന്‍ ഡെത്ത് സിന്‍ഡ്രോംഇറച്ചിക്കോഴികളിലെ സഡന്‍ ഡെത്ത് സിന്‍ഡ്രോം

March 16, 2019, 10:10 am

≫ Next: മുട്ടക്കോഴി വളര്‍ത്തല്‍ പരിശീലനംമുട്ടക്കോഴി വളര്‍ത്തല്‍ പരിശീലനം

≪ Previous: ചീര എളുപ്പത്തില്‍ കൃഷി ചെയ്യാനുള്ള മാര്‍ഗങ്ങള്‍ ചീര എളുപ്പത്തില്‍ കൃഷി ചെയ്യാനുള്ള മാര്‍ഗങ്ങള്‍

$

0

0

"ഇറച്ചിക്കോഴികൾ 40 ദിവസം കഴിഞ്ഞാൽ ഹാർട്ട് അറ്റാക്ക് വന്നു ചത്തു പോകും. ഇറച്ചിക്കോഴി കഴിച്ചാൽ മനുഷ്യർക്കും ഹാർട്ട് അറ്റാക്ക് വരും അല്ലേ? മാത്രമല്ല ക്യാൻസറും വരും അല്ലെ, ഡോക്ടറെ ?"ഉത്തരം പറഞ്ഞു മടുത്ത ചോദ്യമാണിത്.

ഇറച്ചിക്കോഴികൾക്ക് sudden death syndrome (SDS) എന്ന രോഗമുണ്ട്. ഏറ്റവും ആരോഗ്യമുള്ള ,തൂക്കമുള്ള കോഴി യാതൊരു രോഗലക്ഷണവും കാണിക്കാതെ പെട്ടെന്ന് പറന്ന് പൊങ്ങി ചിറകടിച്ചു വീണു ചാകും. ജനിച്ചു രണ്ടു ദിവസം മുതൽ ഏതു പ്രായത്തിലും ഇത് സംഭവിക്കാം എന്നാലും മൂന്നോ നാലോ ആഴ്ച പ്രായമുള്ള ഇറച്ചിക്കോഴികളിലാണ് എസ്.ഡി.എസ് കൂടുതലും കണ്ടു വരുന്നത്. അതും പുവനെയാണ് കുടുതൽ ബാധിക്കുന്നത്.

S D S എന്തുകൊണ്ട് സംഭവിക്കുന്നു എന്നതിന് ശരിയായ ഒരു കാരണം ഇതേവരെ കണ്ടു പിടിച്ചിട്ടില്ല.

പല കാരണങ്ങൾ പറയപ്പെടുന്നു.


അതിവേഗ വളർച്ചയിൽ പെട്ടെന്ന് ഉണ്ടാകുന്ന വിറ്റാമിന്റെ അഭാവം
. കുട്ടിനകത്തുള്ള വെളിച്ചത്തിന്റെ തീവ്രത കൂടുന്നത്
പേടിപ്പിക്കുന്ന ശബ്ദം..
കാർബോഹൈഡ്രേറ്റ് കൂടുതൽ ഉള്ള തീറ്റ


പ്രകാശം നിയന്ത്രിച്ചു , തീറ്റ കുറച്ചു, പേടിപ്പിക്കുന്ന സാഹചര്യം ഒഴിവാക്കി കരുതലോടെയുള്ള പരിചരണം നൽകിയാൽ ഈരോഗം ഒരു പരിധി വരെ ഒഴിവാക്കാം. ആന്റിബയോട്ടിക്കും ഹോർമോണും കൊടുത്തു കോഴിയെ അതിവേഗം വളർത്തുന്നു എന്ന നുണ പ്രചാരണത്തിന് ഒരു മറുപടി കൂടിയാണ് സഡൻ ഡെത്ത് സിൻഡ്രോം.

Content highlights: Sudden death syndrom, Animal husbandry

---

മുട്ടക്കോഴി വളര്‍ത്തല്‍ പരിശീലനംമുട്ടക്കോഴി വളര്‍ത്തല്‍ പരിശീലനം

March 16, 2019, 12:46 pm

≫ Next: ലിച്ചി: ചൈനക്കാരുടെ പ്രിയപ്പെട്ട പഴം, ഹൈറേഞ്ചിലും വളരുംലിച്ചി: ചൈനക്കാരുടെ പ്രിയപ്പെട്ട പഴം, ഹൈറേഞ്ചിലും വളരും

≪ Previous: ഇറച്ചിക്കോഴികളിലെ സഡന്‍ ഡെത്ത് സിന്‍ഡ്രോംഇറച്ചിക്കോഴികളിലെ സഡന്‍ ഡെത്ത് സിന്‍ഡ്രോം

$

0

0

സുൽത്താൻ ബത്തേരി മൃഗസംരക്ഷണ പരിശീലന കേന്ദ്രത്തിൽ മാർച്ച് 18,19 തിയതികളിൽ മുട്ടക്കോഴി വളർത്തലിൽ പരിശീലനം നൽകുന്നു. താൽപ്പര്യമുള്ള കർഷകർ മുൻകൂട്ടി പേര് രജിസ്റ്റർ ചെയ്യണം.

ഫോൺ: 7025856542

Content highlights: Chicken, Agriculture

ലിച്ചി: ചൈനക്കാരുടെ പ്രിയപ്പെട്ട പഴം, ഹൈറേഞ്ചിലും വളരുംലിച്ചി: ചൈനക്കാരുടെ പ്രിയപ്പെട്ട പഴം, ഹൈറേഞ്ചിലും വളരും

March 19, 2019, 7:58 am

≫ Next: മഞ്ഞൊടിയിലെ കര്‍ഷകര്‍ നൂറുമേനി വിളയിക്കും ; പക്ഷേ വിപണി എവിടെ? മഞ്ഞൊടിയിലെ കര്‍ഷകര്‍ നൂറുമേനി വിളയിക്കും ; പക്ഷേ വിപണി എവിടെ?

≪ Previous: മുട്ടക്കോഴി വളര്‍ത്തല്‍ പരിശീലനംമുട്ടക്കോഴി വളര്‍ത്തല്‍ പരിശീലനം

$

0

0

ചൈനയുടെ പ്രിയപ്പെട്ട പഴമാണ്. ഉത്തരേന്ത്യൻ സംസ്ഥാനങ്ങളിൽ വിപുലമായി വളർത്തുന്നുവെങ്കിലും കേരളത്തിൽ ഇതിന്റെ കൃഷി പരിമിതമാണ്. എങ്കിലും ഇവിടെയും രാത്രികാലത്ത് ദീർഘനേരം തണുപ്പ് അനുഭവപ്പെടുന്ന പ്രദേശങ്ങളിൽ ലിച്ചി വളരും. വിശേഷിച്ച് ഹൈറേഞ്ചുകളിൽ.

പരിചയം

ഇടത്തരം ഉയരത്തിൽ വളരുന്ന ഇലഞെരുക്കമുള്ള നിത്യഹരിത മരമാണ് ലിച്ചി. 15-20 മീറ്റർ വരെ ഉയരമുണ്ട്. തളിരിലയ്ക്ക് ചെമ്പു നിറമാണ്. പരമാവധി 30 കായകൾ വീതമുള്ള കുലകളായാണ് ലിച്ചിപ്പഴം ഉണ്ടാകുക. കായയുടെ പുറംഭാഗം പിങ്ക് കലർന്ന ചുവപ്പു നിറമാണ്. തോട് പരുപരുത്തതാണ്. ഇതിന്റെ ഉള്ളിൽ മുന്തിരിപ്പഴത്തോട് സാമ്യമുള്ള ഉൾഭാഗവും അതിനുള്ളിലെ വെളുത്ത കുഴമ്പ് സ്വാദിഷ്ടവും ജീവകം സിയുടെ ശേഖരവുമാണ്.

ചൈന, തായ്ലാന്റ് , വിയറ്റ്നാം,ജപ്പാൻ, ബംഗ്ളാദേശ് എന്നിവയാണ് ലിച്ചിക്കൃഷി വ്യാപകമായി നടത്തുന്ന മുഖ്യനാടുകൾ. ഉത്തരേന്ത്യയിൽ , വിശേഷിച്ച് ബീഹാറിലാണ് ഇന്ത്യയിലെ ലിച്ചി ഉത്പാദനത്തിന്റെ 75 ശതമാനവും കേന്ദ്രീകരിച്ചിരിക്കുന്നത്. നീർവാർച്ചയും നേരിയ വളക്കൂറുമുള്ള മണ്ണിൽ ലിച്ചി നന്നായി വളരും. നിറയെ പച്ചിലകളും ചുവന്ന കായ്കളും പിടിച്ചു വളരുന്ന മരം അലങ്കാരത്തിനും വളർത്തുക പതിവാണ്.

വിത്തുതൈകൾ നട്ടു വളർത്താം. എന്നാൽ ഇവയ്ക്ക് മാതൃവൃക്ഷത്തിന്റെ ഗുണങ്ങൾ എല്ലാം കാണണമെന്നില്ല. കായ്ക്കാൻ 5 മുതൽ 15 വർഷം വരെ എടുക്കുകയും ചെയ്യും. എന്നാൽ വായുവിൽ പതിവെച്ചെടുത്ത തൈകൾ 2 മുതൽ 5 വർഷം കൊണ്ട് കായ് പിടിക്കും.

മൂന്ന് മീറ്റർ നീളവും നാലര മീറ്റർ വീതിയുമുള്ള കുഴികൾ 10-12 മീറ്റർ അകലത്തിൽ എടുത്താണ് ഒട്ടുതൈകൾ നടുക. തൈച്ചുവട്ടിൽ ജൈവപ്പുതയിടുന്നതും നന്ന്. വർഷത്തിൽ രണ്ടുതവണയാണ് വളപ്രയോഗം. അതും ജൈവവളങ്ങൾ. വളർന്ന മരങ്ങളുടെ കൊമ്പുകോതൽ വലിയ കായ്കൾ ഉണ്ടാകാൻ സഹായിക്കും. നട്ട് ആറു വർഷമായാൽ കായ് പിടിക്കുവാൻ തുടങ്ങുകയായി.

കായ്കൾക്ക് പൂർണ നിറമാകുമ്പോൾ വിളവെടുക്കാം. ദൂരസ്ഥലങ്ങളിലേക്ക് അയയ്ക്കാൻ പാതി നിറമെത്തിയ കായകളാണ് നല്ലത്. അഞ്ചു വർഷം പ്രായമായ ഒരു മരത്തിൽ നിന്ന് 500 ലിച്ചിപ്പഴം വരെ കിട്ടും. ഇരുപത് വർഷമാകുമ്പോൾ ഇത് 4000-5000 എന്ന തോതിൽ വർധിക്കുകയും ചെയ്യും.

പുതുതായി വിളവെടുത്ത ലിച്ചിപ്പഴത്തിന് നാലഞ്ചു ദിവസം വരെ മാത്രമേ സ്വത:സിദ്ധമായ നിറം നിലനിർത്താൻ കഴിയൂ. ഇലകളോ മറ്റോ കൊണ്ടു മറച്ച് ചൂരൽക്കാടുകളിൽ ലിച്ചി വിളവെടുത്ത് സൂക്ഷിക്കാം.

ഇലകൾ, കടലാസുകഷണങ്ങൾ, പഞ്ഞി എന്നിവ നിറച്ച പോളിത്തീൻ സഞ്ചികളിൽ ലിച്ചിപ്പഴം രണ്ടാഴ്ച വരെ നിറം മങ്ങാതെയിരിക്കും എന്ന് കണ്ടിരിക്കുന്നു. എന്നാൽ നനവ് തെല്ലുമില്ലാത്ത , ശീതീകരിച്ച സാഹചര്യങ്ങളിൽ പഴം രണ്ടു വർഷം വരെ ഉണക്കി സൂക്ഷിക്കാം.

തോലു കളഞ്ഞ വിളഞ്ഞ ലിച്ചിപ്പഴം ഫ്രൂട്ട് സലാഡ്, ഐസ്ക്രീം എന്നിവയിൽ ചേർത്തുപയോഗിച്ചാൽ അതീവ ഹൃദ്യമാണ്. ലിച്ചി സർബത്ത് സ്വാദിഷ്ടമായ പാനീയമാണ്. വിളവെടുത്ത പഴത്തിൽ നിന്ന് ചാറ് വേർതിരിച്ചെടുത്ത് അത് ജലാറ്റിൻ, ചൂടുപാൽ, ക്രീം , പഞ്ചസാര ,നാരങ്ങാനീര് എന്നിവയുമായി ചേർത്ത് തണുപ്പിച്ചാൽ ഒന്നാംതരം ലിച്ചി സർബത്ത് തയ്യാറാക്കാം.

തൊലി കളഞ്ഞ് നീക്കം ചെയ്ത ലിച്ചിപ്പഴം പഞ്ചസാര ലായനിയിൽ ക്യാൻ ചെയ്ത് നിരവധി വർഷം സൂക്ഷിക്കാം. ചെറിയ തോതിൽ അച്ചാറിടാനും സോഡ,വീഞ്ഞ് എന്നിവ തയ്യാറാക്കാനും ലിച്ചി ഉപയോഗിക്കുന്നു.

ലിച്ചിപ്പഴം ചെറുതായി കൊത്തിയരിഞ്ഞ് ലിച്ചിച്ചാറും ഒരു ശതമാനം പെക്റ്റിനും സിട്രിക് ആസിഡും ചേർത്ത് തയ്യാറാക്കുന്ന ലിച്ചി ജെല്ലി സ്വാദിലും ഗുണത്തിലും മികച്ചതാണ്.ലിച്ചി മരങ്ങൾക്കടുത്ത് വച്ച തേനീച്ചക്കൂട്ടിൽ നിന്ന് ധാരാളം തേൻ കിട്ടും. ഈ തേനിന്റെ മധുര ഗന്ധം ഒന്നു വേറെ തന്നെ. പെട്ടെന്ന് പരൽ കെട്ടുകയില്ല.

പോഷകമികവിലും ഔഷധ ഗുണത്തിലും ലിച്ചി ഒട്ടും പിന്നിലല്ല.ജീവകം സി സമൃദ്ധമാകയാൽ ഒരു ദിവസം ശരാശരി ഒൻപത് ലിച്ചിപ്പഴങ്ങൾ കഴിച്ചാൽ പ്രായപൂർത്തിയായ ഒരാളിന്റെ ജീവക ആവശ്യം നിറവേറ്റാം എന്ന് കണ്ടിരിക്കുന്നു.

ആയിരം മീറ്ററിന് മേൽ ഉയരമുള്ള തണുപ്പുപ്രദേശങ്ങളിലാണ് ലിച്ചിപ്പഴങ്ങൾ ഉണ്ടാകാൻ നന്ന്. സമതലങ്ങളിലും വളരുമെങ്കിലും വിളവ് കാര്യമായുണ്ടാകില്ല.

Content highlights: Lychee, Agriculture

മഞ്ഞൊടിയിലെ കര്‍ഷകര്‍ നൂറുമേനി വിളയിക്കും ; പക്ഷേ വിപണി എവിടെ? മഞ്ഞൊടിയിലെ കര്‍ഷകര്‍ നൂറുമേനി വിളയിക്കും ; പക്ഷേ വിപണി എവിടെ?

March 19, 2019, 8:31 am

≫ Next: കൊലമാസ് ...കരിങ്കോഴി; ഫ്‌ളാറ്റിലും വളര്‍ത്താംകൊലമാസ് ...കരിങ്കോഴി; ഫ്‌ളാറ്റിലും വളര്‍ത്താം

≪ Previous: ലിച്ചി: ചൈനക്കാരുടെ പ്രിയപ്പെട്ട പഴം, ഹൈറേഞ്ചിലും വളരുംലിച്ചി: ചൈനക്കാരുടെ പ്രിയപ്പെട്ട പഴം, ഹൈറേഞ്ചിലും വളരും

$

0

0

നോക്കെത്താ ദൂരത്തോളം നീണ്ടു കിടക്കുന്ന കൃഷിയിടങ്ങൾ. പെരുവയൽ പഞ്ചായത്തിലെ മഞ്ഞൊടി കിഴക്കുമ്പാടം മുഴുവൻ കൃഷിയാണ്. ഒഴിഞ്ഞുകിടക്കുന്ന ഒരിഞ്ച് ഭൂമി പോലും ഈ പ്രദേശത്തില്ല. പരമ്പരാഗതമായി കൃഷിമാത്രം ഉപജീവനമാക്കിയ നൂറ് കണക്കിന് കർഷകരാണ് ഈ മണ്ണ് പൊന്നാക്കുന്നത്. പഴം-പച്ചക്കറി, കിഴങ്ങു വർഗങ്ങൾ, നെല്ല് തുടങ്ങി വിവിധയിനങ്ങൾ ഇവിടെ സുലഭം. കൃഷി വകുപ്പിന്റെ നല്ല കാർഷികമുറകൾ പാലിച്ചുള്ള കൃഷി രീതി (Good Agriculture Practice) പാലിച്ചു പോരുന്നതിനാൽ ജൈവ പച്ചക്കറികളാണ് ഉത്പാദിപ്പിക്കുന്നത്.

മഞ്ഞൊടി കർഷകനെന്നാൽ

പാട്ടത്തിനെടുത്തും സ്വന്തം പറമ്പിലും അധ്വാനത്തിന്റെ വിത്തിറക്കുന്നവർ. പരമ്പരാഗത കൃഷികൾക്കൊപ്പം പുത്തൻ രീതികൾ പരീക്ഷിക്കാൻ ഒരു മടിയുമില്ലാത്തവർ. രണ്ട് ഹെകടർ നീണ്ടു കിടക്കുന്ന കിഴക്കുമ്പാടം രണ്ട് ക്ലസ്റ്ററുകളായി തിരിച്ച് കൃഷി ഭവന്റെ സഹായത്തോടു കൂടിയാണ് കൃഷിയിറക്കുന്നത്. മിക്ക വീടുകളിലും സർക്കാർ ജോലിക്കാരുണ്ടെങ്കിലും അവരെല്ലാം കൃഷിയിലും ഉത്സാഹം കാണിക്കുന്നതും ഈ ഗ്രാമത്തിന്റെ പ്രത്യേകതയാണ് .വളപ്രയോഗവും കീടനാശിനിയുമെല്ലാം ജൈവരീതിയിൽ സ്വന്തം നിർമ്മിക്കുന്നവർ.

ഒരുമയുടെ പെരുമ



കിഴക്കുമ്പാടത്തെ കർഷകർ : ഫോട്ടോ: ഷഹീർ. സി.എച്ച്



പരസ്പര സൗഹാർദവും സഹകരണവുമാണ് കിഴക്കുമ്പാടത്തെ വേറിട്ട് നിർത്തുന്നത്. വിശ്വാസത്തിന്റെയും കൂട്ടായ്മയുടെയും ഈ ജൈത്രയാത്ര തുടങ്ങിയിട്ട് ഇത് പതിനാറാം വർഷം. കർഷകക്കൂട്ടായ്മകളും സ്വാശ്രയ സംഘങ്ങളും കർഷകന് നൽകുന്ന ആത്മവിശ്വാസം ചെറുതല്ല. ഒത്തൊരുമയുടെയും അധ്വാനത്തിന്റെയും നേർക്കാഴ്ചയാണ് ഇവിടുത്തെ പച്ചപ്പ്്. കാർഷികപ്പെരുമയുടെ പര്യായമായി നിരവധി കർഷകസംഘങ്ങളാണ് ഇവിടെയുള്ളത്. സ്വന്തം പറമ്പിൽ തനിക്കാവശ്യമുളളതോ ലാഭം കിട്ടാവുന്നതോ ആയ കൃഷി തിരഞ്ഞെടുക്കുന്നതിന് പകരം ഒരുമിച്ച് കൃഷിയിറക്കുകയെന്നതാണ് ഇവിടുത്തെ രീതി. ഒരേ സമയത്ത് നൽകുന്ന വളവും കീടനാശിനി പ്രയോഗവും ഉത്പാദനം കൂട്ടാൻ സഹായിക്കുന്നു. വളമായി ഉപയോഗിക്കുന്ന ഹരിത കഷായവും കീടനിയന്ത്രണത്തിനായുള്ള മഞ്ഞക്കെണിയും ഫിറോമോൺ കെണിയുമെല്ലാം ഇവർ സ്വന്തമായി നിർമ്മിക്കുകയും ആവശ്യക്കാർക്ക് വിതരണവും ചെയ്യുന്നു. ജലസേചനത്തിനായി ഇവർ ആശ്രയിക്കുന്ന ലിഫ്റ്റ് ഇറിഗേഷൻ പദ്ധതി കർഷക കൂട്ടായ്മയുടെ ഏറ്റവും വലിയ വിജയങ്ങളിലൊന്നാണ്



വിളവെടുക്കുന്ന കർഷകൻ : ഫോട്ടോ: ഷഹീർ. സി.എച്ച്



പുതിയ ഇനങ്ങൾ പരീക്ഷിക്കുന്നതിലും കർഷകർ ഒട്ടും പിന്നിലല്ലെന്ന്് കർഷക കൂട്ടായ്മയുടെ സെക്രട്ടറിയായ ചന്ദ്രൻ പറയുന്നു. മികച്ച പഴം പച്ചക്കറി കർഷകനുള്ള കേരള വെജിറ്റബിൾ ആൻഡ് ഫ്രൂട്ട്സ് പ്രമോഷൻ കൗൺസിൽ പുരസ്കാര ജേതാവായ ചന്ദ്രന്റെ തോട്ടം തന്നെ ഇതിനുദാഹരണമാണ്. കാരറ്റും, ബീറ്റ്റൂട്ടുമെല്ലാം ഇവിടെ വിളഞ്ഞു നിൽക്കുന്നു. പഴം,പച്ചക്കറി എന്നിവയുടെ ഉത്പാദന-വിപണന പ്രവർത്തനങ്ങൾക്കു പുറമേ ഫാം സ്കൂൾ, പ്രദർശനത്തോട്ടം എന്നിങ്ങനെ നിരവധി പദ്ധതികൾ കൃഷി ഭവനുമായി സഹകരിച്ച് ഇവർ ചെയ്യുന്നുണ്ട്. കർഷകക്കൂട്ടായ്മ പോലെ മറ്റൊരു പ്രത്യേകതയാണ് ഇവിടുത്തെ സ്വാശ്രയസംഘങ്ങൾ.

വിളിച്ചാൽ വിളിപ്പുറത്ത് കൃഷി ഭവൻ

നടീൽവസ്തുക്കളുടെ ലഭ്യത ഉറപ്പാക്കൽ, ശാസ്ത്രീയ കൃഷിരീതികളെക്കുറിച്ച് പരിശീലന പരിപാടികൾ, കീടനനിയന്ത്രണ മാർഗങ്ങൾ, നടീൽ വസ്തുക്കളും ജൈവ വളവും മറ്റും ലഭ്യമാക്കാൻ ബയോ ഫാർമസി, വിപണനത്തിനായി പുനർവ എക്കോഷോപ്പ്തുടങ്ങിയ സഹായങ്ങൾ കൃഷി ഭവൻ നൽകുന്നുണ്ട്. ജില്ലയിൽ എ ഗ്രേഡ് ക്ലസ്റ്റർ വിഭാഗത്തിൽ ഉൾപ്പെടുന്ന കിഴക്കുമ്പാടത്ത് നിരവധി കാർഷിക പദ്ധതികളാണ് നടപ്പാക്കുന്നത്. ജൈവ കീടനാശിനിയും വളവുമെല്ലാം സ്വയം നിർമ്മിക്കാനുള്ള പരിശീലനവും കൃഷി ഭവൻ നൽകിക്കഴിഞ്ഞു.



വിഷു വിപണി പ്രതീക്ഷിച്ച് കർഷകർ

വിഷുവിനാവശ്യമായ പച്ചക്കറികൾ വിപണിയിലെത്തിക്കാനുള്ള ഒരുക്കത്തിലാണ് കിഴക്കുമ്പാടത്തെ കർഷകർ. ജനുവരി -ഫെബ്രുവരി മാസത്തെ വിളവെടുപ്പിന് ശേഷം നട്ട പാവലും പടവലവുമെല്ലാം പടർന്നു തുടങ്ങിയിരിക്കുന്നു. ചേന, വാഴ, വിവിധയിനം പച്ചക്കറികൾ എന്നിവ കൂടാതെ പാടത്തിന്റെ നല്ലൊരു വിഭാഗം കണിവെള്ളരി കൃഷിക്കായും കർഷകർ മാറ്റി വെച്ചിട്ടുണ്ട്. ജില്ലയിൽ തന്നെ ഏറ്റവും കൂടുതൽ കണിവെള്ളരി കൃഷി ചെയ്യുന്ന ഇടങ്ങളിലൊന്നാണ് ഇവിടം.

പറയാനുണ്ട് സർക്കാരിനോട്

ജൈവരീതിയിൽ ഉത്പാദിക്കുന്ന പച്ചക്കറികൾക്ക് ആവശ്യക്കാരേറെയാണ്. പക്ഷേ ഉത്പാദിപ്പിക്കപ്പെടുന്ന പച്ചക്കറി വേണ്ട രീതിയിൽ വിതരണം ചെയ്യാൻ സാധിക്കാത്തതാണ് കർഷകർ നേരിടുന്ന ഏറ്റവും വലിയ പ്രതിസന്ധി. കൂടുതൽ ജൈവകടകൾ ആരംഭിക്കുകയോ മറ്റ് മാർഗം സ്വീകരിക്കുകയോ ചെയ്തില്ലെങ്കിൽ കൂലിക്ക് പോലും തികയാത്ത തുച്ഛമായ വിലയാകും ഇനിയും കർഷകന് ലഭിക്കുക. കൃത്യമായ മാർക്കറ്റിങ് സംവിധാനത്തിന്റെ അഭാവമാണ് ഇവർ നേരിടുന്ന ഏറ്റവും വലിയ വെല്ലുവിളി.



പുനർനവ ഇക്കോഷോപ്പ്: ഫോട്ടോ:ഷഹീർ.സി.എച്ച്



കഷ്ടപ്പെട്ടുണ്ടാക്കിയ പാവലും പടവലവും പച്ചമുളകും ചീരയുമെല്ലാം വാങ്ങാനാളില്ലാതെ നശിച്ചു പോയ കഥ സദാനന്ദൻ പറയുമ്പോൾ അത് ഒരാളുടെ മാത്രം കഥയായി ചുരുങ്ങുന്നതല്ല.

ഗ്രോബാഗ് കൃഷികൾക്കും സ്ഥാപനങ്ങളുടെ ചെറുകിട കാർഷിക പദ്ധതികൾക്കും 75 ശതമാനത്തോളം സബ്സിഡി നൽകുമ്പോൾ കൃഷി മാത്രം വരുമാനമാർഗമായ പരമ്പരാഗത കർഷകന് ദശാബ്ദങ്ങൾക്ക് മുൻപേ നിശ്ചയിക്കപ്പെട്ട തുച്ഛമായ തുകയാണ് സബ്സിഡിയായി ക്ലസ്റ്ററൊന്നിന് ലഭിക്കുന്നത്. ഈ പ്രശ്നം ചൂണ്ടിക്കാട്ടി ഞങ്ങൾ നെന്മണി ഫാർമേഴ്സ് ക്ലബിന്റെ നേതൃത്വത്തിൽ കൃഷി മന്ത്രിക്ക് പരാതി നൽകിയിരുന്നു. പക്ഷേ ഇപ്പോഴും സെന്റിന്അറുപത് രൂപയാണ് സബ്സിഡിയായി ലഭിക്കുന്നത്. ക്ലസ്റ്റർ സെക്രട്ടറി ചന്ദ്രൻ പറഞ്ഞു.

പ്രളയക്കെടുതിയും മഴക്കാലദുരിതവും ഏറെ അനുഭവിക്കുന്നവരാണ് മഞ്ഞൊടിയിലെ കർഷകർ. പ്രളയം കടന്നുപോയി മാസങ്ങളായിട്ടും ഒരു രൂപ പോലും സഹായമായി ഇവർക്ക് ലഭിച്ചിട്ടില്ല.

Content highlights: Agriculture, Organic farming, Vegetables ,Good Agriculture Practice

കൊലമാസ് ...കരിങ്കോഴി; ഫ്‌ളാറ്റിലും വളര്‍ത്താംകൊലമാസ് ...കരിങ്കോഴി; ഫ്‌ളാറ്റിലും വളര്‍ത്താം

March 19, 2019, 11:29 am

≫ Next: കടയില്‍ നിന്ന് വാങ്ങിയ മാതള നാരങ്ങയുടെ വിത്തുകള്‍ വീട്ടില്‍ മുളപ്പിക്കാംകടയില്‍ നിന്ന് വാങ്ങിയ മാതള നാരങ്ങയുടെ വിത്തുകള്‍ വീട്ടില്‍ മുളപ്പിക്കാം

≪ Previous: മഞ്ഞൊടിയിലെ കര്‍ഷകര്‍ നൂറുമേനി വിളയിക്കും ; പക്ഷേ വിപണി എവിടെ? മഞ്ഞൊടിയിലെ കര്‍ഷകര്‍ നൂറുമേനി വിളയിക്കും ; പക്ഷേ വിപണി എവിടെ?

$

0

0

ഹിമാലയൻ മേഖലയിലെ മഞ്ഞുമനുഷ്യനായ യതിയും ഇത്തിരിക്കുഞ്ഞൻ ആനയായ കല്ലാനയും തലയിൽ പൂവുള്ള, കോഴിയെപ്പോലെ കൊക്കുന്ന കരിങ്കോളിപ്പാമ്പും ഇന്നും മിത്തുകളാണ്. പലരും കണ്ടുവെന്നുപറയുന്ന, എന്നാൽ കണ്ടതിന് തെളിവുകളൊന്നുമില്ലാത്ത, ശാസ്ത്രലോകം അംഗീകരിക്കാത്ത ഒരുകൂട്ടം അജ്ഞാതജീവികൾ. സമീപകാലം വരെ മിത്തിന്റെ പട്ടികയിൽ ഇടംപിടിച്ച മറ്റൊരാൾ കൂടിയുണ്ട് -കരിങ്കോഴി.

കറുത്ത തൂവലുകളും കാലും കൊക്കും എന്തിനേറെ, കറുകറുത്ത മാംസം വരെയുള്ള കരിങ്കോഴി ആരോ പടച്ചുവിട്ട നുണയാണെന്നാണ് പലരും കരുതിയത്. സമൂഹമാധ്യമങ്ങളിൽ ട്രോളൻമാരും കരിങ്കോഴിയെ പലതവണ കശാപ്പിനിരയാക്കി.

എന്നാൽ പൊന്നുംവിലയുള്ള കരിങ്കോഴി ഇപ്പോൾ നമ്മുടെ വീട്ടുവളപ്പിലും അങ്കവാലും കുലുക്കി നുള്ളിപ്പെറുക്കാൻ തുടങ്ങി. കന്നുകാലി വളർത്തലിലും കോഴി-കാടവളർത്തലിലും ശ്രദ്ധയൂന്നിയ കർഷകർ ഇപ്പോൾ കരിങ്കോഴിക്കുപിറകെയാണ്.

ഏറെ വൈകാതെ ലാഭംകൊണ്ടുവരുന്ന കരിങ്കോഴി, കർഷകർക്കും സൗന്ദര്യസംരക്ഷകർക്കും ആരോഗ്യകാര്യത്തിൽ ശ്രദ്ധപുലർത്തുന്നവർക്കും ഒരു പോലെ പഥ്യം. മുട്ട, കോഴിക്കുഞ്ഞ്, മാംസം എന്നിവയ്ക്കുള്ള വൻ ഡിമാൻഡ്, ഏറെക്കുറെ സാധാരണ കോഴിക്ക് സമാനമായ പരിചരണം, പതിൻമടങ്ങ് ലാഭം തുടങ്ങിയ കാര്യങ്ങളാണ് കോഴിക്കർഷകരെ കരിങ്കോഴിയിലേക്ക് ആകർഷിക്കുന്നത്.

കാലാമസി അഥവാ കടക്നാഥ്

വിപണിയിൽകൊലമാസാണിപ്പോൾ കാലാമസി (ഉത്തരേന്ത്യക്കാർ കരിങ്കോഴിയെ വിളിക്കുന്നത് കാലാമസി എന്നാണ്) എന്നുപറയാം.നാടൻകോഴികളിൽനിന്ന് ഇറച്ചിക്കോഴിയിലേക്ക് കൂടുമാറിയവർ നിലവിൽ ശ്രദ്ധ കേന്ദ്രീകരിക്കുന്നത് കരിങ്കോഴി വളർത്തലിലാണ്. മധ്യപ്രദേശിലെ ജൗബ, ധാ ർ തുടങ്ങിയ പ്രദേശങ്ങളിൽ ഉരുത്തിരിഞ്ഞ മുട്ടക്കോഴിയിനമാണ് കടക്നാഥ് അഥവാ കാലാമസി. ശരീരമാകെ കറുത്ത നിറമായതിനാൽ മലയാളികൾക്കത് കരിങ്കോഴിയായി.

മാംസത്തിനും മുട്ടയ്ക്കും പോഷകമൂല്യവും ഔഷധഗുണവുമുണ്ടെന്നുള്ള അറിവാണ് കരിങ്കോഴിക്ക് സംസ്ഥാനത്ത് ആവശ്യക്കാരെ കൂട്ടുന്നത്. കരിങ്കോഴി മുട്ടയൊന്നിന് 30 മുതൽ 40 രൂപവരെ വിലയുണ്ട്. ഒരുദിവസം പ്രായമായ കോഴിക്കുഞ്ഞിന് വില 45-60രൂപ.പൂർണവളർച്ചയെത്തിയ കോഴിക്ക് 1000-നും 1500-നും ഇടയിൽ രൂപകൊടുത്ത് വാങ്ങാൻവരെ ആളുണ്ട്. പൂർണവളർച്ചയെത്തിയ പൂവന് രണ്ടുകിലോവരെയും പിടയ്ക്ക് ഒന്നരക്കിലോവരെയും തൂക്കം കാണും. ഇവയുടെ വിസർജ്യം ഉത്തമ ജൈവവളമാണ്.വിപണിയിൽ വൻ വിലയുമുണ്ട് ഇവയ്ക്ക്. ചുട്ട കോഴിയെ പറപ്പിക്കുമെന്ന് അവകാശപ്പെടുന്ന ചിലർ അതിരഹസ്യമായി കരിങ്കോഴിയെ മന്ത്രവാദത്തിനും മറ്റുമായി ഉപയോഗിക്കുന്നുണ്ട്. ഇരുതലമൂരിയെയും വെള്ളിമൂങ്ങയെയും നക്ഷത്ര ആമയെയും പോലെ കരിങ്കോഴിക്ക് അത്ഭുതസിദ്ധികളുണ്ടെന്നും ചിലർ തെറ്റായി പ്രചരിപ്പിക്കുന്നുണ്ട്. കരിങ്കോഴിയെ വളർത്തുന്നവർ അറിഞ്ഞിരിക്കേണ്ട പ്രധാന കാര്യങ്ങളാണ് വിപണിസാധ്യതയും പരിപാലനവും തീറ്റയും.

വിപണി സാധ്യത

സാധാരണ മുട്ടക്കോഴിക്ക് നൽകുന്നതുപോലെ കരിങ്കോഴിക്ക് തീറ്റയായി അരിയും ഗോതമ്പും നൽകാം. ഫംഗസ് ബാധയുണ്ടാകാതിരിക്കാൻ തീറ്റയിൽ പൂപ്പൽ പിടിച്ചിട്ടില്ലെന്ന് പ്രത്യേകം ശ്രദ്ധിക്കണം. ചോളപ്പൊടി, മീൻപൊടി, സോയ, കക്ക എന്നിവ ചേർത്ത് നന്നായി യോജിപ്പിച്ച് അല്പം കറിയുപ്പ്കൂടി ചേർത്ത് നൽകിയാൽ മുട്ടയുത്പാദനം കുടും. തീറ്റയിൽ കലർത്തിയ മീൻപൊടിയിൽ പൂഴിയോ കക്കത്തോടോ ഉണ്ടാകാതെ ശ്രദ്ധിക്കണം.ചോളവും ചോളത്തവിടും ഉണക്കമുള്ളതാണെന്ന് ഉറപ്പുവരുത്തണം. കോഴിയിനങ്ങളുടെ കലർപ്പ് ഒഴിവാക്കാനായി കരിങ്കോഴികളെ പ്രത്യേകം വളർത്തുന്നതാണ് നല്ലതെന്ന് ഈ രംഗത്തുള്ളവർ പറയുന്നു. നിലവിൽ പ്രാദേശിക വിപണിയിൽത്തന്നെ കരിങ്കോഴിയിറച്ചിയും മുട്ടയും വാങ്ങാനാളുണ്ടെന്നതിനാൽ വിപണനത്തിനായി ബദ്ധപ്പെടേണ്ടതില്ല.

കോലിയും കോഴിയും

ഫിറ്റ്നസ് ഉറപ്പുവരുത്തുന്നതിനായി ഇന്ത്യൻ ക്രിക്കറ്റ് ക്യാപ്റ്റൻ വിരാട് കോലിയടക്കമുള്ള കളിക്കാരുടെ ദൈനംദിനഭക്ഷണത്തിൽ കരിങ്കോഴി മാംസം ഉൾപ്പെടുത്തണമെന്ന് ആവശ്യപ്പെട്ട് മധ്യപ്രദേശിലെ ജാംബുവയിലെ കൃഷിവിജ്ഞാനകേന്ദ്രം ബി.സി.സി.െഎ.ക്ക് കത്തയച്ചത് ഈയിടെയാണ്. കരിങ്കോഴിയിറച്ചി കഴിക്കുന്നത് കൊളസ്ട്രോൾ കുറയ്ക്കാനും കൊഴുപ്പ് കുറയ്ക്കാനും നല്ലതാണെന്നു മാത്രമല്ല കരിങ്കോഴിയിൽ ഉയർന്ന തോതിൽ ഇരുമ്പും പ്രോട്ടീനും ഉണ്ടെന്നും കൃഷിവിജ്ഞാൻ കേന്ദ്രം എഴുതിയ കത്തിൽ സൂചിപ്പിക്കുന്നു. ഇന്ത്യയിൽ ഭൗമസൂചികാപട്ടം (ജി.െഎ.-ജിയോഗ്രാഫിക്കൽ ഇൻഡിക്കേഷൻസ്) ലഭിച്ച ജീവികളിലൊന്നാണ് കരിങ്കോഴി.

മുണ്ടയാട് പൗൾട്രി ഫാമിനെ ബന്ധപ്പെടാം

കണ്ണൂർ ജില്ലയിൽ മുണ്ടയാട് റീജണൽ പൗൾട്രി ഫാമിൽ വൻതോതിൽ കരിങ്കോഴി വില്പനയ്ക്കുണ്ട്. വയനാട് വെറ്ററിനറി കോളേജ് പൗൾട്രി ഫാം, കോഴിക്കോട് ചാത്തമംഗലം റീജണൽ പൗൾട്രി ഫാം എന്നിവിടങ്ങളിലും വിൽപനയുണ്ട്. ഇതുകൂടാതെ നിരവധി വ്യക്തികളും കരിങ്കോഴി വില്പനരംഗത്തുണ്ട്.

കരിങ്കോഴിയുടെ ഔഷധഗുണങ്ങൾ

ഹൃദ്രോഗികൾക്ക് ഏറ്റവും സുരക്ഷിതമായ മാംസമെന്നാണ് മൈസൂരുവിലെ ദേശീയ ഭക്ഷ്യഗവേഷണസ്ഥാപനം കരിങ്കോഴിയിറച്ചിയെ വിശേഷിപ്പിച്ചത്. കരിങ്കോഴിയിറച്ചിയിലെ പ്രോട്ടീൻ 24-27% വരെയാണ്. സാധാരണ കോഴിയിറച്ചിയിലാകട്ടെ ഇത് 15-18 ശതമാനവും മാത്രവും. കരിങ്കോഴിയിറച്ചിയിലെ കൊഴുപ്പിന്റെ അളവ് 0.73-1.05 ശതമാനം മാത്രമാണ്. സാധാരണ കോഴിയിറച്ചിയിൽ കൊഴുപ്പളവ് ഇതിന്റെ 20-25 ഇരട്ടിയാണ്.

ഇരുമ്പ്, ഫോസ്ഫറസ്, കാത്സ്യം തുടങ്ങിയ ധാതുക്കളുടെയും നിരവധി ജീവകങ്ങളുടെയും നിറഞ്ഞ കലവറ കൂടിയാണ് കരിങ്കോഴിമാംസം. മനുഷ്യശരീരത്തിനാവശ്യമായ എട്ട് അമിനോ അമ്ലങ്ങളുൾപ്പെടെ കരിങ്കോഴി മാംസത്തിൽ അടങ്ങിയിട്ടുണ്ടെന്ന് പഠനത്തിൽ തെളിഞ്ഞിട്ടുണ്ട്. കരിങ്കോഴിയുടെ മുട്ടയിലും മാംസത്തിലും ധാരാളം വിറ്റാമിനുകളും അടങ്ങിയിട്ടുണ്ട്. പേശികൾക്ക് കൂടുതൽ ബലം ലഭിക്കാൻ ഇതിന്റെ ഇറച്ചി സഹായകമാണ്. ഇളം തവിട്ടുനിറമുള്ള മുട്ടയിൽ കൊളസ്ട്രോളിന്റെ അളവ് നാടൻകോഴികളെ അപേക്ഷിച്ച് കുറവാണ്. ഉയർന്ന തോതിൽ മെലാനിൻ അടങ്ങിയിട്ടുള്ളതിനാലാണ് ഇവയുടെ മാംസത്തിനും ആന്തരികാവയവങ്ങൾക്കും കറുപ്പുനിറം.

ഫ്ലാറ്റിലുമാവാം

നഗരത്തിൽ ഫ്ലാറ്റിൽ താമസിക്കുന്നവർക്കുപോലും ചെറിയതോതിൽ കരിങ്കോഴി വളർത്തലാവാമെന്ന് വിദഗ്ധർ പറയുന്നു. അല്പം സ്ഥലവും സമയവുമുണ്ടെങ്കിൽ നഗരവാസികൾക്കുപോലും കരിങ്കോഴിയെ വളർത്താം. പകൽ സമയങ്ങളിൽ കൂട്ടിൽനിന്ന് തുറന്നുവിട്ട് വളർത്തുന്നതാണ് നല്ലതെങ്കിലും സ്ഥലപരിമിതിയുള്ളവർക്ക് ചെറിയ കൂടുകളിലും കരിങ്കോഴിയെ പരിപാലിക്കാം. ഇതിനായി പ്രത്യേകം തയ്യാറാക്കിയ കൂടുകൾ വിപണിയിൽ ലഭ്യമാണ്. കൂട്ടിൽത്തന്നെ തീറ്റയ്ക്കും വെള്ളത്തിനുമുള്ള സംവിധാനമൊരുക്കണം.മാസം ഒരു കോഴിയിൽനിന്ന് 20 മുട്ടയോളം ലഭിക്കും. ആറുമാസത്തോളം പ്രായമാകുമ്പോൾ മുട്ടയിടാൻ തുടങ്ങും.

Content highlights: Kadaknath chicken, Animal husbandry

കടയില്‍ നിന്ന് വാങ്ങിയ മാതള നാരങ്ങയുടെ വിത്തുകള്‍ വീട്ടില്‍ മുളപ്പിക്കാംകടയില്‍ നിന്ന് വാങ്ങിയ മാതള നാരങ്ങയുടെ വിത്തുകള്‍ വീട്ടില്‍ മുളപ്പിക്കാം

March 19, 2019, 12:56 pm

≫ Next: തണ്ണിമത്തന്‍ തോടില്‍നിന്നും കാന്‍ഡിതണ്ണിമത്തന്‍ തോടില്‍നിന്നും കാന്‍ഡി

≪ Previous: കൊലമാസ് ...കരിങ്കോഴി; ഫ്‌ളാറ്റിലും വളര്‍ത്താംകൊലമാസ് ...കരിങ്കോഴി; ഫ്‌ളാറ്റിലും വളര്‍ത്താം

$

0

0

കടയിൽ നിന്നും വാങ്ങിയ മാതള നാരങ്ങയിൽ നിന്നും വിത്തുകൾ ശ്രദ്ധയോടെ വേർതിരിച്ചാൽ വീട്ടിൽത്തന്നെ മുളപ്പിച്ചെടുക്കാം. ചകിരിച്ചോറിലാണ് വിത്തുകൾ എളുപ്പത്തിൽ മുളക്കുന്നത്

1.മാതള നാരങ്ങയുടെ അകത്തുനിന്നും ചുവന്ന നിറത്തിലുള്ള കുരുവോടു കൂടിയ ഭാഗം അടർത്തിയെടുക്കുക. ഇതിൽ നിന്നും കുരു മാത്രമായി കൈ കൊണ്ട് വേർതിരിച്ചെടുക്കുക.ശേഖരിച്ചു വെച്ചിരിക്കുന്ന മുഴുവൻ വിത്തുകളും നന്നായി കഴുകിയെടുത്ത് ടിഷ്യൂ പേപ്പറിൽ നിരത്തുക. പേപ്പർ പൂർണമായും നനഞ്ഞിരിക്കണം. ഇത് സിബ്ബ് ഉപയോഗിച്ച് അടയ്ക്കാൻ കഴിയുന്ന ഒരു പോളിത്തീൻ കവറിലേക്ക് വെക്കുക. ഒരു പ്ലാസ്റ്റിക്പാത്രത്തിൽ വെച്ച് അടയ്ക്കുക.

2. ഒൻപത്ദിവസം കഴിഞ്ഞ് എടുത്തു നോക്കിയാൽ വിത്തുകൾ ചെറുതായി മുളച്ചിരിക്കുന്നത് കാണാം

3. ഒരു പ്ലാസ്റ്റിക് ബോട്ടിൽ എടുത്ത് ചകിരിച്ചോറ് നിറയ്ക്കണം. ഇതിലേക്ക്വിത്തുകൾകുഴിച്ചിടാം. ഇത് സിബ്ബു കൊണ്ട് അടയ്ക്കാൻ കഴിയുന്ന ഒരു പോളിത്തീൻ കവറിലേക്ക് എടുത്തുവെക്കുക

4. 17 ദിവസം കഴിഞ്ഞ് നോക്കിയാൽഈ വിത്തുകൾ നന്നായി മുളച്ച് വന്നിരിക്കുന്നതായി കാണാം.

5. 25 ദിവസം കഴിഞ്ഞാൽ ഓരോ ചെടിയായി വേറെ വേറെ ചെറിയ പ്ലാസ്റ്റിക് കപ്പുകളിൽ ചകിരിച്ചോറ്,മണ്ണ്, മണൽ എന്നിവ 2:1:1 എന്ന അനുപാതത്തിൽ എടുത്ത് യോജിപ്പിച്ച് നടാം.

6. ഒരുമാസത്തെ വളർച്ചയെത്തിയാൽ ചെടിച്ചട്ടിയിലേക്ക് മാറ്റി നടാം

Content highlights:Pomegranate, Agriculture,Organic farming